Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⴰⵛⵉⵏⵡⵉ ⵏ ⵜⵎⵙⴰⵔⵉⵏ ⵏ ⴱⵕⵕⴰ
  1. Accueil
  2. Activités royales

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵎⴰⵡⵙⴰⵙ ⴰⵛⵉⵏⵡⵉ ⵏ ⵜⵎⵙⴰⵔⵉⵏ ⵏ ⴱⵕⵕⴰ

23 ⴷⵓⵊⴰⵏⴱⵉⵔ 2013 Version Imprimable
ⵕⵕⴱⴰⵟ - ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⴰⵎⵡⴰⵙⴰⵙ ⵏ ⵜⵎⵙⴰⵔⵉⵏ ⵏ ⴱⵕⵕⴰ ⵏ ⵜⴳⴷⵓⴷⴰⵏⵜ ⵜⴰⵎⵣⴷⴰⵢⵜ ⵏ ⵛⵛⵉⵏⵡⴰ, ⵎⴰⵙⵙ ⵡⴰⵏⴳ ⵢⵉ, ⵍⵍⵉ ⵢⵙⴽⵔⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⴳ ⵍⵎⵖⵔⵉⴱ.

ⵙ ⵓⵣⵎⵓⵣⵣⵓ ⵢⴰⴷ, ⵉⵙⵙⵍⴽⵎ ⵓⵎⴰⵡⵙⴰⵙ ⴰⵛⵉⵏⵡⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵓⵣⵉⵏⵜ ⵏ ⵜⴷⴷⵓⴽⵍⴰ ⴷ ⵡⴰⵜⵉⴳ ⵏ ⴱⴰⴱ ⵏ ⵜⴰⵜⵜⵓⵢ ⵎⴰⵙⵙ ⴳⵣⵉ ⵊⵉⵏⴱⵉⵏ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴰⵎⵣⴷⵢⴰⵏⵜ ⵏ ⵛⵛⵉⵏⵡⴰ, ⵖⵎⴽⵍⵉⵉ ⵙ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵉⵎⵍⴰ ⵎⴰⵙⵙ ⵡⴰⵏⴳ ⵜⵉⵔⴰⵜ ⵏ ⵓⵏⵙⵙⵉⵅⴼ ⴰⵛⵉⵏⵡⵉ ⴰⴷ ⵉⴼ ⵢⴰⵜ ⵜⵥⴹⴰⵕⵜ ⵉⴳⴳⵓⵜⵏ ⵉ ⵜⵣⴷⴰⵢⵉⵏ ⵥⵉⵍⵏⵉⵏ ⵍⵍⵉ ⵙⵎⵓⵏⵏⵉⵏ ⵜⵉⵎⵓⵔⴰ ⵢⴰⴷ ⵙ ⵙⵏⴰⵜ, ⵖⵎⴽⵍⵍⵉ ⵙ ⵉⵏⵏⴰ ⵓⵙⵉⵡⴹ.

ⵉⵏⵏⴰ ⵓⵎⴰⵡⵙⴰⵙ ⴰⵛⵉⵏⵡⵉ ⵜⵉⴽⵍⵉⵜ ⴰⴹⵏⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⵜⴰⵖⵓⵔⵉ ⵏ ⵓⵏⵙⵙⵉⵅⴼ ⴰⵛⵉⵏⵡⴰ ⴰⴷ ⵉⵙⴽⵔ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⴱⵉⴽⵉⵏ. ⴰⵔⵣⴰⴼ ⴰⴷ ⵉⵔⴰ ⴷ ⵜⴰⵡⵙ ⵖ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵜⵕⴰⵜⵉⵊⵉ ⴳⵔ ⵜⵎⵓⵔⴰ ⵢⴰⴷ, ⴰⴼⴰⴷ ⴰⴷ ⵜⵣⵓⵢⴷ ⵏ ⵜⵎⵢⴰⵡⴰⵙⵜ ⵜⴰⵙⵔⵜⵉⵜ ⴷ ⵜⴰⴷⴰⵎⵙⴰⵏⵜ ⵓⵍⴰ ⵙⵓⵍ ⴰⵙⵙⴰⵔⵓ ⴷ ⵓⵙⵓⴷⵙ ⵏ ⵓⵎⵢⴰⵡⴰⵙ ⵖ ⵉⴳⵉⵔⵏ ⵏ ⵜⴷⴰⵎⵙⴰ ⴷ ⵜⵉⴽⵏⵓⵍⵉⵊⵉⵜ ⴷ ⵜⵎⴰⵙⵙⴰⵏⵜ.
ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵖⵓⵔⵉ ⵢⴰⴷ ⵙ ⵜⵓⵎⵏⵉⴳⵜ, ⵉⵏⵏⴰ ⵎⴰⵙ ⵔⴰⴷ ⵉⵕⵥⵎ ⵓⵔⵣⴰⴼ ⴰⴷ ⵉⵎⵏⵉⴷⵏ ⵉ ⵢⵉⵎⴰⵍ ⵏ ⵉⵎⵢⴰⵙⵙⴰⵜⵏ ⴳⵔ ⵉⴳⵓⴷⵏ ⵉⵎⴷⴷⵓⴽⴽⴰⵍ.

ⵜⵣⵔⵉ ⵜⴳⵉⵡⵔⵜ ⴰⴷ ⵙ ⵜⵉⵍⵉⵜ, ⵖ ⵜⵙⴳⴰ ⵜⴰⵛⵉⵏⵡⵉⵜ, ⵏ ⵓⵎⵙⵇⴰⴷ ⵏ ⵜⴳⴷⵓⴷⴰⵏⵜ ⵏ ⵛⵛⵉⵏⵡⴰ ⵖ ⵕⵕⴱⴰⵜ ⵎⴰⵙⵙ ⵙⴰⵏ ⵛⵉ ⵣⵓⵏⴳ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⴰⵙⵢⴰ ⵏ ⵜⴰⴳⵓⵜ ⵏ ⵉⴼⵔⵉⵇⵢⴰ ⵍ ⵉⵥⵥⵍⵎ ⴷ ⵓⵎⴰⵡⵙⴰⵙ ⴰⵛⵉⵏⵡⵉ ⵏ ⵉⵙⴽⴽⵉⵏⵏ ⵏ ⴱⵕⵕⴰ, ⵖ ⵜⵙⴳⴰ ⵜⴰⵎⵖⵔⵉⴱⵉⵜ, ⵉⵃⴰⴹⵔ ⵓⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ.

Dernière modification : 23 ⴷⵓⵊⴰⵏⴱⵉⵔ 2013
Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B5%9B%E2%B5%89%E2%B5%8F%E2%B5%A1%E2%B5%89-%E2%B5%8F-%E2%B5%9C%E2%B5%8E%E2%B5%99%E2%B4%B0%E2%B5%94%E2%B5%89%E2%B5%8F-%E2%B5%8F-%E2%B4%B1%E2%B5%95%E2%B5%95%E2%B4%B0#comment-0