Published on MAPNews (https://www.mapnews.ma/am)

Accueil > ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵎⵕⵕⴰⴽⵯⵛ ⴰⵎⴰⵡⵙⴰⵙ ⴰⵀⵉⵏⴷⵉ ⵏ ⵉⵎⵢⴰⵙⵙⴰⵏ ⴰⴱⵕⵕⴰⵏⵉⵏ
  1. Accueil
  2. Activités royales

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵎⵕⵕⴰⴽⵯⵛ ⴰⵎⴰⵡⵙⴰⵙ ⴰⵀⵉⵏⴷⵉ ⵏ ⵉⵎⵢⴰⵙⵙⴰⵏ ⴰⴱⵕⵕⴰⵏⵉⵏ

01 ⴱⵕⴰⵢⵕ 2014 Version Imprimable
ⵎⵕⵕⴰⴽⵯⵛ - ⵉⵙⵏⵓⴱⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵎⵕⵕⴰⴽⵯⵛ, ⵎⴰⵙⵙ ⵛⵔⵉ ⵙⴰⵍⵎⴰⵏ ⵅⵓⵔⵛⵉⴷ, ⴰⵎⴰⵡⵙⴰⵙ ⵏ ⵉⵎⵢⴰⵙⵙⴰⵏ ⴰⴱⵕⵕⴰⵏⵉⵏ ⵏ ⵜⴳⴷⵓⴷⴰⵏⵜ ⵏ ⵍⵀⵉⵏⴷ, ⵎⴰⵢⴰⴷ ⵉⵙⴽⵔⵏ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ.

ⴳ ⵓⵣⵎⵣⵣⵓ ⵢⴰⴷ, ⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵏ ⵓⴷⴰⵙ ⴰⵙⵓⵍⴰⵏ ⵉⵜⵜⵓⵙⴽⴰⵔⵏ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ ⴷ ⵍⵀⵉⵏⴷ, ⵎⴰⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵉⵎⵍⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵜⵉⵔⴰⵜ ⵏ ⵜⴳⵍⴷⵉⵜ ⴰⴷ ⴱⴷⴷⴰ ⵢⵙⴷⵓⵙ ⵉⵎⵢⴰⵙⵙⴰⵏ ⵏ ⵜⵉⴷⴷⵓⴽⴽⵍⴰ ⴷ ⵏ ⵓⵎⵢⴰⵡⴰⵙ ⵍⵍⵉ ⵢⵙⵎⴰⵏⵏ ⵙⵉⵏ ⵏ ⵜⵉⵎⵣⴰⵔ ⵉⵎⴷⴷⵓⴽⴽⴰⵍ ⴰⴷ, ⵉⵔⵏⵓ ⵢⵏⵏⴰ ⴰⵙⴰⴳⵎ ⴰⴷ.

ⴰⵎⵎⴰ ⵎⴰⵙⵙ ⵅⵓⵔⵛⵉⴷ, ⵉⵎⵍⴰ ⴰⵙⵉⵎⵎⵔ ⵏⵏⵙ ⵅⴼ ⵜⵎⵔⵏⵉⵡⵜ ⵜⵓⵎⵏⵉⴳⵜ ⴰⵎⵎⴰⵙ ⵏ ⵉⵎⵢⴰⵙⵙⴰⵏ ⵉⵙⵉⵏⵔⴰⵏⵏ, ⵙⵍⴰⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⴷⴰⵎⵙⴰ ⴷ ⵓⵙⵙⴰⵔⵓ. ⴼ ⵖⵉⴽⴰⵏⵏ, ⵉⵙⴰⵡⵍ ⵓⵎⴰⵡⵙⴰⵙ ⴰⵀⵉⵏⴷⵉ ⵅⴼ ⵉⵎⵏⵉⴷⵏ ⵉⴳⴳⵓⵜⵏ ⵏ ⵓⵙⴷⵓⵙ ⵏ ⵉⵣⴷⴰⵢⵏ ⴳⵔ ⵙⵉⵏ ⵏ ⵜⵎⵉⵣⴰⵔ ⴰⴷ, ⵙⵍⴰⵡⴰⵏ ⴰⴽⴽⵯ ⴰⵎⵎⴰⵙ ⵏ ⵓⵎⵙⴰⵙⴰ ⴰⵙⵔⵜⴰⵏ ⴷ ⵏ ⵓⵣⴷⴷⵓⵢ ⴰⴳⵜⵉⵔⴰⵏ ⴷ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⴰⵎⵙⴰ ⴷ ⵏ ⵜⵉⴳⵎⵉ ⵜⴰⴷⵎⵙⴰⵏⵜ, ⵎⴰⵢⴰⴷ ⵉⵏⵏⴰ ⵡⵙⵉⵡⴹ.

ⵉⵎⵍⴰ ⵙⵓⵍ ⵓⵎⴰⵡⵙⴰⵙ ⴰⵀⵉⵏⴷⵉ ⵜⵉⵔⴰⵜ ⵏ ⵜⵎⴰⵣⵉⵔⵜ ⵏⵏⵙ ⴰⴷ ⵉⵙⴷⵓⵙ ⵉⵎⵢⴰⵙⴰⵏ ⵉⵙⵉⵏⵔⴰⵏ ⴳ ⵉⴳⵔ ⴰⴷⵍⵙⴰⵏ ⴷ ⴰⵜⵉⵇⵏⵉ ⴷ ⴰⵎⴰⵙⵙⴰⵏ ⵍⵍⵉ ⵢⵥⴹⴰⵕⵏ ⴰⴷ ⵉⴷⵙ ⵙⵉⵏ ⵏ ⵜⵉⵎⵣⴰⵔ ⴰⴷ.

ⴰⵎⵎⴰⵙ ⵏ ⵜⵉⴳⵉⵡⵔⵜ ⴰⴷ, ⵎⵏⵏⴰⵡ ⵏ ⵜⵉⵎⵙⴰⵔⵉⵏ ⵉⴳⵔⴰⵖⵍⴰⵏⵉⵏ ⴷ ⵉⵏⵎⵏⴰⴹⵏ ⵏ ⵓⴱⵖⵓⵔ ⵉⵛⵛⴰⵔⵏ, ⵉⵔⵏⵓ ⵢⵏⵏⴰ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⵜⵣⵔⵉ ⵜⵉⴳⵉⵡⵔⵜ ⵜⴰⴳⵍⴷⴰⵏⵜ ⴳ ⵜⵉⵍⵉⵜ ⵏ ⵓⵎⴰⵡⵙⴰⵙ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ, ⵎⴰⵙⵙ ⵚⴰⵍⴰⵃⴷⴷⵉⵏ ⵎⵣⵡⴰⵔ, ⴷ ⵏ ⵓⵎⵙⵇⴰⴷ ⵏ ⵍⵀⵉⵏⴷ ⴳ ⵕⵕⴱⴰⵟ, ⵎⴰⵙⵙ ⴽⵔⵉⵛⴰⵏ ⴽⵓⵎⴰⵕ, ⴷ ⵏ ⵓⵏⵎⵀⴰⵍ ⵏ ⴰⵙⵢⴰ ⵏ ⵜⴰⴳⵓⵜ ⴷ ⵏ ⵓⴼⵔⵉⵇⵢⴰ ⵏ ⵉⵥⵥⵍⵎⴹ ⴳ ⵜⵎⴰⵡⴰⵙⵜ ⵜⴰⵀⵉⵏⴷⵉⵜ ⵏ ⵜⵉⵎⵙⴰⵔⵉⵏ ⵏ ⴱⵕⵕⴰ, ⵎⴰⵙⵙ ⵙⴰⵏⴷⵉⴱ ⴽⵓⵎⴰⵕ.

Dernière modification : 01 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%8E%E2%B5%95%E2%B5%95%E2%B4%B0%E2%B4%BD%E2%B5%AF%E2%B5%9B-%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B4%B0%E2%B5%80%E2%B5%89%E2%B5%8F%E2%B4%B7%E2%B5%89-%E2%B5%8F-%E2%B5%89%E2%B5%8E%E2%B5%A2%E2%B4%B0%E2%B5%99%E2%B5%99%E2%B4%B0%E2%B5%8F-%E2%B4%B0%E2%B4%B1%E2%B5%95%E2%B5%95%E2%B4%B0%E2%B5%8F%E2%B5%89%E2%B5%8F#comment-0