Published on MAPNews (https://www.mapnews.ma/am)

Accueil > ⵜⴰⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵏⵎⵓⴳⴳⴰⵔ ⴰⵏⵢⴰ ⵏ ⵜⴷⵍⵙⴰ ⵜⵎⴰⵣⵉⵖⵜ ⵙⴳ 14 ⴰⵔ 18 ⵉⵏⵏⴰⵢⵔ ⴳ ⵏⵏⴰⴹⵓⵕ

ⵜⴰⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵏⵎⵓⴳⴳⴰⵔ ⴰⵏⵢⴰ ⵏ ⵜⴷⵍⵙⴰ ⵜⵎⴰⵣⵉⵖⵜ ⵙⴳ 14 ⴰⵔ 18 ⵉⵏⵏⴰⵢⵔ ⴳ ⵏⵏⴰⴹⵓⵕ

02 ⵉⵏⵏⴰⵢⵔ 2025 Version Imprimable
ⵕⵕⴱⴰⵟ - ⵔⴰⴷ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵎⵖⵔⵉⴱ ⵏ ⵜⵉⴷⵍⵙⴰ ⴷ ⵜⵉⵥⵓⵕⵉⵏ ⵙⴳ 14 ⴰⵔ 18 ⵉⵏⵏⴰⵢⵔ ⴷ ⵢⵓⵛⴽⴰⵏ ⴳ ⵏⵏⴰⴹⵓⵕ ⵜⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵏⵎⵓⴳⴳⴰⵔ ⴰⵏⵢⴰ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵙⵎⵓⵏⵜ ⵎⴰⵙ ⵔⴰⴷ ⵜⵙⵏⵎⴰⵍⴰ ⵜⴰⵙⵓⵜⵍⵜ ⴰⴷ ⴷⴷⵓ ⵉⵙⵎ "ⵏⵏⴰⴹⵓⵕ ⵜⴰⵎⵥⵓⵏⵜ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ" ⵙ ⵓⵎⵢⴰⵡⴰⵙ ⵏ ⵎⵏⵏⴰⵡ ⵏ ⵉⵎⴷⵔⴰⵡⵏ ⵜⵔⴰ ⵜⴰⵏⴽⵔⴰ ⵙ ⵓⵢⴷⴰ ⵉⵛⵛⴰⵔⵏ ⵏ ⴰⴽⴽⵯ ⵉⵎⵖⵔⵉⴱⵉⵢⵏ.

ⵉⵔⵏⵓ ⵉⵏⵏⴰ ⵎⴰⵙ ⵜ ⵜⵓⵛⴽⴰ ⵜⴰⵙⵙⵓⵜⵍⵜ ⴰⴷ ⴷⴼⴼⵉⵔ ⵏ ⵓⵎⵓⵔⵙ ⵏ ⵜⴰⵎⵣⵡⴰⵔⵓⵜ ⵏ ⵓⵏⵎⵓⴳⴳⴰⵔ ⴰⴷ ⴷ ⵓⵣⵣⵓⴳⵣ ⵏ ⵉⵡⴰⵍⵉⵡⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⵍⵍⵉ ⵉⵔⴰⵏ ⵜⵏⴽⵔⴰ ⵙ ⵜⴰⵎⴰⵣⵉⵖⵜ ⵍⵍⵉ ⵉⴳⴰⵏ ⵢⴰⵏ ⵓⴳⵣⵣⵓⵎ ⴰⵅⴰⵜⴰⵔ ⵏ ⵜⴰⵎⴰⴳⵉⵜ ⵜⵎⴰⵖⵔⵉⴱⵉⵢⵜ ⴷ ⴳ ⵓⵙⴰⵜⵉ ⵏ ⵓⵙⵙⴼⵓⴳⵍⵓ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ.

ⵍⵍⴰⵏ ⴳ ⵓⵖⴰⵡⴰⵙ ⵏ ⵜⴰⵙⵙⵓⵜⵍⵜ ⴰⴷ ⵎⵏⵏⴰⵡ ⵉⵎⵓⵙⵙⵓⵜⵏ ⵍⵍⵉⵖ ⵉⵍⵍⴰ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵍⵍⵉ ⵔⴰⴷ ⵢⵉⵍⵉ ⴳ ⵡⴰⵎⵎⴰⵙ ⴰⴷⵍⵙⴰⵏ ⵏ ⵏⵏⴰⴹⵓⵕ ⴷ ⵢⴰⵏ ⵓⵙⴼⵙⵔ ⵏ ⵓⵢⴷⴰ ⴷ ⵜⴰⵥⵓⵕⵉ ⴷ ⵜⵉⵎⵍⵙⵉ ⴷ ⵏⵏⵇⵔⵜ.

ⵔⴰⴷ ⵢⵉⵍⵉ ⴳ ⵓⵏⵎⵓⴳⴳⴰⵔ ⴰⴷ ⵓⵍⴰ ⴰⵙⵏⵎⴰⵍⴰ ⵏ ⵢⴰⵏ ⵓⴽⴰⴱⴰⵔ ⵏ ⵓⵙⴳⵎⵉ ⴳ ⵎⵏⵏⴰⵡⵜ ⵏ ⵜⵉⵏⵎⴰⵍ ⵉ ⵉⵏⵎⵎⴰⴷⵏ ⵉⵥⵍⵉⵏ ⵙ ⵍⴰⵡⴰⵏ ⴰⴽⴽⵯ ⵙ ⵓⵎⵣⴳⵓⵏ ⴷ ⵔⵔⴰⵙⵎ ⴷ ⵜⵉⵏⴰⵡⵉⵏ ⵜⵉⵏⴰⵎⵓⵔⵉⵏ ⵅⴼ "ⵜⴰⵢⴰⴼⵓⵜ ⵏ ⵓⴱⵔⵉⴷ ⵏ ⵓⵣⵣⵓⴳⵣ ⴰⵎⴰⴷⴷⵓⴷ ⵏ ⵜⴰⵎⴰⵣⵉⵖⵜ" ⴷ ⵉⵏⵎⵓⵇⵇⴰⵔⵏ ⵢⴰⴹⵏ ⵏ ⵓⵙⵡⵉⵏⴳⵎ ⴷ ⵜⴰⴷⵍⵙⴰ .

ⵔⴰⴷ ⵜⵙⵏⵎⴰⵍⴰ ⵜⴰⵙⵙⵓⵜⵍⵜ ⵜⵉⵙⵙ ⵙⴰⵏⵜ ⵏ ⵓⵏⵎⵓⴳⴳⴰⵔ ⴰⵏⵢⴰ ⵏ ⵜⴰⴷⵍⵙⴰ ⵜⴰⵎⴰⵣⵉⵖⵜ ⵙ ⵜⴰⴷⵔⴰⵡⵜ ⵏ ⵜⴰⵙⴳⴰ ⵏ ⵏⵏⴰⴹⵓⵕ ⴷ ⵜⴰⵙⵏⵓⵔⴰⵢⵜ ⵏ ⵜⵉⴳⵎⵉ ⵏ ⵜⴰⵙⴳⴰ ⵏ ⵛⵛⵔⵇ ⴷ ⵜⴰⵎⵚⵕⵉⵢⵜ ⵏ ⵜⵉⵏⵉⴹⵉ ⵏ ⵜ ⴰⵙⴳⴰ ⵏ ⵛⵛⵔⵇ ⴷ ⵜⴰⴳⵔⴰⵡⵜ ⵏ ⵏⵏⴰⴹⵓⵕ ⴷ ⵜⴰⵖⵉⵡⴰⵏⵜ ⵏ ⵏⵏⴰⴹⵓⵕ ⴷ ⵜⵉⵏⵎⵍ ⵢⴰⵜⵜⵓⵢⵏ ⵏ ⵜⵉⴽⵏⵓⵍⵓⵊⵢⴰ ⵏ ⵏⵏⴰⴹⵓⵕ ⴷ ⵓⵙⵎⴷⵢⴰ ⵏ ⵉⴳⵔ ⵏ ⵜⴰⴷⵍⵙⴰⵏ ⵏ ⵏⵏⴰⴹⵓⵕ ⴷ ⵜⴰⵎⵀⵍⴰ ⵜⴰⵏⵎⵏⴰⴹⵜ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵜⵉⵖⵔⵉ ⵜⴰⵎⵣⵡⴰⵔⵓⵜ ⴷ ⵜⵓⵏⵏⵓⵏⵜ ⵏ ⵏⵏⴰⴹⵓⵕ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8F%E2%B4%B0%E2%B5%9C-%E2%B5%8F-%E2%B5%93%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B4%B0%E2%B5%8F%E2%B5%A2%E2%B4%B0-%E2%B5%8F-%E2%B5%9C%E2%B4%B7%E2%B5%8D%E2%B5%99%E2%B4%B0-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B5%99%E2%B4%B3-14-%E2%B4%B0%E2%B5%94-18-%E2%B5%89%E2%B5%8F%E2%B5%8F%E2%B4%B0%E2%B5%A2%E2%B5%94-%E2%B4%B3-%E2%B5%8F%E2%B5%8F%E2%B4%B0%E2%B4%B9%E2%B5%93%E2%B5%95