Published on MAPNews (https://www.mapnews.ma/am)

Accueil > ⵉⵥⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵜⴰⵎⵇⵔⴰⵏⵜ ⵏ ⵔⵉⴼⵉⵔⴰ ⴳ ⴰⴱⵉⴷⴽⴰⵏ
  1. Accueil
  2. Activités royales

ⵉⵥⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵜⴰⵎⵇⵔⴰⵏⵜ ⵏ ⵔⵉⴼⵉⵔⴰ ⴳ ⴰⴱⵉⴷⴽⴰⵏ

28 ⴱⵕⴰⵢⵕ 2014 Version Imprimable
ⴰⴱⵉⴷⵊⴰⵏ - ⵉⵥⵥⵓⵍⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵜⴰⵎⵇⵔⴰⵏⵜ ⵏ ⵔⵉⴼⵉⵔⴰ ⴳ ⴰⴱⵉⴷⵊⴰⵏ, ⴳ ⵜⵉⵍⵉⵜ ⵏ ⵎⵏⵏⴰⵡ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵜⵉⴼⵡⴰⵔⵉⵜ.

ⴳ ⵓⵙⵏⵜⵉ ⵏ ⵉⵏⴰⵡ ⵏⵏⵙ, ⵉⵏⵏⴰ ⵍⵉⵎⴰⵎ ⵉⵙ ⵉⴼⴽⴰ ⵍⵉⵙⵍⴰⵎ ⵢⴰⵜ ⵜⵎⵙⴷⴷⵓⵔⵜ ⵉⵅⴰⵜⴰⵔⵏ ⵉ ⵡⵏⵢⴰⵍⴽⴰⵎ ⴷ ⵜⵓⵙⵙⵏⴰ ⵜⴰⵎⴼⴽⴰⵡⵜ ⴷ ⵓⵙⵏⴼⵍ.

ⵉⵙⵏⴼⵍ ⵕⴱⴱⵉ ⵉⵏⴼⴳⴰⵏⵏ ⴰⵎⵎⴰⵙ ⵏ ⵜⵎⵜⵜⵉⵏ ⴷ ⵉⵎⵍⴰ ⵢⴰⵜⵏ ⵉⵙ ⵜⵏ ⵉⵙⵏⴼⵍ ⵖⵉⴽⴰⵏⵏ ⴰⴼⴰⴷ ⴰⴷ ⵜⵓⵙⵙⴰⵏⵏ ⴷ ⴰⴷ ⵙⵏⴼⵍⵏ ⴳⵔⴰⵜ ⵙⵏ. 

ⵉⵙⵏⵉⵎⵎⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⵉⵜⵜⴳⴳⵯⵣⵏ ⵏ ⵔⵔⴰⵙⵓⵍ ⵙⵉⴷⵏⴰ ⵎⵓⵃⵎⵎⴷ, ⵅⴼ ⵜⵉⴳⴰⵡⵉⵏ ⴷ ⵜⵉⵙⵏⵜⴰⵢⵉⵏ ⵏⵏⵙ, ⴷ ⵉⵜⵜⵔ ⴰⴷ ⵜ ⵉⵃⴼⴹ ⵕⴱⴱⵉ ⴷ ⴰⴷ ⴼⵍⵍⴰⵜ ⵉⴱⴰⵔⴽ .

ⵉⵔⵏⵓ ⵢⵏⵏⴰ ⵍⵉⵎⴰⵎ ⵉⵙ ⵍⵍⵉⵖ ⴰⵔ ⵜⵙⵙⵓⵜⵍ ⵜⴳⵔⴰⵡⵜ ⴰⵙⵢⵉⵡⵏ ⵏ ⵕⴱⴱⵉ ⴷ ⵓⵖⴰⵍ ⵏ ⵓⵔⵇⵇⴰⵙ ⵏⵏⵙ ⵢⵓⴳⴳⵔⴰⵏ, ⵙⵉⴷⵏⴰ ⵎⵓⵃⵎⵎⴷ ⵚⴰⵍⵍⴰ ⵍⵍⴰⵀⵓ ⵄⴰⵍⴰⵢⵀⵉ ⵡⴰ ⵙⴰⵍⵍⴰⵎ, ⵜⵟⵟⴼ ⵜⴳⵔⴰⵡⵜ ⴰⴷ ⵢⴰⵏ ⵓⵎⴷⵢⴰ ⵉⴼⵍⴽⵉⵏ ⵍⵍⵉ ⵜⵥⴹⴰⵕ ⴰⴷ ⵜⴹⴼⴰⵕ, ⵖⵉⴽⵍⵍⵉ ⵢⴰⴷⵍⵍⵉ ⵢⵙⴽⵔ ⵔⵔⴰⵙⵙⵓⵍ ⵙⵉⴷⵏⴰ ⵎⵓⵃⵎⵎⴷ ⵍⵍⵉ ⵢⴳⴷⵍⵏ ⴰⴷ ⵉⵥⵕ ⵢⴰⵏ ⴳⵎⴰⵜ ⴰⵎⵓⵙⵍⵎ ⵙ ⵢⴰⵏ ⵓⵏⵏⴰⵢ ⵏ ⵜⵟⵏⵥⵉⵜ. 

ⴷⴼⴼⵉⵔ ⵏ ⵜⵥⴰⵍⵍⵉⵜ ⴰⴷ, ⵉⴼⴽⴰ ⵡⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵜ ⵜⵉⴽⴽⵉ ⵏ 10.000 ⴰⵎⴷⵢⴰⵏ ⵏ ⵍⴽⴰⵔⵉⵎ ⵍⵄⴰⴹⵉⵎ ⵉ ⵜⴼⵓⵍⵜ ⵜⵉⴼⵡⴰⵔⵉⵜ ⵉⵎⴳⵍⵏ ⴰⵙⵡⵓⴷⴷⵓ ⵏ ⵜⵉⵎⵙⴰⵔⵉⵏ ⵏ ⵓⵙⴳⴷ, ⴷⴼⴼⵉⵔ ⵏ ⵜⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵍⵍⵉ ⵢⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⴳ ⵜⵎⵣⴳⵉⴷⴰ ⵜⴰⵎⵇⵔⴰⵏⵜ ⵏ ⵔⵉⴼⵉⵔⴰ ⴳ ⴰⴱⵉⴷⵊⴰⵏ.

ⵜⵉⴽⴽⵉ ⵢⴰⴷ ⵜⴳⴰ ⵜⴰⵎⵣⵡⴰⵔⵓⵜ ⴰⵎⵎⴰⵙ ⵏ ⵜⵉⴽⴽⵉⵏ ⵢⴰⴹⵏⵉⵏ ⵏ ⵍⵇⵓⵕⴰⵏ ⵍⴽⴰⵔⵉⵎ ⵉⵜⵜⵓⴼⴽⴰⵏ, ⴳ ⵓⵙⴰⵜⵉ ⵏ ⵜⵉⵙⵏⵙⵉ ⵏ ⵉⵏⴹⵏ ⵉⵎⴰⵜⵜⴰⵢⵏ ⵉⴳⵍⴷⴰⵏⵏ ⵉⵔⴰⵏ ⴰⴷ ⴼⴽⵉⵏ ⵉ ⵜⵎⵣⴳⵉⴷⵉⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵏ ⵜⴳⵓⵜ ⵉⵎⴷⵢⴰⵏⵏ ⵏ ⵍⵇⵓⵕⴰⵏ ⵍⴽⴰⵔⵉⵎ ⵙ ⵔⵔⵉⵡⴰⵢⴰ ⵏ ⵡⴰⵕⵛ ⵉⵜⴰⴱⵄⴰⵏ ⵏⴰⴼⵉⵄ, ⵎⴰⵢⴰⴷ ⵜⴹⴼⴰⵕ ⵜⴳⵍⴷⵉⵏⵜ ⵓⵍⴰ ⵜⵎⵉⵣⴰⵔ ⴰⴷ.
 

Dernière modification : 28 ⴱⵕⴰⵢⵕ 2014
Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D%E2%B5%8D-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B4%B3-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%9C%E2%B4%B0%E2%B5%8E%E2%B5%87%E2%B5%94%E2%B4%B0%E2%B5%8F%E2%B5%9C-%E2%B5%8F#comment-0