Published on MAPNews (https://www.mapnews.ma/am)

Accueil > ⵜⴰⵏⴱⴰⴹⵜ ⵉⵅⵚⵚ ⴰⵙ ⴰⴷ ⵜⴳⴳ ⴰⵙⵎⵀⵍ ⵉ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

ⵜⴰⵏⴱⴰⴹⵜ ⵉⵅⵚⵚ ⴰⵙ ⴰⴷ ⵜⴳⴳ ⴰⵙⵎⵀⵍ ⵉ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

13 ⵉⵏⵏⴰⵢⵔ 2025 Version Imprimable
ⴰⴳⴰⴷⵉⵔ - ⵉⵡⴽⴽⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⴰ ⵏ ⵓⵙⴰⵎⴰⵙ ⴳ ⵓⴳⴰⴷⵉⵔ, ⵉⵍⴰ ⵜⴰⵏⴱⴰⴹⵜ ⵉⵅⵚⵚ ⴰⵙ ⴰⴷ ⵜⴳⴳ ⴰⵙⵎⵀⵍ ⵉ ⵓⴷⵔⵉⵣ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⵉⵙⵙⴼⴰⵡ ⴷ ⵎⴰⵙ ⴰⵅⵏⵏⵓⵛ ⴳ ⵜⵙⴳⵓⵔⵉ ⵏⵏⵙ ⵉ ⵜⵖⵎⵙⴰ ⵅⴼ ⵜⵎⴰ ⵏ ⵜⴷⵔⴰⵡⵜ ⵏⵏⵙ ⴳ ⵜⴼⵓⴳⵍⴰ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2975, ⵉⵍⴰ ⵜⵜⵡⴰⴳⴳⵏ ⴳ ⵓⵙⴰⵜⵉ ⴰⴷ ⴽⵉⴳⴰⵏ ⵏ ⵉⵙⵏⴼⴰⵔⵏ ⵉ ⵉⵜⵜⵉⵅⵙⵏ ⴰⴷ ⵙⵙⵉⴷⴼⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵓⵍⴰ ⴽⵟⵕ ⴳ ⵓⵙⵡⵉⵔ ⵏ ⵜⵎⵙⵙⵓⴳⵓⵔⵉⵏ ⵜⵉⵎⴰⵜⴰⵢⵉⵏ ⴷ ⵉⵏⴰⴳⵔⴰⵡⵏ ⵏ ⵓⵙⵍⵎⴷ.

ⴳ ⵓⵎⵏⴰⴹ ⴰ, ⵉⵇⴰⴷⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵉ ⵉⴷⵙⵜⵔⵏ ⵜⴰⵎⴰⵣⵉⵖⵜ, ⵉ ⵉⵔⵔⴰⵏ ⵙⴳ 14 ⵉⵏⵏⴰⵢⵔ ⵉ ⴷ ⵢⵓⵙⴰⵏ ⴰⴽⴷ ⵓⵎⵏⵣⵓ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵢⵉⵡⵜ ⵏ ⵜⴼⵓⴳⵍⴰ ⵜⴰⵎⴰⴷⴷⵓⴷⵜ ⴳ ⵍⵎⵖⵔⵉⴱ, ⵉⵔⵏⴰ ⵉⵍⴰ ⴰⵙⴼⵓⴳⵍⵓ ⵙ ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⵉⵊⵊⵏ ⵜⵎⵍⴷⴰ ⵉ ⴷⵉ ⴷ ⵎⵎⴰⵍⵏ ⵉⵛⵜ ⵜⴰⵢⵙⵉ ⴷ ⵜⴰⴷⵍⵙⴰⵏⵜ ⴽⵙⵙⵉⵏ ⵜⵜ ⴰⴽⵉⴷⵙⵏ ⵉⵎⵖⵔⴰⴱⵉⵢⵏ ⵇⴰⵃ.

ⴳ ⵜⴼⵓⴳⵍⴰ ⴰⴷ ⵏⵏⴰ ⵉⵎⵙⴰⵔⵏ ⴳ ⵜⵡⴰⵙⵉⵜ ⵏ ⵍⵡⴰⵍⵉ ⵏ ⵜⵙⴳⴰ ⵏ ⵙⵓⵙ ⵎⴰⵙⵜ, ⴰⵏⴱⴱⴰⴹ ⵏ ⵜⵎⵏⴱⴰⴹⵜ ⵏ ⵓⴳⴰⴷⵉⵔ ⵉⴳⴰⵡⵜⴰⵏⴰⵏ, ⵙⴰⵄⵉⴷ ⴰⵎⵣⴰⵣⵉ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⵙⵓⵙ ⵎⴰⵙⵜ, ⴽⴰⵔⵉⵎ ⴰⵛⵏⴽⵍⵉ, ⵉⵔⵣⴼ ⵎⴰⵙⵙ ⴰⵅⵏⵏⵓⵛ ⵖⵔ ⵓⵔⵜⵉ ⵏ ⴱⵏ ⵣⴰⵢⴷⵓⵏ, ⵎⴰⵏⵉ ⵉⵥⵕⴰ ⴰⵙⴼⵙⵔ ⵏ ⵜⵎⵢⴰⵡⴰⵙⵉⵏ ⴷ ⵉⴼⵙⴰⵔⵏ ⵏⵏⵙⵏⵜ ⵏⵏⴰ ⵉⵙⵔⵓⵖⴰⵏ ⵜⵓⴼⴰⵡⵜ ⵅⴼ ⵓⵙⵏⴼⵍⵓⵍ ⵏ ⵉⵃⵔⴰⵢⴼⵉⵢⵏ ⵉⴱⵍⴷⵉⵢⵏ.  

ⵙⴳ ⵜⵙⴳⴰ ⵢⴰⴹⵏ, ⵉⵜⵜⵡⴰⴳⴳ ⴳ ⵓⵔⴰⵇ ⵏ ⵜⵇⵚⴱⵜ ⵏ ⵓⴳⴰⴷⵉⵔ ⵏ ⵓⴼⵍⵍⴰ, ⵉⵊⵊⵏ ⵓⵙⴰⵢⵔⴰⵔ ⵎⴰⵏⵉ ⵜⵜⵇⴰⵙⴰⵏ ⵎⴰⵛⵛⴰⵜ ⵏ ⵉⵎⴰⵣⵉⵖⵏ ⴰⴽⴷ ⵓⵖⵣⴷⵉⵙ ⵏ ⴽⵔⴰ ⵏ ⵉⵙⴼⵙⴰⵔⵏ ⵏ ⵓⵥⴰⵡⴰⵏ ⵉ ⵉⵙⴽⵔⵏ ⵛⴰ ⵙⴳ ⵉⵜⵔⴰⵏ ⵏ ⵓⵎⴰⵔⴳ ⴰⵎⴰⵣⵉⵖ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%9C%E2%B4%B0%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B5%89%E2%B5%85%E2%B5%9A%E2%B5%9A-%E2%B4%B0%E2%B5%99-%E2%B4%B0%E2%B4%B7-%E2%B5%9C%E2%B4%B3%E2%B4%B3-%E2%B4%B0%E2%B5%99%E2%B5%8E%E2%B5%80%E2%B5%8D-%E2%B5%89-%E2%B5%93%E2%B4%B7%E2%B5%94%E2%B5%89%E2%B5%A3-%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C