ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵏ ⵓⴼⵛⴰⴷ ⵉ ⵎⴰⵙⵙ ⴱⴰⵢⴹⵏ ⴷⴼⴼⵉⵔ ⵏ ⵜⴰⵎⵜⵜⴰⵏⵜ ⵏ ⵓⵏⵙⵙⵉⵅⴼ ⴰⵇⴱⵓⵔ ⵊⵉⵎⵉ ⴽⴰⵔⵜⵉⵔ

31 ⴷⵓⵊⴰⵏⴱⵉⵔ 2024 Version Imprimable

ⵕⵕⴱⴰⵟ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⴱⵔⴰⵜ ⵏ ⵓⴼⵛⴰⴷ ⴷ ⵜⴱⴷⴰⴷⵜ ⵉ ⵢⵓⵏⵙⵙⵉⵅⴼ ⵏ ⵎⵉⵔⵉⴽⴰⵏ ⵎⴰⵙⵙ ⵊⵓⵣⵉⴼ ⴱⴰⵢⴹⵏ ⴷⴼⴼⵉⵔ ⵏ ⵜⴰⵎⵜⵜⴰⵏⵜ ⵏ ⵓⵏⵙⵙⵉⵅⴼ ⴰⵇⴱⵓⵔ ⵏ ⵜⵎⴰⵣⵉⵔⵜ ⴰⴷ ⵊⵉⵎⵉ ⴽⴰⵔⵜⵉⵔ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ ⵎⴰⵙ ⵉⵃⵣⵏ ⵍⵍⵉⵖ ⵜ ⵉⵍⴽⵎ ⵓⵏⵖⵎⵉⵙ ⵏ ⵜⴰⵎⵜⵜⴰⵏⵜ ⵏ ⵎⴰⵙⵙ ⵊⵉⵎⵉ ⴽⴰⵔⵜⵉⵔ " ⴰⵔⴳⴰⵣ ⵏ ⵓⵎⵙⴰⵙⴰ ⴷ ⵓⵎⵙⵉⵡⴰⵍ" ⵉⵙⵙⴼⵓⵍⴽⵉ ⴱⴰⵀⵔⴰ ⴰⵢⴷⴰ ⵏ ⵉⴳⵍⵍⵉⵏ ⵏ ⵓⵏⵙⵙⵉⵅⴼ ⴰⴷ ⴰⵇⴱⵓⵔ.

ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⴳ ⵓⵣⵎⵣⵣⵓ ⵢⴰⴷ ⵉⵅⵛⵏ ⵉ ⵎⴰⵙⵙ ⴱⴰⵢⴹⵏ ⴷ ⵜⴰⵡⵊⴰ ⵏ ⵉⴳⵍⵍⵉⵏ ⴷ ⵓⴳⴷⵓⴷ ⴰⵎⵉⵔⵉⴽⴰⵏⵉ ⴰⴼⵛⴰⴷ ⵏⵏⵙ ⴷ ⵜⴰⴱⴷⴰⵏⵜ ⵏⵏⵙ ⵉⴷⵔⴰⵏ.

ⵉⵙⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⴳ ⵜⴱⵔⴰⵜ ⴰⴷ ⴰⵔⵣⴰⴼ ⵍⵍⵉ ⵉⵙⴽⵔ ⵉⴳⵍⵍⵉⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ ⵉ ⵎⵉⵔⵉⴽⴰⵏ ⵙ ⵜⴰⵖⵓⵔⵉ ⵏ ⵉⴳⵍⵍⵉⵏ ⵊⵉⵎⵉ ⴽⴰⵔⵜⵉⵔ.

ⵉⵏⵏⴰ ⵎⴰⵙ ⵙⴷⴷⵉⴷⵏ ⵉⵏⵎⵓⵇⵇⴰⵔⵏ ⵍⵍⵉ ⵉⵜⵜⵓⵙⴽⴰⵔⵏ ⵙ ⵓⵣⵎⵣⵣⵓ ⵢⴰⴷ ⵜⵉⴽⵍⵉⵜ ⵢⴰⴹⵏ ⵜⴰⴷⵓⵙⵉ ⵏ ⵉⵎⵢⴰⵙⵙⴰⵏ ⵉⵇⴱⵓⵔⵏ ⵍⵍⵉ ⵉⵍⵍⴰⵏ ⴳⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵎⵉⵔⵉⴽⴰⵏ ⴷ ⵜⴰⵙⵜⵔⴰⵜⵉⵊⵉⵜ ⵏ ⵜⴰⴷⴰⵔⵡⵜ ⵏⵏⵙⵏ ⴷ ⵓⵎⵙⴰⵙⴰ ⵏ ⵜⴰⵏⵏⵢⵉⵏ ⵏⵏⵙⵏ ⴳ ⵎⴰⴷ ⵉⵥⵍⵉⵏ ⵙ ⵜⵉⵖⴰⵡⵙⵉⵡⵉⵏ ⵉⵣⴷⵉⵏ ⴷ ⵙⵙⵍⴰⵎⵜ.

Dernière modification : 31 ⴷⵓⵊⴰⵏⴱⵉⵔ 2024

Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%8F-%E2%B5%93%E2%B4%BC%E2%B5%9B%E2%B4%B0%E2%B4%B7-%E2%B5%89-%E2%B5%8E%E2%B4%B0%E2%B5%99%E2%B5%99-%E2%B4%B1%E2%B4%B0%E2%B5%A2%E2%B4%B9%E2%B5%8F-%E2%B4%B7%E2%B4%BC%E2%B4%BC%E2%B5%89%E2%B5%94-%E2%B5%8F-%E2%B5%9C%E2%B4%B0%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC