Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵎⵀⵍⵜ ⵏ « ⵕⵎⴹⴰⵏ 1435 » ⴷ ⵉⵙⵔⵙ ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⴰⵎⵎⴰⵙ ⵏ ⴰⵙⵎⵓⵜⵜⴳ ⴷ ⵏ ⴰⵙⴽⵛⵎ ⵏ ⵉⵄⵔⵔⵉⵎⵏ ⴳ ⵙⵍⴰ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵎⵀⵍⵜ ⵏ « ⵕⵎⴹⴰⵏ 1435 » ⴷ ⵉⵙⵔⵙ ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⴰⵎⵎⴰⵙ ⵏ ⴰⵙⵎⵓⵜⵜⴳ ⴷ ⵏ ⴰⵙⴽⵛⵎ ⵏ ⵉⵄⵔⵔⵉⵎⵏ ⴳ ⵙⵍⴰ

30 ⵢⵓⵏⵢⵓ 2014 Version Imprimable
ⵙⵍⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⵓⴷⴷⵓⵔⵜ ⵏ ⵇⵕⵢⵜ ⵡⵍⴰⴷ ⵎⵓⵙⴰ ⴳ ⵙⵍⴰ, ⵉ ⵜⴰⵎⵀⵍⵜ ⵜⴰⵎⵙⴰⴷⵓⵔⵜ ⵏ « ⵕⵎⴹⴰⵏ 1435 », ⵎⴰⵢⴰⴷ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴳ ⵓⵣⵎⵣⵣⵓ ⵏ ⴰⵢⵢⵓⵔ ⵏ ⵕⵎⴹⴰⵏ.

ⵜⵉⴳⴰⵡⵜ ⴰⴷ ⵍⵍⵉ ⵢⵜⵜⵓⵙⴽⴰⵔⵏ ⵙ ⵓⵏⵏⴰⵍ ⵏ ⵜⵎⴰⵡⵙⴰⵙⵜ ⵏ ⵓⴳⵏⵙⵓ ⴷ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵏ ⵜⵉⵎⵙⴰⵔⵉⵏ ⵜⵉⵙⵍⴰⵎⵉⵏ, ⵜⵙⵎⴰⵏ ⵜⵏⵜⵜⴰⵍⵜ ⵏ ⵜⵎⵙⴰⵙⵜⵍⵜ ⵏ 60 ⴰⵎⵍⵢⵓⵏ ⵏ ⴷⴷⵔⵀⵎ.

ⵔⴰⴷ ⵜⵙⴱⵖⵔ ⵉ ⵍⴰⵃⵡⴰⵍ ⵏ 2,37 ⴰⵎⵍⵢⵓⵏ ⵓⴼⴳⴰⵏ ⵓⵎⴰⵏⵏ ⴳ 473.900 ⵜⵉⵡⴰⵛⵓⵏⵏ, 403.000 ⴳ ⵉⵜⵙⵏ ⵣⴷⵖⵏ ⴳ ⴰⵎⵏⴰⴹ ⴰⴼⴰⵔⴰⵏ, ⴰⵎⵎⴰⵙ ⴽⵔⴰ ⵢⴳⴰⵜ ⵜⵙⴳⴰⵜⵉⵏ ⵏ ⵜⴳⵍⴷⵉⵜ.

ⴰⴼⴰⴷ ⴰⴷ ⵜⵣⵔⵉ ⵜⵎⵀⵍⵜ ⴰⴷ ⴳ ⵜⵉⵎⵙⵓⵜⴰⵍ ⵉⵅⴰⵜⴰⵔⵏ, ⵎⵏⵏⴰⵡ ⵏ ⴰⴼⴹⴰⵏ ⵏ ⵉⴼⴳⴰⵏⵏ ⴷⵔⴰⵏ ⴳ ⵉⵜ, ⵏⵏⴰⵍⵏ ⵜⵏ ⵉⵎⴰⵡⴰⵙⵏ ⵉⵏⴰⵎⵓⵏⵏ ⴷ ⵉⵎⵓⵜⴰⵟⵡⵡⵉⵄⵉⵏ ⴷ ⵉⵏⵍⵎⴰⴷⵏ ⵏ ⵜⵉⵙⴷⴰⵡⵉⵏ.

ⴳ ⵓⵣⵎⵣⵣⵓ ⵢⴰⴷ ⵏⵉⵜ, ⵉⵙⵔⵙ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵙⵍⴰ ⴰⵥⵕⵓ ⴰⵎⵣⵡⴰⵔⵓ ⵏ ⵢⴰⵏ ⴰⵎⵎⴰⵙ ⵏ ⴰⵙⵎⵓⵜⵜⴳ ⴷ ⵏ ⴰⵙⴽⵛⵎ ⵏ ⵉⵄⵔⵔⵉⵎⵏ, ⵍⵍⵉ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ 6 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⵢⵓⵎⵥ ⵓⵎⵎⴰⵙ ⴰⴷ, ⵍⵍⵉ ⵢⵔⴰⵏ ⴰⴷ ⵉⵙⴷⵓⵙ ⵜⵉⵙⵓⴳⵔⵉⵏ ⵏ ⵉⵄⵔⵔⵉⵎⵏ, ⵢⴰⵏ ⴰⵙⴰⵢⵔⴰⵔ ⵏ1.075 ⴰⵎⵉⵜⵔⵓ ⴰⵎⴽⴽⵓⵥ. ⵔⴰⴷ ⵉⵟⵟⴼ ⵢⴰⵜ ⵜⵉⵔⵉⵡⵜ ⵏ ⵜⵉⵎⵙⵙⵉⵔⴷⵉⵏ ⴷ ⵢⴰⵜ ⵜⵙⴷⵍⵉⵙⵜ, ⴷ ⵔⴰⴷ ⵜ ⵉⵙⵡⵓⴷⴷⵓ ⵢⴰⵏ ⵓⵥⵟⵟⴰ ⴰⵙⵡⵓⴷⴷⵓ.
 

Dernière modification : 30 ⵢⵓⵏⵢⵓ 2014
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B5%8E%E2%B5%80%E2%B5%8D%E2%B5%9C-%E2%B5%8F-%C2%AB-%E2%B5%95%E2%B5%8E%E2%B4%B9%E2%B4%B0%E2%B5%8F-1435-%C2%BB-%E2%B4%B7-%E2%B5%89%E2%B5%99%E2%B5%94%E2%B5%99-%E2%B4%B0%E2%B5%A5%E2%B5%95%E2%B5%93-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%A2%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F#comment-0