ⴰⵔⵣⴰⴼ ⴰⴳⵍⴷⴰⵏ ⵉ ⵜⵎⴷⵉⵏⵜ ⵏ ⵎⵕⵕⴰⴽⵛ :ⴰⵙⴷⵓⵙ ⵏ ⵜⵉⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏ ⵜⵉⵏⴰⵎⵓⵏⵉⵏ ⴷ ⵉⵎⴰⵏⵓⵏⵉⵏ

09 ⵉⵏⵏⴰⵢⵔ 2014 Version Imprimable

ⵎⵕⵕⴰⴽⵛ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⵎⴷⵉⵏ ⵜ ⵏ ⵎⵕⵕⴰⴽⵛ ⵎⵏⵏⴰⵡ ⵉⵙⵏⵜⴰ ⵉⵏⴰⵎⵓⵏⵏ ⴷ ⵉⵎⴰⵏⵓⵏⵏ.

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵢⴰⵜ ⵜⴷⴰⵍⴰ ⵍⵍⵉⵖ ⵍⵍⴰⵏ ⵎⵏⵏⴰⵡ ⵏ ⵜⵓⵏⵏⵓⵏⵉⵏ ⵖ ⵜⵓⴷⴷⵓⵔⵜ ⵏ ⵏⵏⴰⵅⵉⵍ, ⵉⴼⴰ ⵓⵍⴰ ⴰⵕⵥⵥⵓⵎ ⵏ ⵜⵓⵚⴽⴰ ⵏ ⵢⴰⵏ ⵓⵎⵛⵓⵛⴼ ⴰⵖⵔⵎⴰⵏ ⵖ ⵜⵓⴷⴷⵓⵔⵜ ⴰⴷ, ⴷ ⵢⴰⵏ ⵓⴷⴷⵉⵙ ⵖ ⵜⵓⴷⴷⵓⵔⵜ ⵏ ⵍⵎⵓⵃⵎⵎⴰⴷⵉ.

ⵎⴰⵢⴰⴷ ⵉⵜⵜⵓⵙⴽⴰⵔ ⵖ ⵓⵙⴰⵜⵉ ⵏ ⵜⵙⵏⵜⴰⵢⵜ ⵏ ⵜⴰⵏⴰⵎⵓⵔⵜ ⵏ ⵜⴳⵎⵉ ⵏ ⵓⴼⴳⴰⵏ, ⵢⵉⵡⵉ ⴽⵔⴰ ⵏ 34 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵉⵙⵏⵜⴰ ⵢⴰⴷ ⴰⵔ ⵎⵎⴰⵍⵏ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⴼ ⵜⴰⴷⵉⵏⴰⵎⵉⵜ ⵏ ⵜⴳⵎⵉ ⵖ ⵜⵎⴷⵉⵏⵜ ⵏ ⵎⵕⵕⴰⴽⵯⵛ ⴷ ⵜⵙⴳⴰ ⵏⵏⵙ.

ⵜⴰⴷⴰⵍⴰ ⵉⵕⵥⵎⵏ ⵏ ⵏⵏⴰⵅⵉⵍ ⵍⵍⵉ ⵢⵉⵜⵜⵓⵙⴽⴰⵔⵏ ⵉⴳⴳⵉ ⵏ ⵢⴰⵏ ⵓⴱⴰⵔⴰⵣ ⵏ 2.200 ⵏ ⵓⵎⵉⵜⵔⵓ ⴰⵎⴽⴽⵓⵣ, ⴰⵎⵛⵓⵛⴼ ⵢⵓⵎⵥ 2.000 ⵏ ⵓⵎⵉⵜⵔⵓ ⴰⵎⴽⴽⵓⵣ, ⵔⴰⴷ ⵙⵔⵙ ⵜⵜⴰⵛⴽⴰⵏ ⵎⵏⵏⴰⵡ ⵏ ⵉⵏⴰⵡⵏ ⵏ ⵎⴷⴷⵏ ⴰⴼⴰⴷ ⴰⴷ ⵙⴽⴰⵔⵏ ⴰⵛⵓⵛⴼ ⵖ ⵜⴼⴰⴷⵉⵡⵉⵏ ⵥⵉⵍⵏⵉⵏ.

ⵓⴷⴷⵉⵙ ⵖ ⵜⵓⴷⴷⵓⵔⵜ ⵏ ⵍⵎⵓⵃⵎⵎⴰⴷⵉ ⵉⵔⴰⴷ ⴳⵉⵙ ⵜⵉⵍⵉ ⵢⴰⵜ ⵜⴷⴰⵍⴰ ⵉⵕⵥⵎⵏ ⵏ ⵎⵏⵏⴰⵡ ⵏ ⵜⵓⵏⵏⵓⵏⵉⵏ ⴷ ⵢⴰⵏ ⵓⴱⴰⵔⴰⵣ ⵏ ⵜⴰⵡⵊⵊⴰ ⵏ ⵓⴹⴰⵕ ⴷ ⴽⵕⴰⴹ ⵏ ⵉⴱⴰⵔⴰⵣⵏ ⵜⵓⵏⵏⵓⵏⵜ ⵏ ⵡⴰⴷⴰⵙ.

Dernière modification : 09 ⵉⵏⵏⴰⵢⵔ 2014

Source URL: https://www.mapnews.ma/am/activites-royales/%E2%B4%B0%E2%B5%94%E2%B5%A3%E2%B4%B0%E2%B4%BC-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%89-%E2%B5%9C%E2%B5%8E%E2%B4%B7%E2%B5%89%E2%B5%8F%E2%B5%9C-%E2%B5%8F-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%9B-%E2%B4%B0%E2%B5%99%E2%B4%B7%E2%B5%93%E2%B5%99-%E2%B5%8F-%E2%B5%9C%E2%B5%89%E2%B5%9A%E2%B4%BD%E2%B5%89%E2%B5%A1%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B4%B7%E2%B4%B7%E2%B4%B0%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%8F%E2%B5%89%E2%B5%8F-%E2%B4%B7-%E2%B5%89%E2%B5%8E%E2%B4%B0%E2%B5%8F%E2%B5%93%E2%B5%8F%E2%B5%89%E2%B5%8F#comment-0