Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵡⴰⵛⵉⵏⵟⵓⵏ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵡⴰⵛⵉⵏⵟⵓⵏ

20 ⵏⵓⵡⴰⵏⴱⵉⵔ 2013 Version Imprimable
ⵡⴰⵛⵉⵏⵟⵓⵏ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⴹ ⵏ ⴰⵙⵙ ⵏ ⵓⵙⵉⵏⴰⵙ ⵡⴰⵛⵉⵏⵟⵓⵏ ⴳ ⵓⵙⴰⵜⵉ ⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵙ ⵜⵖⵓⵔⵉ ⵏ ⵓⵏⵙⵙⵉⵅⴼ ⴰⵎⴰⵔⵉⴽⴰⵏⵉ ⵎⴰⵙⵙ ⴱⴰⵕⴰⴽ ⵓⴱⴰⵎⴰ.

ⵍⵍⵉⵖ ⵉⴳⴳⵯⵣ ⴱⴰⴱ ⵏ ⵡⴰⴷⴷⵓⵔ ⵙⴳ ⵜⴰⵢⵍⴰⵍⵜ ⴳ ⵜⴰⵙⵉⵍⴰ ⵜⴰⵎⴰⴹⵓⵜ ⴰⵏⴹⵕⵉⵡ , ⵣⵣⵓⵍⵏⵜ ⵙⵍⴰⵡⴰⵏ ⴰⴽⴽⵯ ⵏⴰⵟⴰⵍⵉ ⴷⵊⵓⵏⵙ ⵜⴰⵏⵙⵙⵉⵅⴼⵜ ⵏ ⵓⴱⵕⵓⵟⵓⴽⵓⵍ ⵏ ⵎⴰⵔⵉⴽⴰⵏ ⴷ ⵔⴰⵛⴰⴷ ⴱⵓⵀⵍⴰⵍ ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵡⴰⵛⵉⵏⵟⵓⵏ ⴷ ⵎⵓⵃⵎⵎⴷ ⵍⵓⵍⵉⵛⴽⵉ ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵜⵉⵎⵜⵜⴰ ⵉⵎⵓⵏⵏ .

ⵉⵎⵓⵏ ⴷ ⴱⴰⴱ ⵏ ⵡⴰⴷⴷⵓⵔ ⵖ ⵓⵔⵣⴰⴼ ⴰⴷ ⴷ ⵢⴰⵏ ⵓⴽⴰⴱⴰⵕ ⴰⵎⵙⴷⴷⵓⵔ ⴳⵉⵙ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⵟⴰⵢⵉⴱ ⴼⴰⵙⵉ ⴼⵉⵀⵔⵉ ⴷ ⴼⵓⴰⴷ ⵄⴰⵍⵉ ⵍⵀⵉⵎⵎⴰ ⴷ ⵢⴰⵙⵉⵔ ⵣⵏⴰⴳⵉ.

ⴳⵉⵙ ⵓⵍⴰ ⴰⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ ⴷ ⵓⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵓⵥⵕⴼ ⵎⵓⵃⵎⵎⴷ ⴱⵓⵙⵄⵉⴷ ⴷ ⵓⵎⵙⵙⵉⵡⵍ ⵙ ⵢⵉⵙⵎ ⵏ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴰⵎⵔⵓⵣⵔⵓⵢ ⵏ ⵜⴳⵍⴷⵉⵜ ⵄⴱⴷⵍⵃⴰⵇ ⵍⵎⵔⵉⵏⵉ.

ⵉⵔⴰ ⵓⵔⵣⴰⴼ ⴰⴷ ⵍⵍⵉ ⵢⵉⴽⵛⵎⵏ ⵖ ⵓⵙⴰⵜⵉ ⵏ ⵓⵙⴷⵓⴷ ⵏ ⵜⵣⴷⵢⵉⵏ ⵜⵉⵎⵣⵔⵓⵢⵉⵏ ⴷ ⵉⵙⵜⵔⴰⵜⵉⵊⵉⵢⵏ ⵍⵍⵉ ⵢⵉⵙⵎⵓⵏⵏ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⴰⵍ ⵙ ⵙⵏⴰⵜ ⵣⵖ ⵙⵏⴰⵜ ⵜⵓⵙⵓⵜⵉⵏ, ⴰⴷ ⵉⴼⴽ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⵙ ⴷ ⴰⴷ ⵉⵙⴷⵓⴷ ⴰⵎⵙⴰⵡⴰⵍ ⴰⵙⵜⵔⴰⵜⵉⵊⵉ.
 

Dernière modification : 20 ⵏⵓⵡⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%99-%E2%B5%A1%E2%B4%B0%E2%B5%9B%E2%B5%89%E2%B5%8F%E2%B5%9F%E2%B5%93%E2%B5%8F#comment-0