Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴰⵎⵉⵔ ⵏ ⵉⵎⵓⵎⵏⵏ ⵖ ⵜⵎⵣⴳⵉⴷⴰ ⵏ ⴰⴱⵉ ⵍⵄⴱⴱⴰⵙ ⵙⴱⵜⵉ, ⵢⴰⵜ ⵜⵎⴷⴷⵉⵜ ⵏ ⵓⵙⴳⴷ ⵏ ⵓⵙⴽⵜⵉ ⵏ ⵜⵍⴰⵍⵉⵜ ⵏ ⵙⵉⴷⵏⴰ ⵎⵓⵃⵎⵎⴷ
  1. Accueil
  2. Activités royales

ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴰⵎⵉⵔ ⵏ ⵉⵎⵓⵎⵏⵏ ⵖ ⵜⵎⵣⴳⵉⴷⴰ ⵏ ⴰⴱⵉ ⵍⵄⴱⴱⴰⵙ ⵙⴱⵜⵉ, ⵢⴰⵜ ⵜⵎⴷⴷⵉⵜ ⵏ ⵓⵙⴳⴷ ⵏ ⵓⵙⴽⵜⵉ ⵏ ⵜⵍⴰⵍⵉⵜ ⵏ ⵙⵉⴷⵏⴰ ⵎⵓⵃⵎⵎⴷ

13 ⵉⵏⵏⴰⵢⵔ 2014 Version Imprimable
ⵎⵕⵕⴰⴽⵯⵛ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵉⵎⵓⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵢⵏⴰⵙ ⴷⴼⴼⵉⵔ ⵏ ⵜⵥⴰⵍⵍⵉⵜ ⵏ ⵜⵉⵡⵡⵓⴷⵛⵉ ⵖ ⵜⵎⵣⴳⵉⴷⴰ ⵏ ⴰⴱⵉ ⵍⵄⴱⴱⴰⵙ ⵙⴱⵜⵉ, ⵢⴰⵜ ⵜⵎⴷⴷⵉⵜ ⵏ ⵓⵙⴳⴷ ⵏ ⵓⵙⴽⵜⵉ ⵏ ⵜⵍⴰⵍⵉⵜ ⵏ ⵙⵉⴷⵏⴰ ⵎⵓⵃⵎⵎⴷ.

ⵙ ⵓⵣⵎⵓⵣⵣⵓ ⵢⴰⴷ, ⵉⵙⴽⵔ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵉⵙⴽⴽⵉⵏⵏ ⵏ ⵍⵉⵙⵍⴰⵎ ⴰⵃⵎⴰⴷ ⵜⴰⵡⴼⵉⵇ ⵢⴰⵜ ⵜⴳⵓⵔⵉ ⵖ ⵓⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉⵖ ⵉⵎⵍⴰ ⵜⴰⵎⴰⵖⵓⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴰⵏⴰⴼⵍⵍⴰⵏ ⵏ ⵉⵙⵇⵇⵉⵎⵏ ⵉⴷⵖⵔⴰⵏⵏ ⵏ ⵍⵄⵓⵍⴰⵎⴰ, ⵉⴼⴽ ⵉ ⴱⴰⴱ ⵏ ⵡⴰⴷⴷⵓⵔ ⵜⴰⵏⴰⴷⵜ ⵉⵥⵍⵉⵏ ⵉⵎⵓⵙⵙⵓⵜⵏ ⴰⴷ.

ⵉⴼⴽⴰ ⵉⵍⵎⵎⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵡⵉⵏⴳⵎ ⴷ ⵜⵖⵓⵔⵉⵡⵉⵏ ⵏ ⵍⵉⵙⵍⴰⵎ ⵉ ⵎⴰⵙⵙ ⵟⴰⵀⴰ ⵄⴱⴷⵕⵃⵎⴰⵏ ⴳⴳⵓ ⵕⵕⴱⴰⵟ, ⵍⵍⵉ ⵢⵉⵎⵍⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴽⵔⴰ ⵖ ⵉⴷⵍⵉⵙⵏ ⵏⵏⵙ.

ⵉⵣⵣⵓⵍ ⵉⵍⵎⵎⴰ ⵎⴰⵙⵙ ⵄⵓⵎⴰⵕ ⴱⵏ ⴰⵏⵡⴰⵕ ⴱⵏ ⴱⵕⴰⵀⵉⵎ ⵏⴰⴱⵕⴰⵡⵉ (ⵙⵙⴰⵄⵓⴷⵢⴰ), ⵍⵍⵉ ⵎⵓ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵃⵙⵓ ⴷ ⵜⵖⵔⵉ ⵏ ⵍⵇⵓⵕⴰⵏ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵜⴰⴳⵔⴰⵖⵍⴰⵏⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵜⴰⵔⵜⵉⵍ ⵏ ⵍⵇⵓⵕⴰⵏ ⴷ ⵓⵃⵙⵓⵏ ⵏ ⵙⵎⵎⵓⵙ ⵏ ⵍⴰⵃⵣⴰⴱ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵓⵍⴰ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵖⵔ ⵏ ⵜⵥⵓⵕⵉ ⵜⴰⴽⴰⵍⵉⴳⵔⴰⴼⵉⵜ ⵜⴰⵎⵖⵔⵉⴱⵉⵢⵜ ⵉ ⵎⴰⵙⵙ ⵎⵓⵃⵎⵎⴷ ⵚⴰⴱⵕⵉ (ⴼⴰⵙ), ⵍⵍⵉ ⵢⵉⵎⵍⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴷⵍⵉⵙⵏ ⵏⵏⵙ ⵓⵍⴰ ⵙⵓⵍ ⵢⴰⵜ ⵜⵡⵍⴰⴼⵜ ⵏ ⵜⴽⴰⵍⵉⴳⵔⴰⴼⵉⵜ ⵜⴰⵎⵖⵔⵉⴱⵉⵜ.

ⵉⴼⴽⴰ ⵉⵍⵎⵎⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵖⵓⴷⵓ ⵏ ⵜⵥⵓⵕⵉ ⵜⴰⴽⴰⵍⵉⴳⵔⴰⴼⵉⵜ ⵜⴰⵎⵖⵔⵉⴱⵉⵢⵜ ⵉ ⵎⴰⵙⵙ ⵎⵓⵃⵎⵎⴷ ⵍⵄⵙⵔⵉ ( ⴹⴹⴰⵕⵍⴱⵉⴹⴰ), ⵍⵍⵉ ⵢⵉⵎⵍⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵜ ⵜⵡⵍⴰⴼⵜ ⵏ ⵜⴽⴰⵍⵉⴳⵔⴰⴼⵉⵜ ⵜⴰⵎⵖⵔⵉⴱⵉⵢⵜ.

ⵣⵣⵓⵍⵏ ⵉⵍⵎⵎⴰ ⵎⵏⵏⴰⵡ ⵏ ⵉⵎⵙⵜⴳⴳⴰⵔ ⵏ ⵉⴳⵔ ⴰⵙⴳⴷⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.
ⵙ ⵓⵣⵎⵓⵣⵣⵓ ⵢⴰⴷ, ⵉⵎⵍⴰ ⵎⴰⵙⵙ ⵃⵎⴰⴷ ⵜⴰⵡⴼⵉⵇ ⵢⴰⵏ ⵓⵙⵓⵙⵔ ⴷⵉⴼⵉⴷⵉ ⵏ ⵓⵖⴰⵡⴰⵙ ⵏ « ⴰⵏⴼⴰⵙ ⴰⵍ ⵎⴰⵖⵔⵉⴱⵢⴰ ⴼⵉ ⵚⴰⵍⴰⵜ ⵄⴰⵍⴰ ⵏⵏⴰⴱⵉ ⵚⴰⵍⵍⴰ ⵍⵍⴰⵀⵓ ⵄⴰⵍⴰⵢⵀⵉ ⵡⴰ ⵙⴰⵍⵍⴰⵎ » .

ⵉⵍⵍⴰ ⵖ ⵓⵍⵎⵓⵇⵇⴰⵕ ⴰⴷ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴷ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⴳⵯⵎⴰⵎⵏ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵜⵎⵔⵙⵍⵉⵏ ⵜⵉⵎⵏⴹⴰⵡⵉⵏ ⴷ ⵉⵎⴰⵙⴰⴼⵏ ⵉⵏⴰⴼⵍⵍⴰⵏⵏ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵉⴷⵉⴱⵍⵓⵎⴰⵙⵉⵢⵏ ⵏ ⵍⵉⵙⵍⴰⵎ ⵍⵍⴰⵏⵉⵏ ⵖ ⵕⵕⴱⴰⵟ ⵓⵍⴰ ⵙⵓⵍ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵏⵎⵖⵓⵔⵏ ⴰⴹⵏⵉⵏ.

Dernière modification : 13 ⵉⵏⵏⴰⵢⵔ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%96-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B4%B0%E2%B4%B1%E2%B5%89-%E2%B5%8D%E2%B5%84%E2%B4%B1%E2%B4%B1%E2%B4%B0%E2%B5%99-%E2%B5%99%E2%B4%B1%E2%B5%9C%E2%B5%89-%E2%B5%A2%E2%B4%B0%E2%B5%9C-%E2%B5%9C%E2%B5%8E%E2%B4%B7%E2%B4%B7%E2%B5%89%E2%B5%9C-%E2%B5%8F#comment-0