Published on MAPNews (https://www.mapnews.ma/am)

Accueil > ⵕⵕⴱⴰⵟ: ⴰⵏⵎⵓⵇⵇⴰⵔ ⵏ ⵓⵎⵢⴰⵡⴰⴹ ⵏ ⵓⵙⵎⵏⵉⴷ ⵏ ⵉⴼⵍⵜⴰⵙⵏ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⵡⵊⴰ

ⵕⵕⴱⴰⵟ: ⴰⵏⵎⵓⵇⵇⴰⵔ ⵏ ⵓⵎⵢⴰⵡⴰⴹ ⵏ ⵓⵙⵎⵏⵉⴷ ⵏ ⵉⴼⵍⵜⴰⵙⵏ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⵡⵊⴰ

25 ⴷⵓⵊⴰⵏⴱⵉⵔ 2024 Version Imprimable
ⵕⵕⴱⴰⵟ - ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴳ ⵜⵉⴳⵉⵡⵔⵜ ⵏ ⵜⵡⵓⵔⵉ ⵍⵍⵉ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⴹ ⴰⴷⵜ ⵉⵏⵚⵕ ⵕⴱⴱⵉ ⴰⵙⵙⵏ ⵓⵢⵏⴰⵙ ⴳ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ ⵍⵍⵉ ⵉⵥⵍⵉⵏ ⵙ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⴰⵡⵊⴰ , ⵉⵜⵜⵓⵙⵏⵎⴰⵍⴰ ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ ⵢⴰⵏ ⵓⵏⵎⵓⵇⵇⴰⵔ ⵏ ⵓⵎⵢⴰⵡⴰⴹ ⵏ ⵓⵙⵎⵏⵉⴷ ⵏ ⵉⴼⵍⵜⴰⵙⵏ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⴰⵡⵊⴰ.

ⵙ ⵓⵣⵎⵣⵣⵓ ⵢⴰⴷ , ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙ ⴷ ⵢⵓⵛⴽⴰ ⵓⵏⵎⵓⵇⵇⴰⵔ ⴰⴷ ⵏ ⵓⵎⵢⴰⵡⴰⴹ ⴷ ⵉⴳⵎⴰⵎⵏ ⵏ ⵜⵏⵖⵎⴰⵙⵜ ⵜⴰⵏⴰⵎⵓⵔⵜ ⴷ ⵜⴰⴳⵔⴰⵖⵍⴰⵏⵜ ⴳ ⵓⵙⴰⵜⵉ ⵏ ⵓⵣⵣⵓⴳⵣ ⵏ ⵉⵡⴰⵍⵉⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵉⵍⵍⴰⵏ ⴳ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⴰⴼⴰⴷ ⴰⵙⵙⵎⵏⵉⴷ ⵏ ⵉ ⵜⴰⵏⵏⴰⵢⵜ ⵜⴰⵎⴰⵜⴰⵢⵜ ⵅⴼ ⵉⴼⵍⵜⴰⵙⵏ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⴰⵡⵊⴰ.

ⵉⵜⵜⵓⵙⵏ ⵓⵏⵎⵓⵇⵇⴰⵔ ⴰⴷ ⵙ ⵜⴰⵙⴳⵓⵔⵉ ⵓⵎⴰⵡⴰⵙ ⵏ ⵜⵣⵔⴼⵜ ⴷ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ ⵍⵍⵉ ⵉⵎⵍⴰⵏ ⵜⵉⵖⴰⵡⵙⵉⵙⵉⵏ ⵉⵖⵓⴷⴰⵏ ⵍⵍⵉ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⴰⵡⵊⴰ.

ⴳ ⵜⴰⵙⴳⴰ ⵏⵏⵙ ⵉⵎⵍⴰ ⵓⵎⴰⵡⴰⵙ ⵏ ⵍⵃⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ ⵜⵉⵖⴰⵡⵙⵉⵙⵉⵏ ⵉⵥⵍⵉⵏ ⵙ ⵜⴰⵏⵏⴰⵢⵜ ⵏ ⵛⵛⵔⵄ ⵍⵍⵉ ⵢⵓⵣⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵎⵄⵓⵍⴰⵎⴰ ⵉ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵚ.

ⴳ ⵜⴰⵙⴳⴰ ⵏⵏⵙ , ⵜⵏⵏⴰ ⵜⴰⵎⴰⵡⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ ⵎⴰⵙⵙⴰ ⵏⴰⵄⵉⵎⴰ ⴱⵏⵢⴰⵃⵢⴰ ⵎⴰⵙ ⵉⵥⴹⴰⵕ ⵓⵣⵣⵔⵣⵢ ⵏ ⵓⵙⵍⴳⵏ ⵏ ⵜⴰⵡⵊⴰ ⵙ ⵉⵡⴰⵍⵉⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵢⴰⵡⵙ ⴳ ⵜⴰⵏⴽⵔⴰ ⵜⴰⵎⴰⵢⵏⵓⵜ ⵉ ⵓⵃⵟⵟⵓ ⵏ ⵉⵣⵔⴼⴰⵏ ⵏ ⵜⵎⵟⵟⵓⵜ ⴷ ⵓⵎⵙⴰⵙⴰ ⵏ ⵜⵡⴰⵊⴰ ⴷ ⵉⵔⴱⴰⵜⵏ ⴷ ⵓⵙⴷⵓⵙ ⵏ ⵓⵏⵙⴰ ⵏ ⵜⵉⴳⵍⴷⵉⵜ ⵍⵍⵉ ⴷⴰⵔ ⵍⵍⵉ ⵉⵔⵉⵎ ⵉⵖⵓⴷⴰⵏ ⴳ ⵉⴳⵔ ⴰⴷ.

ⵉⵣⵔⵉ ⵓⵏⵎⵓⵇⵇⴰⵔ ⵙ ⵜⵉⵍⵉⵜ ⵏ ⵙⵍⴰⵡⴰⵏ ⴰⴽⴽⵯ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵄⴰⵍⴰⵎⵉ ⴷ ⵓⵏⵙⵙⵉⵅⴼ ⵏ ⵉⵎⵛⵉⵡⴰⵕ ⵎⴰⵙⵙ ⵎⵓⵃⵎⵎⴷ ⵡⴰⵍⴷ ⵕⵕⵛⵉⴷ ⴷ ⵓⵏⵙⵙⵉⵅⴼ ⴰⵎⴰⵔⵉ ⵏ ⵓⵙⵇⵇⵉⵎ ⴰⵏⵙⴼⵍⴽⴰ ⵏ ⵜⵏⴱⴰⴹⵜ ⵏ ⵜⵙⴱⴹⴰⵢⵜ ⵎⴰⵙⵙ ⵎⵓⵃⵎⵎⴷ ⵖⴱⴷⵏⴰⴱⴰⵡⵉ ⴷ ⵍⵡⴽⵉⵍ ⴰⵎⴰⵜⴰⵢ ⵏ ⵓⴳⵍⵍⵉⴷ ⴷⴰⵔ ⵜⴰⵙⵏⴱⴹⴰⵢⵜ ⵏ ⵏⵏⴰⵇⴹ ⴰⵏⵙⵙⵉⵅⴼ ⵏ ⵜⵎⴰⵔⵉⵜ ⵜⴰⵎⴰⵜⴰⵢⵜ ⵎⴰⵙⵙ ⵍⴰⵃⵙⴰⵏ ⴷⴰⴽⵉ.

ⵖⵎⴽⵍⵍⵉ ⵉⵃⵙⴹⵕ ⴰⵏⵎⵓⵇⵇⴰⵔ ⴰⴷ ⴰⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ ⵎⴰⵙⵙ ⵎⵓⵃⵎⵎⴷ ⵍⵃⵊⵡⵉ ⴷ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵡⵉⵎ ⴰⵏⴰⴼⵍⵍⴰ ⵏ ⵍⵄⵓⵍⴰⵎⴰ ⵎⴰⵙⵙ ⵙⴰⵄⵉⴷ ⵛⴱⴱⴰⵔ ⴷ ⵎⵏⵏⴰⵡ ⵏ ⵉⴳⵎⴰⵎⵏ ⵏ ⵜⴰⴳⵔⴰⵡⵜ ⵉⵜⵜⵓⵙⵎⴳⴰⵍⵏ ⵙ ⵓⵣⵣⵔⴰⵢ ⵏ ⵓⵙⵍⴳⵏ ⵏ ⵜⴰⵡⵊⴰ ⴷ ⵉⵏⵙⵙⵉⵅⴼⵏ ⵏ ⵜⵉⵎⵔⵙⴰⵍ ⵜⵉⴷⵓⵙⵜⵓⵔⵉⵏ ⴷ ⵉⵏⵎⵖⵓⵔⵏ ⵢⴰⴹⵏ.

 

 

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%95%E2%B5%95%E2%B4%B1%E2%B4%B0%E2%B5%9F-%E2%B4%B0%E2%B5%8F%E2%B5%8E%E2%B5%93%E2%B5%87%E2%B5%87%E2%B4%B0%E2%B5%94-%E2%B5%8F-%E2%B5%93%E2%B5%8E%E2%B5%A2%E2%B4%B0%E2%B5%A1%E2%B4%B0%E2%B4%B9-%E2%B5%8F-%E2%B5%93%E2%B5%99%E2%B5%8E%E2%B5%8F%E2%B5%89%E2%B4%B7-%E2%B5%8F-%E2%B5%89%E2%B4%BC%E2%B5%8D%E2%B5%9C%E2%B4%B0%E2%B5%99%E2%B5%8F-%E2%B5%8F-%E2%B5%93%E2%B5%A3%E2%B5%A3%E2%B5%94%E2%B4%B0%E2%B5%A2-%E2%B5%8F-%E2%B5%93%E2%B5%99%E2%B5%8D%E2%B4%B3%E2%B5%8F-%E2%B5%8F-%E2%B5%9C%E2%B5%A1%E2%B5%8A%E2%B4%B0