ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ: "ⵢⵉⴹ ⵏ ⵓⵥⴰⵡⴰⵏ ⵏ ⵍⴰⵟⵍⴰⵚ ⴰⵏⴰⵎⵎⴰⵙ" ⴰⵙⵙ ⵏ 15 ⵉⵏⵏⴰⵢⵔ ⴳ ⵕⵕⴱⴰⵟ

03 ⵉⵏⵏⴰⵢⵔ 2025 Version Imprimable

ⵕⵕⴱⴰⵟ - ⵔⴰⴷ ⵉⵙⵏⵓⴱⴳ ⵓⵎⵣⴳⵓⵏ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⵟ ⴰⵙⵙ ⵏ 15 ⵉⵏⵏⴰⵢⵔ "ⵢⵉⴹ ⵏ ⵓⵥⴰⵡⴰⵏ ⵏ ⵍⴰⵟⵍⴰⵚ ⴰⵏⴰⵎⵎⴰⵙ" ⵙ ⵓⵣⵎⵣⵣⵓ ⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2975.

ⵉⵍⵍⴰ ⴳ ⵓⵡⴰⵖⴰⵡⴰⵙ ⵏ ⵓⵏⵎⵓⵙⵙⵓ ⵢⴰⴷ ⵍⵍⵉ ⵔⴰⴷ ⵜⵙⵎⴰⵍⴰ ⵜⴰⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⵏ ⵜⴰⵥⵓⵕⵉⵜⵉⵏ ⴷ ⵜⴰⴷⵍⵙⴰ ⴷ ⵜⵓⵏⵏⵓⵏⵜ ⴷ ⵜⵉⴳⵎⵉ ⵙ ⵓⵎⵢⴰⵡⴰⵙ ⵏ ⵜⴰⵎⴰⵡⴰⵙⵜ ⵏ ⵜⵄⵓⵔⵔⵎⴰ ⵙ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵜⴰⴷⵔⴰⵡⵜ ⵏ ⵎⵏⵏⴰⵡ ⵉⵏⴰⵥⵓⵕⵏ ⵉⵅⴰⵜⴰⵔⵏ ⵣⵓⵏⴷ ⵜⴰⵏⴰⵥⵓⵕⵜ ⵛⵔⵉⴼⴰ ⴷ ⵓⵏⴰⵥⵓⵕ ⵎⵉⵎⵓⵏ ⵓⵔⵃⵃⵓ ⴷ ⵜⴰⵔⴰⴱⴱⵓⵜ ⵏ ⴰⵃⵉⴷⵓⵙ ⴰⵎⵙⴰⵙⴰ ⵙⴳ ⵉⵎⵓⵣⵣⴰⵔ ⴽⴰⵏⴷⴰⵔ ⴷ ⵓⵏⴰⵥⵓⵕ ⵏⵓⵔⴷⴷⵉⵏ ⵓⵔⵃⵃⵓ ⴷ ⵉⵎⴷⵢⴰⵣⵏ ⵏ ⴳⵔⵡⴰⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵙⵏⵎⴰⵍⴰⵜⵏ ⵙⴳ ⵓⵏⵙⵙⵉⵅⴼ ⵏ ⵜⴰⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⵏ ⵜⴰⵥⵓⵕⵉⵜⵉⵏ ⴷ ⵜⴰⴷⵍⵙⴰ ⴷ ⵜⵓⵏⵏⵓⵏⵜ ⴷ ⵜⵉⴳⵎⵉ ⵎⵓⵃⵎⵎⴷ ⵙⵙⴰⵄⵓⴷⵉ ⵎⴰⵙ ⴷ ⵢⵓⴰⵛⴽⴰ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵡⴰⴷⴷⵓⵔ ⵉⵍⵍⴰⵏ ⴷⴰⵔ ⵜⴰⴷⵍⵙⴰ ⴷ ⵓⵢⴷⴰ ⴰⵎⴰⵣⵉⵖ ⴷ ⴰⴷ ⵉⵎⵍ ⵜⵓⴳⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⵉⵔⵏⴰ ⵢⵏⵏⴰ ⵙⵙⴰⵄⵓⴷⵉ ⵎⴰⴷ ⵔⴰⴷ ⵉⴳ ⵓⵎⵓⵙⵙⵓ ⵢⴰⴷ ⵉ ⵉⵎⵣⴷⴰⵖⵏ ⵏ ⵜⵎⴰⵥⵓⵏⵜ ⴰⵣⵎⵣⵣⵓ ⴰⴷ ⵙⵍⵍⴰⵏ ⵉ ⵢⵓⵥⴰⵡⴰⵏ ⵏ ⵍⴰⵟⵍⴰⵚ ⴰⵏⴰⵎⵎⴰⵙ ⵣⵓⵏⴷ ⵜⴰⵎⴰⵡⴰⵢⵜ ⴷ ⵉⵏⵛⵛⴰⴷⵏ ⴷ ⴰⵃⵉⴷⵓⵙ.

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%85%E2%B4%BC-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B0%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%A2%E2%B5%89%E2%B4%B9-%E2%B5%8F-%E2%B5%93%E2%B5%A5%E2%B4%B0%E2%B5%A1%E2%B4%B0%E2%B5%8F-%E2%B5%8F-%E2%B5%8D%E2%B4%B0%E2%B5%9F%E2%B5%8D%E2%B4%B0%E2%B5%9A-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%99%E2%B5%99-%E2%B5%8F-15-%E2%B5%89%E2%B5%8F%E2%B5%8F%E2%B4%B0%E2%B5%A2%E2%B5%94-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F