Published on MAPNews (https://www.mapnews.ma/am)

Accueil > ⵜⴰⴽⵓⵔⵜ ⵏ ⵓⴹⴰⵕ .. ⵜⴰⵙⵙⵓⵜⵍⵜ ⵜⵉⵙⵙ 35 ⵏ ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ 2025 ⵔⴰⴷ ⵜⴳ ⵜⴰⵙⵙⵓⵜⵍⵜ ⵉⵖⵓⴷⴰⵏ

ⵜⴰⴽⵓⵔⵜ ⵏ ⵓⴹⴰⵕ .. ⵜⴰⵙⵙⵓⵜⵍⵜ ⵜⵉⵙⵙ 35 ⵏ ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ 2025 ⵔⴰⴷ ⵜⴳ ⵜⴰⵙⵙⵓⵜⵍⵜ ⵉⵖⵓⴷⴰⵏ

27 ⵉⵏⵏⴰⵢⵔ 2025 Version Imprimable
ⵙⵍⴰ -  ⵉⵏⵏⴰ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏⵏ ⵜⴽⵓⵔⵜ ⵏ ⵓⴹⴰⵕ “ⴽⴰⴼ” ⴱⴰⵜⵔⵉⵙ ⵎⵓⵜⵙⵉⴱⵉ  ⵎⴰⵙ ⵔⴰⴷ ⵜⴳ ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ 2025 ⵜⴰⵙⵙⵓⵜⵍⵜ ⵉⵖⵓⴷⴰⵏ ⴳ ⵓⵎⵣⵔⵓⵢ ⵏ ⵓⵎⵓⵙⵙⵓ ⵢⴰⴷ ⵏ ⵜⵓⵏⵏⵓⵏⵜ ⴳ ⵉⴼⵔⵉⵇⵢⴰ.

ⵉⵔⵏⵓ ⵉⵏⵏⴰ ⵎⵓⵜⵙⵉⴱⵉ ⴳ ⵢⴰⵜ ⵜⴰⵙⴳⵓⵔⵉ ⵉ ⵜⴰⵏⵖⵎⴰⵙⵜ ⵉⴹ ⵏ ⵓⵙⴰⵎⴰⵙ ⵍⵍⵉⵖ ⴷ ⵉⵎⴽⵎ ⴰⵣⵣⴰⴳⵣ ⵏ ⵕⵕⴱⴰⵟ*ⵙⵍⴰ ⵎⴰⵙ ⴰⵔ ⵜⵇⵇⵍⵏⵜ ⵜⵔⴰⴱⴱⵓⵜⵉⵏ ⴰⴽⴽⵯ ⵙ ⵜⴰⵙⵖⴰⵔⵜ ⵏ ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ 2025 ⵍⵍⵉ ⵜⴰⴷ ⵉⵜⵜⵓⵙⵏⵎⴰⵍⴰⵏ ⴰⵙⵙⴰ ⴳ ⵔⵕⴱⴰⵟ .

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵕ ⵎⴰⵙ ⵔⴰⴷ ⵜⵉⵙⵙⴰⵏ ⵜⴰⵙⵙⵓⵜⵍⵜ ⵜⵉⵙⵙ 35 ⵏ ⵜⴰⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ ⴰⵎⵓⵔⵙ ⴰⵅⴰⵜⴰⵔ ⴳ ⵓⵎⵣⵔⵓⵢ ⵏ ⵜⴰⴱⵔⵣⴰ ⵢⴰⴷ.

ⵉⵙⵏⵉⵎⵎⵔ ⵎⴰⵙⵙ ⵎⵓⵜⵙⵉⴱⵉ ⵓⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⵅⴼ ⴰⵏⵏⴰⵍ ⵏⵏⵙ ⵉ ⵜⴰⴽⵓⵔⵜ ⵏ ⵓⴹⴰⵕ ⴳ ⵉⴼⵔⵉⵇⵢⴰ , ⵉⵔⵏⵓ ⵉⵏⵏⴰ ⵎⵙ ⴰⵔ ⵉⵙⵙⴼⵓⵍⴽⵉ ⴱⴰⵀⵔⴰ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⴰⴷ.

 ⵉⵙⵙⴼⵓⵍⴽⵉ ⵓⵍⴰ ⵜⴰⵡⵓⵔⵉ ⵉⵖⵓⴷⴰⵏ ⵍⵍⵉ ⵉⵙⴽⴰⵔ ⵓⵏⵙⵙⵉⵅⴼ ⵏ ⵜⴰⵙⴷⴰⵡⵉⵜ ⵜⴰⴳⵍⴷⴰⵏⵜ ⵏ ⵜⴽⵓⵔⵜ ⵏⵓ ⴹⴰⵕ ⴼⴰⵡⵣⵉ ⵍⵇⵊⴰⵄ ⴰⴼⴰⴷ ⵜⴰⵏⴽⵔⴰ ⵙ ⵜⴰⴽⵓⵔⵜ ⵏ ⵓⴹⴰⵕ ⴳ ⵍⵎⵖⵔⵉⴱ ⵉ ⴰⴽⴽⵯ ⴰⴳⴷⵓⴷ ⴰⵎⵖⵔⵉⴱⵉ ⴷ ⴰⴽⴽⵯ ⵉⵔⴱⴰⵜⵏ ⵏ ⵉⴼⵔⵉⵇⵢⴰ.

 

ⵉⵙⵙⴽⵜⵉⴷ ⵓⵍⴰ ⵎⴰⵙ ⵔⴰⴷ ⵜⴰⴹⵓ ⵜⴱⵔⵣⴰ ⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⴰⵙⴳⴳⵯⴰⵙ ⵏ 2030 ⵙ ⵉⴼⵔⵉⵇⵢⴰ ⵜⵉⴽⵍⵉⵜ ⵜⵉⵙⵙ ⵙⵏⴰⵜ ⵉⵔⵏⵓ ⵉⵏⵏⴰ ⵎⴰⵙ ⵜⵕⵥⵎ ⵜⵔⴰⴱⴱⵓⵜ ⵜⴰⵎⵖⵔⵉⴱⵉⵢⵜ ⴳ ⵎⵓⵏⴹⵢⴰⵍ ⵏ ⵇⴰⵟⴰⵕ 2022 ⴰⴱⵔⵉⴷ ⵍⵍⵉ ⵖ ⵉⵍⴽⵎ ⵏⵏⵚ ⵏ ⵜⵉⴳⵉⵔⴰ ⵉⵎⵍⴰ ⵓⵍⴰ ⵔⵔⵊⴰ ⵏⵏⵙ ⵎⴰⵙ ⵔⴰⴷ ⴷⵔⵓⵏⵜ ⵜⵉⵔⴰⴱⴱⵓⵜⵉⵏ ⵏ ⵉⴼⵔⵉⵇⵢⴰ ⴳ ⵍⵎⵓⵏⴹⵢⴰⵍ ⵏ 2026.

 

ⵜⴽⴽⴰⵜⵏ ⵜⵏⵏⴰ ⵜⴰⵎⵓⵏⵜ ⵜⴰⴼⵔⵉⵇⵉⵢⵜ ⵏ ⵜⴽⵓⵔⵜ ⵏ ⵓⴹⴰⵕ /ⴽⴰⴼ/ ⴰⵙⵙ ⵏ ⵓⴽⵡⴰⵙ ⵎⴰⵙ ⵔⴰⴷ ⵜⵜⵓⵙⴽⴰⵔ ⵜⵙⵖⴰⵔⵜ ⵏ ⵜⴽⵓⵙⵜ ⵏ ⵜⵉⵎⵜⵜⴰ ⵏ ⵉⴼⵔⵉⵇⵢⴰ -ⵍⵎⵖⵔⵉⴱ 2025  ⴰⵙⵙ ⵏ ⵓⵏⵢⴰⵙ  ⴳ ⵓⵎⵣⴳⵓⵏ ⴰⵏⴰⵎⵓⵔ ⵏ ⵎⵓⵃⵎⵎⴷ ⵡⵉⵙⵙ ⵚⵎⵎⵓⵙ ⴳ ⵕⵕⴱⴰⵟ .

 

 

 

Source URL: https://www.mapnews.ma/am/actualites/%E2%B5%9C%E2%B5%93%E2%B5%8F%E2%B5%8F%E2%B5%93%E2%B5%8F%E2%B5%9C/%E2%B5%9C%E2%B4%B0%E2%B4%BD%E2%B5%93%E2%B5%94%E2%B5%9C-%E2%B5%8F-%E2%B5%93%E2%B4%B9%E2%B4%B0%E2%B5%95-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-35-%E2%B5%8F-%E2%B5%9C%E2%B4%B0%E2%B4%BD%E2%B5%93%E2%B5%99%E2%B5%9C-%E2%B5%8F-%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%8F-%E2%B5%89%E2%B4%BC%E2%B5%94%E2%B5%89%E2%B5%87%E2%B5%A2%E2%B4%B0-2025-%E2%B5%94%E2%B4%B0%E2%B4%B7-%E2%B5%9C%E2%B4%B3-%E2%B5%9C%E2%B4%B0%E2%B5%99%E2%B5%99%E2%B5%93%E2%B5%9C%E2%B5%8D%E2%B5%9C