ⵟⴰⵏⵊⴰ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⴳⴰⴷⴰⵣ ⵏ « ⴱⵉⵔ ⵛⵛⵉⴼⴰ

ⵟⴰⵏⵊⴰ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⴳⴰⴷⴰⵣ ⵏ « ⴱⵉⵔ ⵛⵛⵉⴼⴰ » ⴳ ⴱⵏⵉ ⵎⴰⴽⴰⴷⴰ

09 ⵉⴱⵔⵉⵔ 2014 Version Imprimable

ⵟⴰⵏⵊⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵓⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵏ ⴱⵏⵉ ⵎⴰⴽⴰⴷⴰ (ⵍⵄⴰⵎⴰⵍⴰ ⵏ ⵟⴰⵏⵊⴰ), ⵜⵉⵡⵓⵔⵉⵡⵉⵏ ⵏ ⵓⵙⵓⴼⵖ ⵏ ⵓⴳⴰⴷⴰⵣ ⵏ « ⴱⵉⵔ ⵛⵛⵉⴼⴰ ».

ⴰⵙⵏⵜⵉ ⵢⴰⴷ, ⵍⵍⵉ ⵢⵙⵎⴰⵏⵏ ⵢⴰⵜ ⵜⵏⵜⵜⴰⵍⵜ ⵏ ⵜⵎⵙⴰⵙⵜⵍⵜ ⵏ 100 ⵓⵎⵍⵢⵓⵏ ⵏ ⴷⴷⵔⵀⵎ, ⵉⴽⵛⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵉⵅⴰⵜⴰⵔⵏ ⵏ « ⵟⴰⵏⵊⴰ ⵎⵉⵟⵕⵓⴱⵓⵍ ».

ⵔⴰⴷ ⵜⵙⴰⵍⴰ ⵜⵉⴽⵍⵉ ⵜⴰⵎⵣⵡⴰⵔⵓⵜ ⵏ ⵓⴳⴰⴷⴰⵣ ⵏ ⵡⴰⴷⴰⵙ ⴰⵎⴰⵢⵏⵓ ⵢⴰⴷ, ⵎⴰⵢⴰⴷ ⵉⵙⵡⴰⵏ 60 ⵓⵎⵍⵢⵓⵏ ⵏ ⴷⴷⵔⵀⵎ), ⴳ 18 ⵏ ⵓⵢⵢⵓⵔ.

ⵉⴳⴰ ⵡⵙⵏⵜⵉ ⵢⴰⴷ ⵉⴳⵓⵎⵎⴰ ⵏ ⵢⴰⵜ ⵜⵎⴷⵔⴰⵡⵜ ⴳⵔ ⵍⵄⴰⵎⴰⵍⴰ ⵏ ⵟⴰⵏⵊⴰ ⴰⵚⵉⵍⴰ ⴷ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵏ ⵟⴰⵏⵊⴰ, ⵔⴰⴷ ⴳ ⵉⵜ ⵉⵍⵉⵏ 715 ⵏ ⵎⴰⵃⴰⵍⵍ, ⴷ ⵢⴰⵏ ⵍⴱⴰⵕⴽⵉⵏⴳ ⵉⵥⴹⴰⵕⵏ ⴰⴷ ⵢⴰⵙⵙⵉ 200 ⵜⵉⵀⵉⵔⵉⵜ, ⴷ ⵢⴰⵜ ⵍⵇⵀⵡⴰ ⵜⴰⵙⵉⵔⵎⵜ, ⴷ ⵢⴰⵜ ⵜⵎⵙⵙⵓⴳⵓⵔⵜ ⴷ ⵎⵏⵏⴰⵡ ⵏ ⵜⵉⵏⴰⴼⵓⵏ ⵢⴰⴹⵏⵉⵏ.

ⴰⵙⵓⴼⵖ ⵏ ⵓⵙⵏⵜⵉ ⵢⴰⴷ ⵉⴽⵛⵎ ⴳ ⵉⵡⵜⵜⴰⵙⵏ ⵏ ⵓⵖⴰⵡⴰⵙ « ⵟⴰⵏⵊⴰ ⵎⵉⵟⵕⵓⴱⵓⵍ » ⵍⵍⵉ ⵢⵔⴰⵏ ⴰⴷ ⵉⵙⴽⵔ ⴳ ⵟⴰⵏⵊⴰ ⵢⴰⵜ ⵜⵎⴷⵉⵏⵜ ⵉⴼⴽⴰⵏ ⵜⵉⴼⴰⴷⴰⵏ ⵏ ⵢⴰⵜ ⵜⵖⴰⵔⴰ ⵏ ⵜⵓⴷⵔⵜ ⵉⵅⴰⵜⴰⵔⵏ.

ⵔⴰⴷ ⵉⴷⵔⵓ ⵡⵙⵏⵜⵉ ⵢⴰⴷ ⴳ ⵜⵏⴽⵔⴰ ⵙ ⵜⴼⴰⴷⴰ ⵜⴰⵏⴰⵎⵓⵏⵜ ⴷ ⵜⴰⴷⴰⵎⵙⴰⵜ ⵏ ⵓⴼⴹⴰⵏ ⵏ ⵎⴷⴷⵏ, ⵓⵍⴰ ⴰⵎⵓⵙⵙⵓ ⴰⴷⴰⵎⵙⴰⵏ ⴰⵎⵎⴰⵙ ⵏ ⵜⵎⴷⵉⵏⵜ ⵏ ⵟⴰⵏⵊⴰ.

Dernière modification : 09 ⵉⴱⵔⵉⵔ 2014

Source URL: https://www.mapnews.ma/am/activites-royales/%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B5%89%E2%B5%A1%E2%B5%93%E2%B5%94%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%93%E2%B5%99%E2%B5%93%E2%B4%BC%E2%B5%96-%E2%B5%8F-%E2%B5%93%E2%B4%B3%E2%B4%B0%E2%B4%B7%E2%B4%B0%E2%B5%A3-%E2%B5%8F-%C2%AB-%E2%B4%B1%E2%B5%89%E2%B5%94-%E2%B5%9B%E2%B5%9B%E2%B5%89%E2%B4%BC%E2%B4%B0-%C2%BB-%E2%B4%B3-%E2%B4%B1%E2%B5%8F%E2%B5%89#comment-0