Published on MAPNews (https://www.mapnews.ma/am)

Accueil > ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵙ ⴷⴷⵓⵃⴰ ⴰⴼⴰⴷ ⴰⴷ ⵜⴷⵔⵓ ⴳ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵙ ⴷⴷⵓⵃⴰ ⴰⴼⴰⴷ ⴰⴷ ⵜⴷⵔⵓ ⴳ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ

09 ⴷⵓⵊⴰⵏⴱⵉⵔ 2013 Version Imprimable
ⴷⴷⵓⵃⴰ - ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵉⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵉⴽⵯⵕⵥⵎⵉⵡⵏ, ⴰⵙⵙ ⵏ ⵓⵢⵏⴰⵙ ⵙ ⴷⴷⵓⵃⴰ ⴰⴼⴰⴷ ⴰⴷ ⵜⴷⵔⵓ ⴳ ⵓⴳⵉⵔ ⴰⵎⴰⴹⵍⴰⵏ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ, ⵍⵍⵉ ⵔⴰⴷ ⵉⵙⵏⵎⴰⵍⴰ ⵡⵉⵙⵙⴰⵏ ⵏ 10 ⴷ 11 ⴳ ⵜⵎⴰⵥⵓⵏⵜ ⵜⴰⵇⴰⵟⴰⵕⵉⵜ, ⴷⴼⴼⵉⵔ ⵏ ⵜⵖⵓⵔⵉ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ ⵍⵎⵉⵙⵏⴰⴷ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵇⴰⵟⴰⵕ ⵏ ⵓⵙⴳⵎⵉ ⴷ ⵜⵉⵎⴰⵙⵙⴰⵏⵉⵏ ⴷ ⵜⵉⴳⵎⵉ ⵏ ⵜⴳⵔⴰⵡⵜ.

ⵍⵍⵉⵖ ⵜⵍⴽⵎ ⵙ ⵓⵣⴰⴳⵯⵣ ⵉⴳⵔⴰⵖⵍⴰⵏ ⵏ ⴷⴷⵓⵃⴰ, ⵣⵣⵓⵍⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵍⴰⵍⵍ ⵏ ⵜⴰⵜⵜⵓⵢⵜ ⵊⴰⵡⴰⵀⵉⵔ ⴱⵏⵜ ⵃⴰⵎⴰⴷ ⴱⵏ ⵙⴰⵀⵉⵎ ⵜⵜⴰⵏⵉ, ⵜⴰⵎⵖⴰⵕⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏ ⵃⴰⵎⴰⴷ ⵜⵜⴰⵏⵉ, ⵍⴰⵎⵉⵔ ⵏ ⵓⵡⴰⵏⴽ ⵏ ⵇⴰⵟⴰⵕ, ⴷ ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⴷⴷⵓⵃⴰ, ⵎⴰⵙⵙ ⵍⵎⴽⴽⵉ ⴳⴰⵡⴰⵏ, ⴷ ⵉⴳⵎⴰⵎⵏ ⵢⴰⴹⵏⵉⵏ.

ⴷⴼⴼⵉⵔ ⵢⴰⵜ ⵜⴰⵙⵓⵏⴼⵓⵜ ⵉⵎⵥⵥⵉⵏ ⴳ ⵜⵣⵇⵇⴰ ⵏ ⵓⴷⴷⵓⵔ, ⵜⴷⴷⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵙ ⵜⴳⴰⴷⵉⵔⵜ ⵏ ⵉⵎⵙⴱⴳⵏ, ⵎⴰⵢⴰⴷ ⵉⴳⴰⵏ ⵓⴷⵖⴰⵔ ⵏ  ⵜⵣⴷⵓⵖⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴳ ⴷⴷⵓⵃⴰ.

ⴰⵕⵥⵥⵓⵎ ⵏ ⵓⴳⵉⵔ, ⵍⵍⵉ ⵢⵙⵏⵎⴰⵍⴰⵏ ⵙ ⵢⵉⵡⵉⵣ ⵏ ⵛⵛⵉⵅⴰ ⵎⵓⵣⴰ ⴱⵏⵜ ⵏⴰⵚⵕ, ⵔⴰⴷ ⵉⵙⵙⵏ ⵉⵏⴰⵡ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍ ⵙⵍⵎⴰ ⴷⴰⵜ 600 ⵓⵎⴷⵔⴰⵡ ⵏ ⵓⵙⵡⵉⵔ ⴰⵎⴰⵜⵜⴰⵢ, ⵙⵍⴰⵡⴰⵏ ⴰⴽⴽⵯ ⵉⵏⵖⵜⴰⵙⵏ ⴷ ⵉⵎⵓⵣⴰⵢⵏ ⴷ ⵉⵎⵥⵍⴰⵢⵏ ⵉⵙⵎⴷⵢⴰⵏⵏ ⵓⴳⴳⵯⴰⵔ ⵏ 50 ⵜⵎⴰⵣⵉⵔⵜ.

ⴰⵎⴰⴳⵔ ⴰⴷ ⵔⴰⴷ ⵉⵎⴹⴰⴽⴰⵕ ⵍⵓⵎⵎⵏ ⵅⴼ ⵉⴼⵙⵙⴰⵢⵏ ⵉⵙⵓⵍⴰⵏ ⴷ ⵉⵙⵎⴰⵢⵏⵓⵏ ⴰⴼⴰⴷ ⴰⴷ ⴰⵍⵍⵏ ⵜⵉⵏⵥⵕⵏ ⵏ ⵜⴷⵓⵙⵉ ⴳ ⵜⵙⴽⴰⵍⴰ ⴰⵎⴰⴹⵍⴰⵏ. ⵔⴰⴷ ⵙⵓⵍ ⵙⴰⵡⵍⵏ ⵅⴼ ⵎⵏⵏⴰⵡ ⵏ ⵜⵉⵎⵔⵏⵓⵜⵉⵏ, ⵣⵓⵏⴷ ⵜⴰⴷⵓⵙⵉ ⵜⴰⵏⵢⵉⵎⴰⵏⵜ ⴷ ⵉⴳⴳⵯⵙⵏ ⴳ ⵉⵏⴳⴰⵙⵏ ⵏ ⵓⵙⵉⴽⵍ, ⴷ ⵔⴰⴷ ⵥⵕⴳⵏ ⵢⴰⵜ ⵜⵏⴰⴹⵜ ⵜⴰⵎⵣⵡⴰⵔⵓⵜ ⵍⵍⵉ ⵢⵙⵜⵍⵏ ⵜⵉⴳⴰⵡⵉⵏ ⵏ ⵜⴰⵎ  ⵜⵎⵉⵣⴰⵔ (ⵓⵚⵟⵕⴰⵍⵢⴰ, ⵍⴱⵕⴰⵣⵉⵍ, ⵍⵀⵉⵏⴷ, ⵉⴼⵕⵉⵇⵢⴰ ⵏ ⵉⴼⴼⵓⵙ, ⵇⴰⵟⴰⵕ, ⵚⴱⵍⵢⵓⵏ, ⵎⵉⵔⵉⴽⴰⵏ ⴷ ⴱⵕⵉⵜⴰⵏⵢⴰ) ⴰⵎⵎⴰⵙ ⵏ ⵓⵙⵎⴰⵢⵏⵓ ⴳ ⵉⴳⵔ ⴰⴷ.



 

Dernière modification : 09 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-princieres/%E2%B5%9C%E2%B5%8D%E2%B4%BD%E2%B5%8E-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B5%99-%E2%B4%B7%E2%B4%B7%E2%B5%93%E2%B5%83%E2%B4%B0-%E2%B4%B0%E2%B4%BC%E2%B4%B0%E2%B4%B7-%E2%B4%B0%E2%B4%B7-%E2%B5%9C%E2%B4%B7%E2%B5%94%E2%B5%93-%E2%B4%B3-%E2%B5%93%E2%B4%B3%E2%B5%89%E2%B5%94#comment-0