ⴰⵎⵙⵏⴰⵍⴰ ⵖ ⵜⵜⵉⵍⵉⴼⵓⵏ ⴳⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⴰⴱⵓⵔⴽⵉⵏⴰⴱⵉ

17 ⴱⵕⴰⵢⵕ 2014 Version Imprimable

ⵕⵕⴱⴰⵟ - ⴷⴰⵜ ⵏ ⵓⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵎⵏⵏⴰⵡⵜ ⵜⵎⵉⵣⴰⵔ ⵏ ⵉⴼⴼⵓⵙ ⵏ ⵚⵚⵃⵕⴰ, ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⵏⵙⵙⵉⵅⴼ ⵏ ⴱⵓⵔⴽⵉⵏⴰ ⴼⴰⵚⵓ ⵎⴰⵙⵙ ⴱⵍⵉⵣ ⴽⵓⵎⴱⴰⵡⵔⵉ, ⵢⴰⵏ ⵓⵎⵙⵏⴰⵍⴰ ⵏ ⵜⵜⵉⵍⵉⴼⵓⵏ ⴰⵙⵙ ⵏ ⵓⵢⵏⴰⵙ, ⵖⵎⴽⵍⵍⵉ ⵙ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ.

ⴰⵙⵏⵎⴰⵍⴰ ⵢⴰⴷ ⵍⵍⵉ ⵢⵉⵍⵍⴰⵏ ⵖ ⵓⵙⴰⵜⵉ ⵏ ⵓⵙⵓⴷⵙ ⵏ ⵜⵣⴷⴰⵢⵉⵏ ⴳⵔ ⵉⵏⵙⵙⵉⵅⴼⵏ ⵏ ⵉⵡⵏⴰⴽⵏ ⵙ ⵙⵉⵏ, ⵉⵜⵜⵓⴱⴷⴰⵔ ⴳⵉⵙ ⴱⴰⵀⵔⴰ ⵓⵙⵇⵙⵉ ⵏ ⵎⴰⵍⵉ.

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵡⵔⵉ ⵍⵍⵉ ⵜⵙⴽⵔ «ⵙⵉⴷⵉⴰⵡ» ⴷ ⵓⵎⵙⵉⵏⵎⵎⵙ ⵏⵏⵙ ⴱⵍⵉⵣ ⴽⵓⵎⴱⴰⵡⵔⵉ, ⵅⴼ ⵓⵙⵡⵔⵔⵉ ⵏ ⵓⵔⴳⴳⵉⴳ ⴷ ⵓⵙⴳⴷⴷⵉ ⵏ ⵓⵏⴱⴹ ⵏ ⵜⵏⴹⴰⵡⵜ ⵖ ⵎⴰⵍⵉ ⵖⵎⴽⵍⵍⵉ ⵉⵍⵍⴰⵏ ⵖ ⵓⵎⵙⴰⵙⴰ ⵏ ⵡⴰⴳⴰⴷⵓⴳⵓ ⵏ ⵢⵓⵏⵢⵓ 2013.

ⵖ ⵜⵙⴳⴰ ⴰⴹⵏⵉⵏ, ⵉⵙⵉⵎⵖⵓⵔ ⵓⵏⵙⵙⵉⵅⴼ ⴰⴱⵓⵔⴽⵉⵏⴰⴱⵉ ⵙ ⵜⵓⴳⴳⴰⵙ ⵜⵉⵎⵇⵕⴰⵏⵉⵏ ⵍⵍⵉ ⵢⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴷ ⵜⵎⵔⵙⴰⵍ ⵜⵉⴳⵍⴷⴰⵏⵉⵏ ⵍⵍⵉ ⵢⵉⵜⵜⵓⵙⴽⴰⵔⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵎⴰⵙⵙ ⴱⵕⴰⵀⵉⵎ ⴱⵓⴱⴰⴽⴰⵔ ⴽⵉⵜⴰ.

Dernière modification : 17 ⴱⵕⴰⵢⵕ 2014

Source URL: https://www.mapnews.ma/am/activites-royales/%E2%B4%B0%E2%B5%8E%E2%B5%99%E2%B5%8F%E2%B4%B0%E2%B5%8D%E2%B4%B0-%E2%B5%96-%E2%B5%9C%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F-%E2%B4%B3%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B4%B1%E2%B5%93%E2%B5%94%E2%B4%BD%E2%B5%89%E2%B5%8F%E2%B4%B0%E2%B4%B1%E2%B5%89#comment-0