ⵉⵙⵙⴼⵓⵍⴽⵉ ⵓⵎⴰⵡⴰⵙ ⵏ ⴱⵔⵕⴰ ⵏ ⵎⵉⵔⵉⴽⴰⵏ ⵜⵉⵍⴰⵍⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⴳⵔ ⵏ ⵙⵙⵍⴰⵎⵜ ⴷ ⵜⴰⵏⴼⵔⵓⵜ

28 ⵉⵏⵏⴰⵢⵔ 2025 Version Imprimable

ⵡⴰⵛⵉⵏⵟⵓⵏ - ⵉⵙⵙⴼⵓⵍⴽⵉ ⵓⵎⴰⵡⴰⵙ ⵏ ⴱⵔⵕⴰ ⵏ ⵎⵉⵔⵉⴽⴰⵏ ⵎⴰⵔⴽⵓ ⵔⵓⴱⵢⵓ ⵜⵉⵍⴰⵍⵜ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴼⴰⴷ ⵜⴰⵏⴽⵔⴰ ⵙ ⵙⵙⵍⴰⵎⵜ ⴷ ⵜⴰⵏⴼⵔⵓⵜ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⵎⴰⴹⵎⴰⵏ.

ⵉⴼⵖⴷ ⴳ ⵢⴰⵏ ⵓⵙⵉⵡⴹ ⴰⵙⵙ ⵏ ⵉⵏⵢⴰⵙ ⴳ ⵡⴰⵛⵉⵏⵟⵓⵏ ⴷⴼⴼⵉⵔ ⵏ ⵉⵎⴹⵉⵎⵉⵕⵏ ⵙ ⵜⵉⵍⵉⴼⵓⵏ ⴳⵔ ⵓⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ , ⵉⵎⵍⴰ ⵓⵎⴰⵡⴰⵙ ⵏ ⴱⵔⵕⴰ ⵏ ⵎⵉⵔⵉⴽⴰⵏ ⴰⴷⴷⵓⵔ ⴰⵅⴰⵜⵔ ⵉⵍⵍⴰⵏ ⴷⴰⵔ ⵜⴰⴷⵔⴰⵓⵜ ⵜⴰⵙⵜⵔⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵎⵉⵔⵉⴽⴰⵏ ⴳ ⵉⴳⵔ ⵏ ⵙⵙⵍⴰⵎⵜ ⴷ ⵜⴰⵏⴼⵔⵓⵜ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⴰⵎⴰⴹⵍⴰⵏ , ⵉⵙⵙⴼⵓⵍⴽⵉ ⴳ ⵉⴳⵔⴰⴷ ⵜⴰⵏⵙⵙⵉⵅⴼ ⵏ ⴱⴰⴱ ⵏ ⵡⴰⴷⴷⵓⵔ.

ⵉⵙⴷⴷⵉⴷ ⵓⵙⵉⵡⴹ ⵏ ⵜⴰⵎⵙⵉⵡⵍⵜ ⵙ ⵉⵙⵎ ⵏ ⵜⴰⵎⴰⵡⴰⵙⵜ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⵎⴰⵙ ⵙⴰⵡⵍⵏ ⵉⵎⴰⵡⴰⵙⵏ ⵙⵉⵏ ⵅⴼ ⵓⵣⵣⵓⴳⵣ ⵏ ⵓⵎⵙⴰⵙⴰ ⵏ ⵓⵙⴱⴷⴷ ⵏ ⵓⵇⵔⵢⴰⵏ ⴳ ⵖⵣⵣⴰ ⴷ ⵓⴼⵙⴰⵢ ⵏ ⵔⴰⵀⴰⵢⵏ ⴷ ⵜⴰⵡⵓⵔⵉ ⵜⴰⵅⴰⵜⴰⵔⵜ ⵏ ⵍⵎⵖⵔⵉⴱ ⴳ ⵓⵙⵙⵍⴽⵎ ⵏ ⵉⵎⵢⴰⵡⴰⵙⵏ ⵉⵏⴼⴳⴰⵏⵏ ⵉ ⵉⴼⵉⵍⵉⵙⵟⵉⵏⵉⵢⵏ.

ⵉⵎⵍⴰ ⵓⵏⵙⵉⵅⴼ ⵏ ⵜⴰⴷⵉⴱⵍⵓⵎⴰⵙⵉⵜ ⵏ ⵎⵉⵔⵉⴽⴰⵏ ⵓⵍⴰ ⵜⵉⵔⴰⵜ ⵏ ⵜⴰⵎⴰⵣⵉⵔⵜ ⵏⵏⵙ ⴰⴼⴰⴷ ⴰⵙⴷⵓⴷ ⵏ ⵓⵎⵢⴰⵡⴰⵙ ⴷ ⵍⵎⵖⵔⵉⴱ ⴰⴼⴰⴷ ⵜⴰⵏⴽⵔⴰ ⵙ ⵜⵉⵢⴰⴼⵓⵜⵉⵏ ⵉⵛⵛⴰⵔⵏ ⴳ ⵜⴰⵙⴳⴰ ⴷ ⵓⵙⴱⴷⴷ ⵏ ⵉⵉⵎⵏⵖⵉⵜⵏ ⵙⵍⴰⵡⴰⵏ ⴰⴽⴽⵯ ⵜⵉⵎⵢⴰⵇⵇⴰⵏⵉⵏ ⵏ ⴰⴱⵕⴰⵀⴰⵎ.

ⵢⵓⵛⴽⴰⴷ ⵓⵍⴰ ⴳ ⵓⵙⵉⵡⴹ ⵎⴰⵙ ⵉⵙⴷⴷⵉⴷ ⵎⴰⵙⵙ ⵔⵓⴱⵢⵓ ⴷ ⴱⵓⵕⵉⵟⴰ ⴳ ⵓⵎⴹⵉⴽⵕⴰ ⴷ ⵅⴼ ⴰⴷⴷⵓⵔ ⵏ ⵓⵙⴷⵓⵙ ⵏ ⵉⵙⵏⴼⴰⵍⵏ ⵏ ⵜⴰⵙⴱⴱⴰⴱⵜ ⴷ ⵉⵙⵙⴰⵔⵓⵜⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⵍⵍⵉⵖ ⵉⵍⵍⴰ ⵍⵅⵉⵔ ⵉ ⵉⴳⴷⵓⴷⵏ ⵙⵉⵏ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%99%E2%B4%BC%E2%B5%93%E2%B5%8D%E2%B4%BD%E2%B5%89-%E2%B5%93%E2%B5%8E%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B4%B1%E2%B5%94%E2%B5%95%E2%B4%B0-%E2%B5%8F-%E2%B5%8E%E2%B5%89%E2%B5%94%E2%B5%89%E2%B4%BD%E2%B4%B0%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B5%8D%E2%B5%9C-%E2%B5%9C%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%89%E2%B4%B3%E2%B5%94-%E2%B5%8F