ⵉⵥⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵉⴱⵏ ⵍⴱⵏⵏⴰⴻ ⵍⵎⵕⵕⴰⴽⵯⵛⵉ ⴳ ⵎⵕⵕⴰⴽⵯⵛ

24 ⵉⵏⵏⴰⵢⵔ 2014 Version Imprimable

ⵎⵕⵕⴰⴽⵯⵛ - ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵉⴱⵏ ⵍⴱⵏⵏⴰⴻ ⵍⵎⵕⵕⴰⴽⵯⵛⵉ ⴳ ⵎⵕⵕⴰⴽⵯⵛ

ⵍⵍⵉⵖ ⵉⴱⴷⴰ ⵉⵏⴰⵡ ⵏⵏⵙ, ⵉⵙⵙⴽⵜⵉ ⵍⵉⵎⴰⵎ ⵉⵙ ⵉⵙⵏⴼⵍ ⴷ ⵉⵛⵕⵕⴼ ⵕⴱⴱⵉ ⴰⴼⴳⴰⵏ, ⵉⴼⴽⴰ ⵢⴰⵏ ⵓⴷⵖⴰⵔ ⵉⴼⵓⵍⴽⵉⵏ, ⵎⴰⵛ ⵓⵔ ⵉⵥⴹⴰⵕ ⵓⴼⴳⴰⵏ ⴰⴷ ⵉⵣⵣⴳⵔ ⴰⵙⵍⴰⴽ ⵏ ⵕⴱⴱⵉ ⵉⵖ ⵓⵔ ⵉⵟⵟⴰⴼ ⵢⴰⵏ ⵓⵏⵏⴰⵍ ⵉⴼⵓⵍⴽⵉⵏ.

ⵉⵏⵏⴰ ⵍⵉⵎⴰⵎ ⵉⵙ ⵢⵓⴼ ⵓⵎⵓⵎⵏ ⵍⵍⵉ ⵢⵟⵟⴰⴼⵏ ⵜⵉⵔⴰⵜ ⴷ ⵍⵉⵎⴰⵏ ⵉⴷⵖⴰⵏ ⵡⴰⵏ ⵍⵍⵉ ⵢⴳⴰⵏ ⴰⵏⵍⵎⴰⴹ ⴷ ⵓⵔ ⵉⵔⵉⵏ ⴰⴷ ⵉⵙⴽⵔ ⵜⵉⵡⵓⵔⵉⵡⵉⵏ ⵏⵏⵙ ⵖⵉⴽⵍⵍⵉ ⵉⵅⵚⵚⴰ ⴰⴷ ⵜⵏ ⵉⵙⴽⵔ.

ⴳ ⵓⵙⴰⵜⵉ ⵢⴰⴷ, ⵉⵎⵍⴰ ⵍⵉⵎⴰⵎ ⵉⵙ ⵓⴳⴷⵉⵍ ⵍⵄⴳⵣ ⴰⵎⵎⴰⵙ ⵏ ⵓⵙⴳⴷ ⴷ ⵓⵏⵍⵍⵉ. ⵍⵍⵉⵖ ⵉⵅⵍⵇ ⵕⴱⴱⵉ ⵜⵓⴳⵉ ⵉⴼⴽⴰ ⵢⴰⵜ ⴰⴷⵡⴰⵙ ⴰⴼⴰⴷ ⴰⴷ ⵜⵣⵣⵉⴳⵣ, ⴷ ⵉⵙⵙⵔⵇⴱ ⴰⵜ ⴰⴷ ⵜⵡⵓⵔⵔⵉ ⴰⴼⴰⴷ ⴰⴷ ⵜⵙⵎⵓⵏ ⵉⵎⴰⵙⵙⵏ ⵏ ⵜⵉⴳⵎⵉ ⴷ ⴰⴷ ⵜⵣⵔⵉ ⵉⴳⵉⵏⴰⵏⵏ ⴷ ⵜⵉⵏⵎⴰⵔⵉⵏ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.

ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 24 ⵉⵏⵏⴰⵢⵔ 2014

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%89%E2%B4%B1%E2%B5%8F-%E2%B5%8D%E2%B4%B1%E2%B5%8F%E2%B5%8F%E2%B4%B0%E2%B4%BB#comment-0