Published on MAPNews (https://www.mapnews.ma/am)

Accueil > ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⴽⵓⵟ ⴷⵉⴼⵡⴰⵕ
  1. Accueil
  2. Activités royales

ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⴽⵓⵟ ⴷⵉⴼⵡⴰⵕ

23 ⴱⵕⴰⵢⵕ 2014 Version Imprimable
ⴰⴱⵉⴷⵊⴰⵏ - ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⵣⴷⵡⵉⵜ ⵏ ⴰⵙⵙ ⵏ ⵓⵙⴰⵎⴰⵙ, ⴰⴱⵉⴷⵊⴰⵏ ⵅⴼ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⴷ ⵏ ⵜⵉⵎⴷⴷⵓⵍⴽⴰ ⵙ ⵜⴳⴷⵓⴷⴰⵏⵜ ⵏ ⴽⵓⵟ ⴷⵉⴼⵡⴰⵕ.

ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ, ⵍⵍⵉⵖ ⵉⴳⴳⵯⵣ ⵙⴳ ⵜⵢⵍⴰⵍⵜ ⴰⵎⵎⴰⵙ ⵏ ⵓⵣⴰⴳⵯⵣ ⵉⴳⵔⴰⵖⵍⴰⵏ ⵏ ⴼⵉⵍⵉⴽⵙ ⵀⵓⴼⵓⵡⵉ ⴱⵡⴰⵏⵢⵉ, ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴽⵓⵟ ⴷⵉⴼⵡⴰⵕ, ⵎⴰⵙⵙ ⴹⴰⵏⵢⵉⵍ ⴽⴰⴱⵍⴰⵏ ⴷⴰⵏⴽⵏ ⴷ ⵎⵏⵏⴰⵡ ⵉⴳⵎⴰⵎⵏ ⵉⴼⵡⴰⵕⵉⵢⵏ ⵢⴰⴹⵏⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⴰⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴽⵓⵟ ⴷⵉⴼⵡⴰⵕ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵎⵇⵕⴰⵏ ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⵍⵉ ⴳⵉⵜ ⵍⵓⵎⵎⵏ ⵍⵍⴰⵏ ⵎⴰⵙⵙ ⵟⴰⵢⵉⴱ ⵍⴼⴰⵙⵉ ⵍⴼⵉⵀⵔⵉ ⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ.

ⴷⴼⴼⵉⵔ ⵏ ⵢⴰⵏ ⵓⵙⴳⵓⵏⴼⵓ ⵉⵎⵥⵥⵉⵏ ⴳ ⵜⴷⴰⴱⵓⵜ ⵏ ⵓⴷⴷⵓⵔ, ⵉⵇⵕⵕⴱ ⴱⴰ ⵏ ⵡⴰⴷⴷⵓⵔ ⵙ ⵓⴳⴷⵓⴷ ⴰⵎⵇⵔⴰⵏ ⵍⵍⵉ ⵢⵍⵍⴰⵏ ⴳ ⵓⴼⴼⵖ ⵏ ⴰⵣⴰⴳⵯⵣ ⴷ ⵉⵣⵓⵍ ⵜ ⵙ ⵉⴼⴰⵙⵙⵏ ⵏⵏⵙ.
ⴰⴼⴰⴷ ⴰⴷ ⵣⵓⵍⵏ ⵉⵛⵏⵢⴰⵍⵏ ⵉⵏⴰⵎⵓⵔⵏ ⴷ ⵉⵎⵙⵍⵉ ⵏ ⵉⵣⵍⵉⵏ ⵉⵏⴰⵎⵓⵔⵏ ⵏ ⵙⵉⵏ ⵏ ⵜⵎⵉⵣⴰⵔ ⴰⴷ, ⴷⴰⵜ ⴰⴷ ⵙⵣⵣⵔⵉⵏ ⵢⴰⵏ ⵓⴳⵔⴰⵡ ⴰⵄⵙⴽⵔⵉ ⵍⵍⵉ ⵢⴰⵜⵏ ⵉⴼⴽⴰⵏ ⴰⴷⴷⵓⵔ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴷⴷⴰ ⵍⵎⵓⴽⴱ ⵙ ⵓⴷⵖⴰⵔ ⵏ ⵜⵣⴷⵓⵖⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴰⴱⵉⴷⵊⴰⵏ, ⴳ ⵜⵓⵥⵥⵓⵎⵜ ⵏ ⵉⴱⴰⵔⵉⵇⵏ ⴷ ⵉⵣⵓⵍⵏ ⵏ ⴽⵉⴳⴰⵏ ⵉⵏⵎⵓⵔⵉⵏ ⵏ ⵙⵉⵏ ⵏ ⵜⵎⵉⵣⴰⵔ ⴰⴷ ⵍⵍⵉ ⵢⵓⵛⴽⴰⵏ ⴰⴼⴰⴷ ⴰⴷ ⵔⵜⵓⵏ ⵎⵔⵃⴱⴰ ⵉ ⴱⴰⴱ ⵏ ⵡⴰⴷⴷⵓⵔ ⵍⵍⵉ ⵢⴰⵜⵏ ⵉⵔⴰⵔⵏ ⵙ ⵉⴼⴰⵙⵙⵏ ⵏⵏⵙ.

ⵜⴳⴰ ⴽⵓⵟ ⴷⵉⴼⵡⴰⵕ ⵜⵉⴽⵍⵉ ⵜⵉⵙⵙ ⵙⵉⵏ ⵏ ⵢⴰⵜ ⵜⵙⵙⵓⵜⵍⵜ ⵜⴰⴼⵔⵉⵇⵉⵜ ⵍⵍⵉ ⵢⴰⴷ ⵢⵉⵡⵉⵏ ⴱⴰⴱ ⵏ ⵡⴰⴷⴷⵓⵔ ⵙ ⵎⴰⵍⵉ, ⴷ ⵍⵍⵉ ⵔⴰⴷ ⵜ ⵙⵓⵍ ⵢⴰⵡⵉ ⵙ ⵖⵉⵏⵢⴰ ⵜⴰⴽⵓⵏⴰⴽⵔⵉⵜⴷ ⵍⴳⴰⴱⵓⵏ.

Dernière modification : 23 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%89%E2%B5%8D%E2%B4%BD%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89-%E2%B4%BD%E2%B5%93%E2%B5%9F-%E2%B4%B7%E2%B5%89%E2%B4%BC%E2%B5%A1%E2%B4%B0%E2%B5%95#comment-0