Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵉⴽⴽⵉ ⵏ ⵉⵎⴰⵣⵉⵔⵏ ⴷ ⵏ ⵉⵙⵎⵎⵓⴷⵏ ⵉⵎⵙⴰⴷⵓⵔⵏ ⵏ ⵉⵎⵓⴷⵔⵏ ⵉ ⵖⵉⵏⵢⴰ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵜⵉⴽⴽⵉ ⵏ ⵉⵎⴰⵣⵉⵔⵏ ⴷ ⵏ ⵉⵙⵎⵎⵓⴷⵏ ⵉⵎⵙⴰⴷⵓⵔⵏ ⵏ ⵉⵎⵓⴷⵔⵏ ⵉ ⵖⵉⵏⵢⴰ

04 ⵎⴰⵕⵚ 2014 Version Imprimable
ⴽⵓⵏⴰⴽⵔⵉ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵢⵍⴰⵏⵏ ⴷ ⵓⵏⵙⵙⵉⵅⴼ ⴰⵖⵉⵏⵉ, ⵎⴰⵙⵙ ⴰⵍⴼⴰ ⴽⵓⵏⴷⵉ, ⴰⵙⵙ ⵏ ⵓⵙⵉⵏⴰⵙ ⴳ ⴽⵓⵏⴰⴽⵔⵉ, ⵢⴰⵜ ⵜⵉⴽⴽⵉ ⵏ ⵉⵎⴰⵣⵉⵔⵏ ⴷ ⵏ ⵉⵙⵎⵎⵓⴷⵏ ⵉⵎⵙⴰⴷⵓⵔⵏ ⵏ ⵉⵎⵓⴷⵔⵏ ⵉ ⵖⵉⵏⵢⴰ.

ⴳ ⵓⵣⵎⵣⵣⵓ ⵢⴰⴷ, ⵜⵜⵓⴼⴽⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴽⵔⴰ ⵏ ⵉⵙⵙⴼⵔⵓⵏ ⵅⴼ ⴽⵕⴰⴹ ⵏ ⵉⵙⵏⵜⵉⵏ ⵉⵏⴼⵍⴰⵃⵏ ⵍⵍⵉ ⵔⴰⴷ ⵉⵍⵉⵏ ⴳ ⵖⵉⵏⵢⴰ, ⴳ ⵜⵎⴷⵔⴰⵡⵜ ⴳⵔ ⵜⵎⴰⵡⴰⵙⵜ ⵏ ⵜⴼⵍⴰⵃⵜ ⴷ ⵏ ⵜⴳⵎⵔⵜ ⵜⴰⵢⵍⴰⵏⵜ, ⴷ ⵜⵎⴰⵡⴰⵙⵜ ⵜⴰⵖⵉⵏⵉⵜ ⵏ ⵜⴼⵍⴰⵃⵜ ⴷ ⵓⵙⵉⵔⴰ ⴰⵛⵔⵉⴼ ⵏ ⵓⴼⵓⵚⴼⴰⵟ (ⵓⵙⵉⴱⵉ).

ⴰⵙⵏⵜⵉ ⴰⵎⵣⵡⴰⵔⵓ ⵉⴳⴰ ⵡⵉⵏ ⵢⴰⵜ ⵜⴽⴰⵕⴹⴰ ⵏ ⵓⵙⴱⵍⵙ ⵏ ⴰⴽⴰⵍ ⴳ ⵜⵙⴳⴰ ⵏ ⴼⴰⵕⴰⵏⴰ (100.000 ⴰⵀⵉⴽⵜⴰⵔ), ⵎⴰⵢⴰⴷ ⵉⵔⴰⵏ ⴰⴷ ⵉⵙⵖⵉⵡⵙ ⵜⵓⵙⵙⵏⴰ ⵉⵅⴰⵜⴰⵔⵏ ⵅⴼ ⵜⵉⵎⵥⵍⵉⵏ ⵏ ⵓⵍⴰⵍ ⴳ ⵖⵉⵏⵢⴰ ⴷ ⵉⵙⵙⴰⵔⵏ ⵏⵏⵙⵏ ⵏ ⵉⵎⴰⵣⵉⵔⵏ, ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵙⴱⵍⵙ ⵉⵏⵍⵍⵉⵏ.

ⴰⵎⵎⴰ ⵓⵙⵏⵜⵉ ⵡⵉⵙⵙ ⵙⵉⵏ, ⵉⴳⴰ ⵡⵉⵏ ⵓⵙⵓⴷⵙ ⵏ ⵓⵙⵉⴱⵉ ⴳ ⵖⵉⵏⵢⴰ, ⵎⴰⵢⴰⴷ ⵢⵉⵍⵉ ⴰⵎⵎⴰⵙ ⵏ ⵓⴽⵕⴰⴹⵢⵓⵔ ⵡⵉⵙⵙ ⴽⵕⴰⴹ ⴳ 2014. ⵉⴳⴰ ⵍⵃⴰⵍ ⵜⴰⴹⴼⵕⵜ ⵏ ⵓⵔⵎⵎⵓⵙ ⵏ ⵓⴽⴰⴱⴰⵕ ⵏ ⵓⵙⵉⴱⵉ ⵉ ⵡⵎⵏⴰⴹ ⴰⵏⴼⵍⴰⵃ ⴰⵖⵉⵏⵉ.

ⵓⵙⵏⵜⵉ ⵡⵉⵙⵙ ⴽⵕⴰⴹ ⵍⵍⵉ ⵢⵜⵜⵎⵍⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⴳⴰ ⵡⵉⵏ « ⵜⵉⵏⵎⵍⵉⵏ ⵏ ⵉⴳⵔⵏ », ⵎⴰⵢⴰⴷ ⵉⴱⴷⵓ ⵙⴳ ⵓⴽⵕⴰⴹⵢⵓⵔ ⵡⵉⵙⵙ ⵙⵉⵏ ⵏ 2014. ⵉⴳⴰ ⵍⵃⴰⵍ ⵢⴰⵏ ⵓⵙⵎⵓⵜⵜⴳ ⵏ ⵓⴱⴰⵔⴰⵣ ⵉⵜⵜⵓⴼⴽⴰⵏ ⵉ ⵢⵏⴼⵍⴰⵃⵏ ⴰⴼⴰⴷ ⴰⴷ ⵏⴽⵔⵏ ⵙ ⵉⵎⵙⴽⵔⵏ ⵉⵅⴰⵜⴰⵔⵏ ⴳ ⵜⴼⵍⴰⵃⵜ ⴷ ⵓⵙⴱⵍⵙ.

ⵍⵍⵉⵖ ⵉⵍⴽⵎ ⴰⴷⵖⴰⵔ ⴰⴷ, ⵉⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵢⵎⴰⵏⵏ ⴷ ⵓⵏⵙⵙⵉⵅⴼ ⴰⵖⵉⵏⵉ, ⵓⵎⵙⵙⵉⵅⴼ ⴱ ⵜⴼⵍⴰⵃⵜ ⴷ ⵏ ⵜⴳⵎⵔⵜ ⵜⴰⵢⵍⴰⵏⵜ, ⵄⴰⵣⵉⵣ ⴰⵅⵏⵏⵓⵛ, ⴷ ⵉⵎⴰⵡⵙⴰⵙⵏ ⵉⵖⵉⵏⵉⵏ ⴷ ⵎⵏⵏⴰⵡ ⵉⴳⵎⴰⵎⵏ ⵢⴰⴹⵏⵉⵏ.

Dernière modification : 04 ⵎⴰⵕⵚ 2014
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%A2%E2%B4%B0%E2%B5%9C-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%89%E2%B5%8E%E2%B4%B0%E2%B5%A3%E2%B5%89%E2%B5%94%E2%B5%8F-%E2%B4%B7-%E2%B5%8F-%E2%B5%89%E2%B5%99%E2%B5%8E%E2%B5%8E%E2%B5%93%E2%B4%B7%E2%B5%8F-%E2%B5%89%E2%B5%8E%E2%B5%99%E2%B4%B0%E2%B4%B7%E2%B5%93%E2%B5%94%E2%B5%8F-%E2%B5%8F-%E2%B5%89%E2%B5%8E%E2%B5%93%E2%B4%B7%E2%B5%94%E2%B5%8F-%E2%B5%89-%E2%B5%96%E2%B5%89%E2%B5%8F%E2%B5%A2%E2%B4%B0#comment-0