ⴱⵏⵉⵎⵍⵍⴰⵍ :ⴰⵏⴼⴰ ⴰⴳⵍⴷⴰⵏ ⴰⵙⵓⵍⴰⵏⵙ ⵙ ⵓⵙⵉⴷⴼ ⴰⵏⴰⵎⵓⵏ-ⴰⵣⵣⵓⵍⴰⵏ ⵏ ⵉⴼⴳⴰⵏⵏ ⵉⵏⴰⵎⵓⵥⵏ

22 ⵎⴰⵢⵢⵓ 2014 Version Imprimable

ⴱⵏⵉⵎⵍⵍⴰⵍ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⴱⵏⵉ ⵎⵍⵍⴰⵍ ⵢⴰⵏ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵣⵣⵓⵍⴰⵏ ⴳ ⵓⴳⵯⵏⵙ ⵏ ⵓⵖⵣⵓ ⵓⵖⵔⵉⵎ ⵏ ⵜⵎⴷⵉⵏⵜ ⴷ ⵓⵙⵔⵙ ⵏ ⵓⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⵡⴰⵎⵎⴰⵙ ⵏ ⵜⴽⵙⵙⴰ ⵜⴰⴷⴼⴼⵉⵔⵜ.

ⴰⵎⵎⴰⵙ ⴰⴷ, ⵍⵍⵉ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⴰⵙⴽⵛⵎ ⵏ ⵉⵏⴰⵎⵓⵥⵏ ⵙ ⵢⴰⵏ ⵓⵙⵙⴰⵔⵓ ⴰⵖⵣⵓⵔⴰⵏ ⵏ 9,5 ⴰⵎⵍⵢⵓⵏ ⵏ ⴷⴷⵔⵀⵎ, ⵉⴹⴼⴰⵕ ⵉ ⵡⵖⵣⵓ ⵓⵖⵔⵉⵎ ⵏ ⴱⵏⵉⵎⵍⵍⴰⵍ ⴷ ⵉⴳⴰ ⵡⵉⵙⵙ 51 ⴰⵎⵎⴰⵙ ⵏ ⵜⴳⵍⴷⵉⵜ.

ⴰⵙⵓⴼⵖ ⵏ ⴰⵎⵎⴰⵙ ⵏ ⴰⵙⵎⵓⵜⵜⴳ ⵉⵙⵎⴰⵏ 6 ⵏ ⵓⵎⵍⵢⵓⵏ ⵏ ⴷⴷⵔⵀⵎ, ⵜⴳⴰ ⵢⴰⵏ ⴰⵙⵜⴰⵢ ⵍⵍⵉ ⵜⵙⴽⵔ ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⴰⵙⴽⵛⵎ ⵏ ⵉⵏⴰⵎⵓⵥⵏ, ⴰⴼⴰⴷ ⴰⵢⵜⵏ ⵜⴼⴽ ⴰⵙⵎⵓⵜⵜⴳ ⴷ ⴰⵙⵍⵎⴷ ⴰⴼⴰⴷ ⴰⴷ ⴷⴰⵖ ⵓⵔ ⴳⵔⴰⵡⵍⵏ ⵙ ⴰⴱⴽⴽⵉⴹ ⴷ ⴰⴷ ⴼⵖⵖⵏ ⵙⴳ ⴰⵥⵍⴰⴹ ⴰⵏⴰⵎⵓⵏ.

ⴼ ⵖⵉⴽⴰⵏⵏ, ⵔⴰⴷ ⵉⵙⵙⴱⵖⵔ ⵓⵎⵎⴰⵙ ⴰⵎⴰⵢⵏⵓ ⵓⴳⴳⵯⴰⵔ ⵏ 260 ⴰⵏⴰⵎⵓⵥ, ⴷ ⵔⴰⴷ ⵉⴼⴽ ⵉⵙⵎⵓⵜⵜⴳⵏ ⴳ ⵜⵉⵣⵣⵓⵍⵉⵏ ⵏ ⵜⵓⵚⴽⴰ ⴷ ⵏ ⵜⴰⵏⵃⴼⴰⴼⵜ, ⴷ ⵏ ⵜⴰⵙⵏⵎⴰⵍⴰⵢⵜ, ⴷ ⵎⵏⵏⴰⵡ ⵉⴳⵔⵏ ⵢⴰⴹⵏⵉⵏ.

ⴰⵎⵎⴰ ⴰⵎⵎⴰⵙ ⵏ ⴰⵎⵓⵏ ⵉⴹⴼⴰⵕⵏ ⴰⴼⴼⵓⵖ ⵙⴳ ⴰⵖⵣⵓ (3,5 ⴰⵎⵍⵢⵓⵏ ⵏ ⴷⴷⵔⵀⵎ‌), ⵉⵔⴰ ⴰⴷ ⵉⵎⵓⵏ ⴷ ⵉⵏⴰⵎⵓⵥⵏ ⴰⵎⵎⴰⵙ ⵏ ⵜⵓⴳⴳⴰⵣ ⵏⵏⵙⵏ ⴰⴼⴰⴷ ⴷⴰⵖ ⴰⴹⵓⵏ ⵙ ⵜⵡⴰⵛⵓⵏⵜ ⵏⵏⵙⵏ ⴷ ⵜⵓⴷⵔⵜ ⵜⴰⵏⴰⵎⵓⵏⵜ ⴷ ⵜⴰⵣⵣⵓⵍⴰⵏⵜ ⵏⵏⵙⵏ.

Dernière modification : 22 ⵎⴰⵢⵢⵓ 2014

Source URL: https://www.mapnews.ma/am/activites-royales/%E2%B4%B1%E2%B5%8F%E2%B5%89%E2%B5%8E%E2%B5%8D%E2%B5%8D%E2%B4%B0%E2%B5%8D-%E2%B4%B0%E2%B5%8F%E2%B4%BC%E2%B4%B0-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B4%B0%E2%B5%99%E2%B5%93%E2%B5%8D%E2%B4%B0%E2%B5%8F%E2%B5%99-%E2%B5%99-%E2%B5%93%E2%B5%99%E2%B5%89%E2%B4%B7%E2%B4%BC-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%8F-%E2%B4%B0%E2%B5%A3%E2%B5%A3%E2%B5%93%E2%B5%8D%E2%B4%B0%E2%B5%8F-%E2%B5%8F-%E2%B5%89%E2%B4%BC%E2%B4%B3%E2%B4%B0%E2%B5%8F%E2%B5%8F-%E2%B5%89%E2%B5%8F%E2%B4%B0%E2%B5%8E%E2%B5%93%E2%B5%A5%E2%B5%8F#comment-0