ⵓⴷⴷⵉⵙ ⴰⵎⴰⵏⵓⵏ ⴷ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⵏ ⵄⵉⵏ ⵏⵏⵇⴱⵉ ⴳ ⴼⴰⵙ : ⴰⵙⵏⵜⵉ ⵏ ⵜⴱⴷⴰⴷⵜ ⵍⵍⵉ ⵉⵎⵎⴰⵍⵏ ⴰⵏⴼⴰ ⵏ ⴱⴰⴱ ⵏⵡⴰⴷⵓⵔ ⵙ ⵓⴼⴳⴰⵏ

14 ⵏⵓⵡⴰⵏⴱⵉⵔ 2013 Version Imprimable

ⴼⴰⵙ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⵢⴰⵏ ⵓⴷⴷⵉⵙ ⴰⵎⴰⵏⵓⵏ ⴷ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⴳ ⵄⵉⵏ ⵏⵏⵇⴱⵉ ⴳ ⴼⴰⵙ.

ⴰⵙⵏⵜⵉ ⵏ ⵜⴱⴷⴰⴷⵜ ⵍⵍⵉ ⵉⵎⵎⴰⵍⵏ ⴰⵏⴼⴰ ⵏ ⴱⴰⴱ ⵏⵡⴰⴷⵓⵔ ⵙ ⵓⴼⴳⴰⵏ ⴰⴼⴰⴷ ⴰⴷ ⵢⴰⴼ ⴰⵏⵙⴰ ⴳ ⵜⴰⵎⵀⵍⵜ ⵏ ⵜⴳⵎⵉ.

ⵓⴷⴷⵉⵙ ⴰⴷ ⴰⵎⴰⵢⵏⵓ ⵍⵍⵉ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ ⵢⴰⵏ ⵓⵙⵙⴰⵔⵓ ⵏ 34 ⵓⵎⵍⵢⵓⵏ ⵏ ⴷⴷⵔⵀⵎ ⵔⴰⴷ ⵢⴰⵡⵙ ⴳ ⵓⵙⵉⴷⴼ ⵏ ⵉⵎⵣⴷⴰⵖⵏ ⵉⵥⵍⴰⴹⵏ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵜⵉⴳⵎⵉ ⵏ ⵉⵎⵓⵙⵙⵓⵜⵏ ⵉⵙⴳⵎⴰⵏⵏ ⴷ ⵉⴷⵍⵙⴰⵏⵏ ⴷ ⵉⵎⴰⵏⵓⵏⵏ ⵏ ⵉⵄⵔⵔⵉⵎⵏ ⴷ ⵓⵙⵎⵓⵜⵜⴳ ⵏ ⵜⵎⵖⴰⵔⵉⵏ ⴳ ⵜⵉⵣⵣⵓⵍⵉⵏ ⵉⴷⵖⵔⴰⵏⵏ ⴰⴼⴰⴷ ⴰⴷ ⴰⴼⵏⵜ ⵜⴰⵡⵓⵔⵉ ⴷ ⵉⴷⵔⵉⵎⵏ ⵓⵍⴰ ⵙⵓⵍ ⴰⵙⵎⵓⵜⵜⴳ ⴰⵣⵣⵓⵍⴰⵏ ⵏ ⵉⵄⵔⵉⵎⵏ ⵍⵍⵉ ⴼⵖⵏⵉⵏ ⵜⵉⵏⵎⵍ.

ⵓⴷⴷⵉⵙ ⴰⴷ ⴳⵉⵙ ⵎⵏⵏⴰⵡ ⵉⵎⵎⴰⵙⵏ ⵣⵍⵉⵏⵉⵏ ⵙ ⵓⵙⵎⵓⵜⵜⴳ ⴷ ⵉⵎⵓⵙⵙⵓⵜⵏ ⵉⴷⵍⵙⴰⵏⵏ ⴷ ⵓⵙⵉⴷⴼ ⵏ ⵜⵉⵄⵄⵓⵔⵎⴰ ⴷ ⵢⴰⵏ ⵓⴳⵊⴷⵉ ⵏ ⵜⵓⵏⵏⵓⵏⵜ.

ⴰⵙⵏⵜⵉ ⴰⴷ ⵍⵍⵉ ⵉⴳⴰⵏ ⵜⴰⵢⴰⴼⵓⵜ ⴳⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵓⵙⵇⵇⵉⵎ ⵏ ⵜⵎⴷⵉⵏⵜ ⵏ ⴼⴰⵙ ⴰⵔ ⵉⵎⵎⴰⵍ ⵜⴰⵡⵓⵔⵉ ⵍⵍⵉ ⵜⵙⴽⴰⵔ ⵜⵎⵔⵙⵍⵜ ⴳ ⵜⵙⴳⴰ ⵏ ⴼⴰⵙ ⴱⵓⵍⵎⴰⵏ .

ⵙ ⵓⵣⵎⵣⵣⵓ ⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⴰⵡⵍⴰⴼⵜ ⵏ ⵓⴽⵜⵜⴰⵢ ⴷ ⵉⵙⴰⵜⵉⵏ ⴷ ⵉⵎⵙⵜⴳⴳⴰⵔⵏ ⵏ . ⵓⴷⴷⵉⵙ ⴰⵎⴰⵏⵓⵏ ⴷ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⴳ ⵄⵉⵏ ⵏⵏⵇⴱⵉ ⴳ ⴼⴰⵙ.

Dernière modification : 14 ⵏⵓⵡⴰⵏⴱⵉⵔ 2013

Source URL: https://www.mapnews.ma/am/activites-royales/%E2%B5%93%E2%B4%B7%E2%B4%B7%E2%B5%89%E2%B5%99-%E2%B4%B0%E2%B5%8E%E2%B4%B0%E2%B5%8F%E2%B5%93%E2%B5%8F-%E2%B4%B7-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B5%8F-%E2%B5%89%E2%B5%84%E2%B5%94%E2%B5%94%E2%B5%89%E2%B5%8E%E2%B5%8F-%E2%B5%8F-%E2%B5%84%E2%B5%89%E2%B5%8F-%E2%B5%8F%E2%B5%8F%E2%B5%87%E2%B4%B1%E2%B5%89-%E2%B4%B3-%E2%B4%BC%E2%B4%B0%E2%B5%99-%E2%B4%B0%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%9C%E2%B4%B1%E2%B4%B7%E2%B4%B0%E2%B4%B7%E2%B5%9C-%E2%B5%8D%E2%B5%8D%E2%B5%89-%E2%B5%89%E2%B5%8E%E2%B5%8E%E2%B4%B0%E2%B5%8D%E2%B5%8F-0#comment-0