ⴳ ⵓⵙⴰⵜⵢ ⵏ ⵜⵓⴳⴳⴰⵙ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ , ⵜⵖⵜⵙ ⵜⴳⴷⵓⴷⴰⵏⵜ ⵏ ⵖⴰⵏⴰ ⴰⵙⴱⴷⴷ ⵏ ⵉⵎⵢⴰⵙⵙⴰⵏ ⵉⴷⵉⴱⵍⵓⵎⴰⵙⵉⵢⵏ ⴷ "ⵜⴰⴳⴷⵓⴷⴰⵏⵜ" ⵓⵔ ⵉⵍⵍⵉⵏ

07 ⵉⵏⵏⴰⵢⵔ 2025 Version Imprimable

ⵕⵕⴱⴰⵟ - ⵜⵖⵜⵙ ⵜⴳⴷⵓⴷⴰⵏⵜ ⵏ ⵖⴰⵏⴰ ⴰⵙⴱⴷⴷ ⵏ ⵉⵎⵢⴰⵙⵙⴰⵏ ⵉⴷⵉⴱⵍⵓⵎⴰⵙⵉⵢⵏ ⵏⵏⵙ ⴷ "ⵜⴰⴳⴷⵓⴷⴰⵏⵜ" ⵓⵔ ⵉⵍⵍⵉⵏ. ⵢⵓⵛⴽⴰⴷ ⵓⵏⵖⵎⵉⵙ ⵏ ⵜⴰⵖⵜⴰⵙⵜ ⴰⴷ ⴳ ⵢⴰⵏ ⵡⴰⵔⵔⴰ ⴰⵎⴰⴷⴷⵓⴷ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵙⵉⴷⴼ ⴰⵏⵎⵏⴰⴹ ⵏ ⵜⴰⴳⴷⵓⴷⴰⵏⵜ ⵏ ⵖⴰⵏⴰ ⵜⵜⵓⵣⵏ ⵉ ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ.

ⵜⵖⵜⵙ ⵜⴳⴷⵓⴷⴰⵏⵜ ⵏ ⵖⴰⵏⴰ ⴰⴷ ⵙⵙⵍⴽⵎ ⵉ ⵜⴰⵏⴱⴰⴹⵜ ⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵡⴰⵎⵓⵏ ⵏ ⵉⴼⵔⵉⵇⵢⴰ ⴷ ⵜⵉⵎⵜⵜⴰ ⵉⵎⵓⵏⵏ ⵜⴰⵏⵏⴰⵢⵜ ⴰⴷ ⴷⵃⵢⴰ ⵙ ⵉⴱⵔⵉⴷⵏ ⵉⴷⵉⴱⵍⵓⵎⴰⵙⵉⵢⵏ.

ⵜⵎⵍⴰ ⵜⴳⴷⵓⴷⴰⵏⵜ ⵏ ⵖⴰⵏⴰ ⴳ ⵡⴰⵔⵔⴰ ⵢⴰⴷ ⴰⵎⴰⴷⴷⵓⴷ ⴰⵏⵏⴰⵍ ⵏⵏⵙ ⵢ "ⵜⵓⴳⴳⴰⵙ ⵏ ⵍⵎⵄⴰⵇⵓⵍ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⵜⵜⵢⴰⴼⴰ ⵓⴼⵙⴰⵢ ⵅⴼ ⵉⵍⵍⴰ ⵓⵎⵙⴰⵙⴰ ⵏ ⴰⴽⴽ ⵉⴳⵎⴰⵎⵏ".

ⵜⵍⴽⴰⵜⵏ ⵜⴳⴷⵓⴷⴰⵏⵜ ⵏ ⵖⴰⵏⴰ ⵜⵙⵙⵏ "ⵜⴰⴳⴷⵓⴷⴰⵏⵜ" ⵓⵔ ⵉⵍⵍⵉⵏ ⴳ ⵓⵙⴳⴳⴰⵙ 1979.

ⴳ ⵓⵙⴰⵜⵢ ⵏ ⵜⵓⴳⴳⴰⵙ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵏⵚⵕ ⵕⴱⴱⵉ ⵉ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵢⵜ ⴱⴱⵉⵏⵜ ⵏⵖ ⵙⴱⴷⴷⵏⵜ 46 ⵏ ⵜⵉⵎⵉⵣⴰⵔ ⴳ ⵉⵍⵍⴰ 13 ⵙⴳ ⵉⴼⵔⵉⵇⵢⴰ ⵉⵎⵢⴰⵙⵙⴰⵏ ⵏⵏⵙⵏⵜ ⴷ "ⵜⴰⴳⴷⵓⴷⴰⵏⵜ " ⵓⵔ ⵉⵍⵍⵉⵏ ⵙⴳ ⴰⵙⴳⴳⴰⵙ ⵏ 2000.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B3-%E2%B5%93%E2%B5%99%E2%B4%B0%E2%B5%9C%E2%B5%A2-%E2%B5%8F-%E2%B5%9C%E2%B5%93%E2%B4%B3%E2%B4%B3%E2%B4%B0%E2%B5%99-%E2%B5%8D%E2%B5%8D%E2%B5%89-%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89-%E2%B5%9C%E2%B5%8E%E2%B5%99%E2%B4%B0%E2%B5%94%E2%B5%9C-%E2%B5%8F-%E2%B5%9A%E2%B5%9A%E2%B5%83%E2%B5%95%E2%B4%B0-%E2%B5%9C%E2%B4%B0%E2%B5%8E%E2%B5%96%E2%B5%94%E2%B5%89%E2%B4%B1%E2%B5%89%E2%B5%A2%E2%B5%9C-%E2%B5%9C%E2%B5%96%E2%B5%9C%E2%B5%99-%E2%B5%9C%E2%B4%B3%E2%B4%B7%E2%B5%93%E2%B4%B7%E2%B4%B0%E2%B5%8F%E2%B5%9C-%E2%B5%8F