Published on MAPNews (https://www.mapnews.ma/am)

Accueil > ⴰⵙⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵙⴰⵙⴰ ⴳⵔ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ

ⴰⵙⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵙⴰⵙⴰ ⴳⵔ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ

20 ⵉⵏⵏⴰⵢⵔ 2025 Version Imprimable
ⵕⵕⴱⴰⵟ - ⵜⵜⵢⴰⵡⵙⴳⵎⴰ ⴰⵙⵙ ⵏ ⵓⵏⵢⴰⵙ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵉⴳⴰ ⴰⵡⵜⵜⴰⵙ ⵏⵏⵙ ⴰⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵉⴳⵎⴰⵎⵏ.

ⵉⵙⵙⴳⵎⴹ ⵜⴰⵎⵢⴰⵇⵇⴰⵏⵜ ⴰⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⵓⵃⵎⵎⴷ ⵡⵍⴷ ⵕⵕⵛⵉⴷ ⴷ ⵓⵏⵙⵙⵉⵅⴼ  ⵏ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵉⴼⴰⵔⵉⵙⵜ ⵏⴳⴰⵎⴰⵏⴰ ⵍⵍⵉ ⵉⵙⴽⴰⵔⵏ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ ⵉⵣⵡⴰⵔ  ⵉ ⵢⴰⵏ ⵓⴽⴰⴱⴰⵔ ⴰⵅⴰⵜⴰⵔ.

 ⵜⵓⵛⴽⴰⴷ ⵜⵙⵏⵜⴰⵢⵜ ⴰⴷ ⴰⵔ ⵜⵙⵙⴽⵜⵉ ⵉⵎⵢⴰⵙⵙⴰⵏ ⵉⵙⵎⵓⵏ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵡⴰⵏⴽⵏ ⵏ  ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵎⵍⵍⵉ ⵉⵜⵜⵔⵙⵏ ⵅⴼ ⵉⵎⵢⴰⵙⵙⴰⵏ ⵏ ⵓⵎⵣⵔⵓⵢ ⴷ ⵜⴰⴷⵍⵙⴰ ⴷ ⵜⴰⵖⵔⵎⴰ ⴷ ⵉⵜⵉⴳⵏ ⵉⵛⵛⴰⵔⵏ ⵏ ⵜⵉⴳⵎⵉ ⴷ ⵓⵎⵢⴰⵡⴰⵙ ⴷ ⵜⴰⴱⴷⴷⴰⴷⵜ ⴷ ⵍⵉⵃⵜⵉⵔⴰⵎ ⴷ ⵓⵍⴰ ⴰⴷⴷⵓⵔ ⵏ ⵜⴰⵏⴽⵔⴰ ⵙ ⵉⵎⵢⴰⵙⵙⴰⵏ ⵉⴷⴰⵎⵙⴰⵏⵏ ⴷ ⵜⵉⵎⵔⵏⵉⵡⵜ ⵏⵏⵙⵏ ⴳⵔ ⵜⵉⴳⵍⴷⵉⵜ ⴷ ⵜⴰⵔⴱⴱⵓⵜ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⵛⵛⴰⵔⵏ ⴳⵔ ⵉⴳⵎⴰⵎⵏ ⵙⵉⵏ.

ⵉⵎⵍⴰ  ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵜⵉⵍⴰⵍⵜ ⵏ ⵜⴰⴷⵉⴱⵍⵓⵎⴰⵙⵉⵜ ⵏ ⵓⴱⵕⵍⴰⵎⵏ ⴳ ⵓⵙⴷⵓⵙ  ⴷ ⵜⴰⵎⵓⵏⵜ ⵏ ⵜⴰⵏⵏⴰⵢⵉⵏ ⴳ ⵎⴰⴷ ⵉⵥⵍⵉⵏ ⵙ ⵜⵉⵖⴰⵡⵙⵉⵡⵉⵏ ⴳⵔ ⵉⴳⵎⴰⵎⵏ ⵙⵉⵏ ⴷ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⵙⵉⴳⵍⵍ ⵏ ⵜⵉⴱⵔⵉⴷⵉⵏ ⵏ ⵜⵎⵔⵏⵉⵡⵜ ⵏ ⵉⵎⵢⴰⵙⵙⴰⵏ ⵉⴰⴷⵎⵙⴰⵏⵏ ⴷ ⵡⵉⵏ ⵜⴰⵙⴱⴱⴰⴱⵜ ⴷ ⵜⵉⵏⴼⴳⴰⵏⵉⵏ  ⴷ ⵓⵙⵙⴰⵔⵓ ⵏ ⵉⵙⴰⴳⵎⵏ ⵉⵖⵓⴷⴰⵏ ⵉⵍⵍⴰⵏ ⴳ ⵓⵎⵢⴰⵡⴰⵙ ⴳⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵡⴰⵏⴽⵏ ⵏ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ .

ⵙⵙⴽⵜⵉⵏⴷ ⵓⵍⴰ ⵜⵉⵎⵓⴽⵔⵉⵙⵉⵏ ⵉⵥⵍⵉⵏ ⵙ  ⵉⵙⵏⴼⴰⵍⵏ ⴳ ⵜⴰⵙⵔⵜⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴰⵍⵓ ⵏⵏⵙⵏⵜ ⵅⴼ ⵜⵓⵙⴽⴰ ⵏ ⵜⵉⴳⵎⵉ ⵜⴰⴷⴰⵎⵙⴰⵏⵜ ⴷ ⵜⴰⵏⴼⴳⴰⵏⵜ ⵍⵍⵉ ⵙⵉⴳⴳⵉⵍⵏ ⵉⴳⵎⴰⵎⵏ ⵙⵉⵏ.

ⵙⵙⴼⵓⵍⴽⵉⵏ ⵓⵍⴰ ⵜⵉⵍⴰⵍⵜ ⵍⵍⵉ ⵉⵍⵍⴰⵏ ⴷⴰⵔ ⵜⵉⴳⵍⴷⵉⵜ ⵏ ⵍⵎⵖⵔⵉⴱ ⴷⴷⵓ ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵙⴷⵓⵙ ⵏ ⵜⴰⵙⵉⵍⴰ ⵏ ⵍⵉⵙⵜⵉⵇⵔⴰⵔ ⴷ ⵜⴰⵏⴼⵔⵓⵜ ⴷ ⵜⵉⴳⵎ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⵙ ⵓⵕⵥⵥⵓⵎ ⵏ ⵜⵉⵙⵏⵜⴰⵢⵉⵏ ⵏ ⵜⵉⴳⵎⵉ ⵜⵉⵙⵜⵔⴰⵜⵉⵊⵉⵢⵉⵏ ⵙⵍⴰⵡⴰⵏ ⴰⴽⴽⵯ ⵓⵏⴱⵓⴱ ⵏ ⵍⴳⴰⵣ ⵏⵉⵊⵉⵔⵢⴰ- ⵍⵎⵖⵔⵉⴱ ⴷ ⵜⴰⵙⵏⵜⴰⵢⵜ ⵜⴰⵟⵍⴰⵙⵉⵜ  ⴷ ⵜⴰⵙⵏⵜⴰⵢⵜ ⵏ ⵓⵙⴷⵓⵙ ⵏ ⵓⴽⵛⵛⵓⵎ  ⵏ ⵜⵉⵎⵉⵣⴰⵔ ⵏ ⵙⴰⵃⵉⵍ ⵉ ⵢⵓⴳⴰⵔⵓ ⴰⵟⵍⴰⵙⵉ.

ⵖⵔⴰⵏ ⵉⴳⵎⴰⵎⵏ ⵙⵉⵏ ⴰⴼⴰⴷ ⴰⴷ ⵉⵙⵔⵙ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ  ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵔⴰⴱⴱⵓⵜ ⵜⴰⴷⴰⵎⵙⴰⵏⵜ ⴷ ⵉⴷⵔⵉⵎⵏ ⵏ ⵡⴰⵎⵎⴰⵙ ⵏ ⵉⴼⵔⵉⵇⵢⴰ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵍⵉ ⵔⴰⴷ ⵉⵣⵓⴳⵣ ⵉⴳⵣⵓⵎⵏ ⵏ ⵜⴰⵎⵢⴰⵇⵇⴰⵏⵜ ⴰⴷ ⵏ ⵓⵎⵙⴰⵙⴰ.

 

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%99%E2%B4%B3%E2%B5%8E%E2%B4%B9-%E2%B5%8F-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%8E%E2%B5%99%E2%B4%B0%E2%B5%99%E2%B4%B0-%E2%B4%B3%E2%B5%94-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B5%9B%E2%B5%9B%E2%B5%89%E2%B5%A1%E2%B4%B0%E2%B5%95-%E2%B4%B7-%E2%B5%9C%E2%B4%B0%E2%B5%94%E2%B4%B0%E2%B4%B1%E2%B4%B1%E2%B5%93%E2%B5%9C-%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0%E2%B5%8F%E2%B5%9C-%E2%B4%B7-%E2%B5%89%E2%B4%B7%E2%B5%94%E2%B5%89%E2%B5%8E%E2%B5%8F