ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⴰⵎⵉⵔ ⵏ ⵉⵎⵓⵎⵏⵏ, ⴳ ⵟⴰⵏⵊⴰ, ⵜⵉⵎⵣⴳⵉⴷⴰ « ⵄⴱⴹⵍⵍⴰⵀ ⴳⵏⵏⵓⵏ» ⴷ ⵉⵥⵥⵓⵍ ⴳⵉⵜ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ

21 ⵎⴰⵕⵚ 2014 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵏ ⴱⵏⵉ ⵎⴰⴽⴰⴷⴰ (ⵍⵄⴰⵎⴰⵍⴰ ⵏ ⵟⴰⵏⵊⴰ-ⴰⵚⵉⵍⴰ), ⵢⴰⵜ ⵜⵎⵣⴳⵉⴷⴰ ⵜⴰⵎⴰⵢⵏⵓⵜ ⵎⴰ ⵢⴰⴷ ⵉⴼⴽⴰ ⵙⵙⵎⵢⵜ ⵏ ⵍⵄⴰⵍⵉⵎ « ⵄⴱⴹⵍⵍⴰⵀ ⴳⵏⵏⵓⵏ » ⴷⴰⵜ ⴰⴷ ⴳⵉⵜ ⵉⵥⵥⵓⵍ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ.

ⵜⵥⴹⴰⵕ ⵜⵎⵣⴳⵉⴷⴰ ⵢⴰⴷ ⴰⴷ ⵜⵙⵙⴽⵛⵎ 800 ⵏ ⵉⵎⵓⵎⵏⵏ. ⵜⵓⵚⴽⴰ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵏ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵢⵏ ⵜⵉⵎⵣⴳⵉⴷⴰ ⵢⴰⴷ ⴳ ⵓⵙⴰⵢⵔⴰⵔ ⴰⵎⴰⵜⴰⵢ ⵏ 1.649 ⴰⵎⵉⵜⵔⵓ ⴰⵎⴽⴽⵓⵥ (1.100 ⴰⵎⵉⵜⵔⵓ ⴰⵎⴽⴽⵓⵥ ⵉⵃⴱⴰⵏ). ⵍⵍⴰⵏ ⴳⵉⵜ ⵙⵏⴰⵜ ⵜⵉⵣⵇⵇⴰⵏ ⵏ ⵜⵥⴰⵍⵍⵉⵜ, ⵢⴰⵜ ⵏ ⵉⵔⴳⴰⵣⵏ ⴷ ⵢⴰⵜ ⵏ ⵜⵎⵖⴰⵔⵉⵏ, ⵜⵉⵎⵇⵚⵓⵕⵉⵏ ⵏ ⵍⵉⵎⴰⵎ ⴷ ⵍⵎⵓⴷⴷⵏ, ⵢⴰⵜ ⵜⵣⵇⵇⴰ ⵏ ⵓⵍⵎⵎⵓⴷ ⵏ ⵍⵇⵓⵕⴰⵏ ⵍⴽⴰⵔⵉⵎ ⴷ ⵚⴷⵉⵚ ⵏ ⵉⴷⵖⵔⵏ ⵉⵏⵙⴱⴰⴱⵏ.

ⴰⵙⵏⵜⵉ ⵢⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵢⴰⵜ ⵜⵙⵟⵕⴰⵜⵉⵊⵉⵜ ⵍⵍⵉ ⵜⵙⴽⵔ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵏ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵏ ⴰⵎⵎⴰⵙ ⵏ ⵍⵄⴰⵎⴰⵍⴰ ⵏ ⵟⴰⵏⵊⴰ ⴰⵚⵉⵍⴰ ⴷ ⵍⵍⵉ ⵢⵔⴰⵏ ⴰⴷ ⵜⵓⵚⴽⴰ 12 ⵜⵉⵎⵣⴳⵉⴷⵉⵏ, ⴷ ⴰⴷ ⵜⵄⴷⵍⵏ ⴽⴽⵓⵥ ⵢⴰⴹⵏⵉⵏ ⴷ ⴰⴷ ⵙⵏⴰⵜ ⵜⵎⵣⴳⵉⴷⵉⵏ ⵜⵎⵣⵔⴰⵢⵏ, ⵙ ⵢⴰⵜ ⵜⵏⵜⵜⴰⵍⵜ ⵏ 118 ⵓⵎⵍⵢⵓⵏ ⵏ ⴷⴷⵔⵀⵎ.

Dernière modification : 21 ⵎⴰⵕⵚ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B5%89%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%C2%AB-%E2%B5%84%E2%B4%B1%E2%B4%B9%E2%B5%8D%E2%B5%8D%E2%B4%B0%E2%B5%80-%E2%B4%B3%E2%B5%8F%E2%B5%8F%E2%B5%93%E2%B5%8F%C2%BB-%E2%B4%B7-%E2%B5%89%E2%B5%A5%E2%B5%A5%E2%B5%93%E2%B5%8D#comment-0