Published on MAPNews (https://www.mapnews.ma/am)

Accueil > ⵜⵕⵥⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴰⵎⵎⴰⵙ ⴰⵏⵎⵏⴰⴹ ⵏ ⵜⵏⴽⵓⵍⵓⵊⵉⵜ ⵏ ⵎⴽⵏⴰⵙ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵕⵥⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴰⵎⵎⴰⵙ ⴰⵏⵎⵏⴰⴹ ⵏ ⵜⵏⴽⵓⵍⵓⵊⵉⵜ ⵏ ⵎⴽⵏⴰⵙ

03 ⵢⵓⵏⵢⵓ 2014 Version Imprimable
ⵎⴽⵏⴰⵙ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ, ⴳ ⵜⵣⴷⵡⵉⵜ ⵏ ⴰⵙⵙ ⵏ ⵓⵙⵉⵏⴰⵙ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⴰⵎⵎⴰⵙ ⴰⵏⵎⵏⴰⴹ ⵏ ⵜⵏⴽⵓⵍⵓⵊⵉⵜ ⵏ ⵎⴽⵏⴰⵙ, ⵍⵍⵉ ⵢⵜⵜⵓⵙⴽⴰⵔⵏ ⵙ ⵢⴰⵏ ⴰⵙⵙⴰⵔⵓ ⵏ 56 ⴰⵎⵍⵢⵓⵏ ⵏ ⴷⴷⵔⵀⵎ.

ⵉⴽⵛⵎ ⵓⵙⵓⴼⵖ ⵏ ⵓⵎⵎⴰⵙ ⴰⴷ, ⵍⵍⵉ ⵢⵜⵜⵓⵙⴽⴰⵔⵏ ⴳ ⵓⵙⴳⵏⴰⴼ ⵏ ⵎⵓⵍⴰⵢ ⵙⵎⴰⵄⵉⵍ, ⴳ ⵓⵙⴰⵜⵉ ⵏ ⴰⵙⵖⵉⵡⵙ ⴰⵏⴰⵎⵓⵔ ⵏ ⴰⵔⴰⵢ ⴷ ⵏ ⵜⵉⴹⴰⴼ ⵏ ⴰⵇⵕⵥⵎⵉⵡ.

ⴷⴼⴼⵉⵔ ⵍⵍⵉⵖ ⵜⴹⴼⴰⵕ ⵉⵙⵙⴼⵔⵓⵏ ⵅⴼ ⵜⵉⵏⴰⴼⵓⵜⵉⵏ ⵍⵍⵉ ⵢⴼⴽⴽⴰ ⵓⵎⵎⴰⵙ ⴰⴷ, ⵜⴱⴱⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⵉⴼⵉⵍⵉ ⵉⵏⵉⴳⵍ ⴷ ⵜⵔⵣⴰⴼ ⴰⵎⵎⴰⵙ ⴰⴷ ⵍⵍⵉ ⵢⵓⵎⵥⵏ ⵢⴰⵏ ⴰⵙⴰⵢⵔⴰⵔ ⵏ 5.400 ⴰⵎⵉⵜⵔⵓ ⴰⵎⴽⴽⵓⵥ.

ⵉⴳⴰ ⴰⵎⵎⴰⵙ ⴰⴷ ⴰⴳⵓⵎⵎⵓ ⵏ ⵢⴰⵜ ⵜⴰⵎⴷⵔⴰⵡⵜ ⴳⵔ ⵜⵉⵎⵔⵙⵍⵜ ⵏ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ, ⴷ ⵜⵎⴰⵡⵙⴰⵙⵜ ⵏ ⵜⴰⴷⵓⵙⵉ, ⴷ ⵏ ⵍⵡⵉⵍⴰⵢⴰ ⵏ ⵜⵙⴳⴰ ⵏ ⵎⴽⵏⴰⵙ ⵜⴰⴼⵉⵍⴰⵍⵜ ⴷ ⵉⵙⵇⵇⵉⵎⵏ ⵉⵜⵜⵓⵙⵜⴰⵢⵏ. ⵍⵍⴰⵏ ⴳ ⵓⵎⵎⴰⵙ ⴰⴷ, ⴱⵍⴰ ⵏ ⵜⵎⵙⵙⵓⴳⵓⵔⵜ ⴷ ⵜⵉⵏⴰⴼⵓⵜⵉⵏ ⵉⵎⴰⵜⴰⵢⵏ, ⵢⴰⵏ ⴰⴳⵣⵣⵓⵎ ⵏ ⴰⵎⵛⴰⵡⴰⵕ, ⴷ ⵢⴰⵏ ⴰⴳⵣⵣⵓⵎ ⴰⵙⵎⴽⵍ ⵙ ⴰⵙⵎⴽⵍ ⵙ ⵓⵥⵏⵥⵕ, ⵢⴰⵏ ⴰⴳⵣⵣⵓⵎ ⵏ ⴰⵙⵎⴽⵍ ⴰⴽⵉⵎⵉ, ⴷ ⵢⴰⵏ ⴰⴳⵣⵣⵓⵎ ⵏ ⵜⴰⵙⴰⵙⴼⵔⵜ, ⴷ ⵢⴰⵜ ⵜⴰⵏⴰⴼⵓⵜ ⵏ ⴰⵙⵙⴳⵏⴼ ⵙ ⴰⵙⵎⴽⵍ ⴰⴽⵉⵎⵉ, ⴷ ⵢⴰⵜ ⵜⴰⵏⴰⴼⵓⵜ ⵏ ⴰⵙⵙⴳⵏⴼ ⵙ ⴰⵙⵎⴽⵍ ⵙ ⵓⵥⵏⵥⵕ.

ⵉⵥⴹⴰⵕ ⵓⵎⵎⴰⵙ ⴰⴷ ⴰⴷ ⵉⵙⵏⵓⴱⴳ ⵓⴳⴳⵯⴰⵔ ⵏ 2.000 ⴰⵎⵜⵜⵡⴰⵖ ⴳ ⵓⵙⴳⴳⵯⴰⵙ, ⴷ ⵡⵓⵔⵉⵏ ⴳⵉⵜ 29 ⴰⵙⴰⵜⵉ ⴳ ⵎⵏⵏⴰⵡ ⵏ ⵜⵉⵥⵍⴰⵢⵏ.

ⵍⵍⵉⵖ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴰⵎⵎⴰⵙ ⴰⴷ, ⵉⵣⵣⵓⵍ ⵜ ⵓⵎⴰⵡⵙⴰⵙ ⵏ ⵜⴰⴷⵓⵙⵉ, ⵍⵃⵓⵙⵉⵏ ⵍⵡⵕⴷⵉ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵎⴽⵏⴰⵙ ⵜⴰⴼⵉⵍⴰⵍⵜ, ⵃⵎⴷ ⵎⵓⵙⴰⵡⵉ, ⴷ ⵉⴳⵎⴰⵎⵏ ⵏ ⴰⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ ⵍⴰⵍⵍⴰ ⵙⵍⵎⴰ ⵏ ⵓⵔⴰⵢ ⴷ ⵓⵙⵎⴽⵍ ⵏ ⵍⴽⵓⵏⵚⵉⵕ.

Fichier attaché :
Icône paquet sar_la_princesse_lalla_salma_-_centre__oncologie_regional_g1.zip
Dernière modification : 03 ⵢⵓⵏⵢⵓ 2014
Source URL: https://www.mapnews.ma/am/activites-princieres/%E2%B5%9C%E2%B5%95%E2%B5%A5%E2%B5%8E-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B5%8F-%E2%B5%9C%E2%B5%8F%E2%B4%BD%E2%B5%93%E2%B5%8D%E2%B5%93%E2%B5%8A%E2%B5%89%E2%B5%9C-%E2%B5%8F#comment-0