Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴷⴰⵜ ⵏ ⴰⵙⵎⵓⵏ ⴰⵏⴰⵎⵓⵔ ⵉⵙⴳⵔⵏ ⴰⵜⵓⵏⵙⵉ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⴷⴰⵜ ⵏ ⴰⵙⵎⵓⵏ ⴰⵏⴰⵎⵓⵔ ⵉⵙⴳⵔⵏ ⴰⵜⵓⵏⵙⵉ

31 ⵎⴰⵢⵢⵓ 2014 Version Imprimable
ⵜⵓⵏⵙ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵙⵙ ⵏ ⴰⵙⵉⴹⵢⴰⵙ ⴳ ⵜⵓⵏⵙ ⵜⴰⵎⴰⵥⵓⵏⵜ, ⵢⴰⵏ ⵉⵏⴰⵡ ⴷⴰⵜ ⵏ ⴰⵙⵎⵓⵏ ⴰⵏⴰⵎⵓⵔ ⵉⵙⴳⵔⵏ ⴰⵜⵓⵏⵙⵉ.

ⴰⵎⵎⴰⵙ ⵏ ⵉⵏⴰⵡ ⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵏⵏⴰⵍ ⵏ ⵜⴳⵍⴷⵉⵜ ⵉ ⵜⵓⴳⴳⴰⵣ ⵏ ⴰⵙⴷⵓⵙ ⵏ ⵜⵉⵙⵉⵍⴰ ⵏ ⵓⵡⴰⵏⴽ ⵏ ⵜⵓⵏⵙ, ⵉⵔⵏⵓ ⵢⵏⵏⴰ ⵉⵙ ⴳⴰⵏ ⵉⵙⴳⴳⴷⵏ ⴷ ⴰⴳⵉ ⵏ ⴽⵔⴰ ⵢⴳⴰⵜ ⴰⴼⵔⴷⵉⵙ ⵏ ⴰⵎⵓⵏ ⴰⵜⵓⵏⵙⵉ ⵉ ⵜⵉⴽⵕⴹⵉ ⴷ ⴰⴱⵔⵙⵉⵡⴷ ⴰⴷ ⵉⴳⴰⵏ ⵜⴰⵏⴼⵔⵓⵜ ⵏ ⴰⵔⴳⴳⵉⴳ ⴰⵙⵔⵜⴰⵏ ⴷ ⵏ ⵜⴰⵎⵔⵏⵉⵡⵜ ⵏ ⵜⵉⵎⵙⵓⵜⴰⵍ ⵏⵏⵙⵏ ⴰⴷⵎⵙⴰⵏ ⴷ ⴰⵏⴰⵎⵓⵏ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⵎⵎⵔ ⵍⵍⵉⵖ ⵉⵙⴰⵡⵍ ⴷⴰⵜ ⵏ ⴰⵙⵎⵓⵏ ⴰⵏⴰⵎⵓⵔ ⵉⵙⴳⵔⵏ ⴰⵜⵓⵏⵙⵉ ⵍⵍⵉ ⵉⵙⵎⴷⵢⴰⵏ « ⵜⵓⵏⵙ ⵜⴰⵎⴰⵢⵏⵓⵜ », ⵉⵣⵣⵓⵍ ⴼ ⵖⵉⴽⴰⵏⵏ ⵜⵓⴳⴳⴰⵣ ⵏ ⵓⵏⵙⵙⵉⵅⴼ ⴰⵜⵓⵏⵙⵉ ⴷ ⵉⴳⵎⴰⵎⵏ ⵏ ⴰⵙⵎⵓⵏ ⴰⵏⴰⵎⵓⵔ ⵉⵙⴳⵔⵏ ⴰⵜⵓⵏⵙⵉ ⵍⵍⵉ ⵢⵙⵙⵉⵣⵡⴰⵔⵏ ⴰⴱⵖⵓⵔ ⵏ ⵜⴰⵎⵜⵜⵉ ⵜⴰⵜⵓⵏⵙⵉⵜ.

ⴷⴼⴼⵉⵔ ⵍⵍⵉⵖ ⵉⵎⵍⴰ ⴰⵙⵓⵜⴳ ⵏⵏⵙ ⵉ ⵜⵉⵍⴰⵍⵜ ⵉⵎⵙⴷⴷⵓⵔⵏ ⵍⵍⵉ ⵢⵙⴽⵔ ⵓⵏⵙⵙⵉⵅⴼ ⵎⵓⵏⵚⵉⴼ ⵎⵕⵥⵓⵇⵉ, ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⵀⴷⵉ ⵊⵓⵎⵄⴰ, ⵉⵣⵣⵓⵍ ⴱⴰⴱ ⵏ ⵡⴰⴷⴷⵓⵔ ⴰⵍⵜⴰⵖ ⵏ ⴽⵓⵍⵍⵓ ⵉⴷⵡⴰⵙⵏ ⵉⵎⵙⴷⴷⵓⵔⵏ ⵉⵜⵓⵏⵓⵙⵉⵢⵏ ⴰⵎⵎⴰⵙ ⵏ ⴰⵎⵙⴰⵡⴰⵍ ⴰⵏⴰⵎⵓⵔ ⵍⵍⵉ ⵢⵙⴼⵍⵙⵏ ⵜⵉⵣⵉⴳⵣⵜ ⵜⴰⴷⵉⵎⵓⵇⵕⴰⵟⵉⵜ.

ⴳ ⵓⵙⴰⵜⵉ ⵏ ⴰⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵜⵓⵏⵙ, ⵉⵅⵚⵚⴰ ⴰⴷ ⵢⵉⵍⵉ ⵡⵏⵎⵓⵔⵉ ⴳ ⵜⵓⵥⵥⵓⵎⵜ ⵏ ⵉⵙⵡⴰⵍⴰⵏ, ⵓⵍⴰ ⵜⵉⵎⵙⴰⵔⵉⵏ ⵏ ⵜⵉⴳⵎⵉ ⵜⴰⵏⴼⴳⴰⵏⵜ, ⵙⵍⴰⵡⴰⵏ ⴰⴽⴽⵯ ⵅⵜⵉⵏ ⵏ ⴰⵙⵍⵎⴷ ⴷ ⵏ ⴰⵙⵎⵓⵜⵜⴳ ⴷ ⵏ ⴰⵙⵡⵓⵔⵉ ⴷ ⵏ ⵜⴰⴷⵓⵙⵉ ⴷ ⵏ ⵜⵎⵖⴰⵕⵜ ⴷ ⵏ ⵜⵉⵄⵄⵓⵔⵎⴰ.

ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵖⴰⵔⴰ ⵏ ⵜⵉⵙⵇⵇⵏⵏ ⵜⵉⵎⵣⵔⴰⵢⵏ ⵍⵍⵉ ⵢⵙⵎⴰⵏⵏ ⵜⴰⵡⴰⵛⵓⵏⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⴷ « ⵜⵓⵏⵙ ⵍⵅⴹⵕⴰ », ⵖⵉⴽ ⵍⵍⵉ ⵜⵏ ⵉⵎⵍⴰ ⵉⵔⵣⴰⴼⵏ ⵍⵍⵉ ⵢⴰⴷⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⴱⴰⴱ ⵏ ⵡⴰⴷⴷⵓⵔ ⵃⴰⵙⴰⵏ ⵡⵉⵙⵙ ⵙⵉⵏ ⴰⵜⵏ ⵉⵕⵃⵎ ⵕⴱⴱⵉ, ⴷ ⵉⵔⵣⴰⴼⵏ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵜⵓⵏⵙ, ⵎⴰⵢⴰⴷ ⵉⴳⴰⵏ ⵜⴰⵎⴰⵣⵉⵔⵜ ⵍⵍⵉ ⵢⵣⵔⴼ ⴱⴰⵀⵔⴰ ⴰⵎⵎⴰⵙ ⵏ ⵍⵎⵖⵔⵉⴱ ⴰⵎⵇⵕⴰⵏ.

Dernière modification : 31 ⵎⴰⵢⵢⵓ 2014
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B4%B7%E2%B4%B0%E2%B5%9C-%E2%B5%8F-%E2%B4%B0%E2%B5%99%E2%B5%8E%E2%B5%93%E2%B5%8F-%E2%B4%B0%E2%B5%8F%E2%B4%B0%E2%B5%8E%E2%B5%93%E2%B5%94-%E2%B5%89%E2%B5%99%E2%B4%B3%E2%B5%94%E2%B5%8F-%E2%B4%B0%E2%B5%9C%E2%B5%93%E2%B5%8F%E2%B5%99%E2%B5%89#comment-0