ⵉⴽⴽⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ , ⵍⴰⵎⵉⵔ ⵏ ⵉⵎⵓⵎⵏⵏ ⵜⵉⵎⵣⴳⵉⴷⴰ ⵏ ⵓⴳⵍⵍⵉⴷ ⴼⴰⵢⵚⴰⵍ ⵖ ⴽⵓⵏⴰⴽⵔⵉ ⵉⴼⴰ 10.000 ⵏ ⵓⴷⵍⵉⵙ ⵏ ⵍⵇⵓⵕⴰⵏ ⵉ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵉⵙⴽⴽⵉⵏⵏ ⵏ ⵓⵙⴳⴷ ⵏ ⵖⵉⵏⵢⴰ

04 ⵎⴰⵕⵚ 2014 Version Imprimable

ⴽⵓⵏⴰⴽⵔⵉ - ⵉⴽⴽⴰⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ, ⵜⵉⵎⵣⴳⵉⴷⴰ ⵏ ⵓⴳⵍⵍⵉⴷ ⴼⴰⵢⵚⴰⵍ ⵖ ⴽⵓⵏⴰⴽⵔⵉ.

ⵙ ⵓⵣⵎⵓⵣⵣⵓ ⵢⴰⴷ, ⵉⵥⵥⵓⵍ ⴱⴰⴱ ⵏ ⵡⴰⴷⴷⵓⵔ ⵜⴰⵥⴰⵍⵍⵉⵜ ⵏ ⵡⴰⵣⵓⵍ ⵖ ⵜⵎⵣⴳⵉⴷⴰ.

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, 10.000 ⵏ ⵓⴷⵍⵉⵙ ⵏ ⵍⵇⵓⵕⴰⵏ ⵉ ⵡⵏⴼⵍⵓⵙ ⴰⵎⴰⵜⴰⵢ ⵏ ⵉⵙⴽⴽⵉⵏⵏ ⵏ ⵓⵙⴳⴷ ⵖ ⵖⵉⵏⵢⴰ, ⵖ ⵜⴳⴰⵔⴰ ⵏ ⵓⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⵖ ⵜⵎⵣⴳⵉⴷⴰ ⵏ ⵓⴳⵍⵍⵉⴷ ⴼⴰⵢⵚⴰⵍ ⵏ ⴽⵓⵏⴰⴽⵔⵉ.

ⵉⴷⵍⵉⵙⵏ ⴰⴷ ⵍⵍⵉ ⴷ ⵜⵙⵙⵓⴼⵖ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵙⵓⴼⵖ ⵏ ⵍⵇⵓⵕⴰⵏ, ⵔⴰⴷ ⵜⵜⵓⴱⴹⴰⵏ ⵅⴼ ⵎⵏⵏⴰⵡ ⵏ ⵜⵎⵣⴳⵉⴷⵉⵡⵉⵏ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ.

ⵎⴰⵢⴰⴷ ⵉⴳⴰ ⵜⵉⵔⵎⵜ ⵉⵣⵡⴰⵔⵏ ⵖ ⵓⵙⴰⵜⵉ ⵏ ⵓⵚⵕⵚⴰ ⵏ ⵜⵓⵜⵔⴰⵢⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵓⴷⴳⵉ ⵏ ⵡⴰⵙⵙⴰⵔⵏ ⵏ ⵜⵎⵣⴳⵉⴷⵉⵡⵉⵏ ⵏ ⵉⴼⵔⵉⵇⵢⴰ ⵏ ⵜⴰⴳⵓⵜ.

Dernière modification : 04 ⵎⴰⵕⵚ 2014

Source URL: https://www.mapnews.ma/am/activites-royales/%E2%B5%89%E2%B4%BD%E2%B4%BD%E2%B4%B0%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%BC%E2%B4%B0%E2%B5%A2%E2%B5%9A%E2%B4%B0%E2%B5%8D-%E2%B5%96-%E2%B4%BD%E2%B5%93%E2%B5%8F%E2%B4%B0%E2%B4%BD%E2%B5%94%E2%B5%89-%E2%B5%89%E2%B4%BC%E2%B4%B0#comment-0