Published on MAPNews (https://www.mapnews.ma/am)

Accueil > ⵉⵎⵙⵏⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵜⵉⵍⵉⴼⵓⵏ ⴷ ⵓⵏⵙⵙⵉⵅⴼ ⴰⴼⵉⵍⵉⵚⵟⵉⵏⵉ ⵅⴼ ⴰⵙⵓⵔⵙ ⵉⵛⵇⵇⴰⵏ ⴳ ⵖⵣⵣⴰ
  1. Accueil
  2. Activités royales

ⵉⵎⵙⵏⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵜⵉⵍⵉⴼⵓⵏ ⴷ ⵓⵏⵙⵙⵉⵅⴼ ⴰⴼⵉⵍⵉⵚⵟⵉⵏⵉ ⵅⴼ ⴰⵙⵓⵔⵙ ⵉⵛⵇⵇⴰⵏ ⴳ ⵖⵣⵣⴰ

21 ⵢⵓⵍⵢⵓⵣ 2014 Version Imprimable
ⵕⵕⴱⴰⵟ - ⵉⵎⵙⵏⴰⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⴰⵙⵙ ⵏ ⵓⵙⴰⵎⴰⵙ ⴳ ⵜⵜⵉⵍⵉⴼⵓⵏ, ⴷ ⵓⵏⵙⵙⵉⵅⴼ ⴰⴼⵉⵍⵉⵚⵟⵉⵏⵉ ⵎⵃⵎⵓⴷ ⵄⴱⴱⴰⵙ ⴰⴱⵓⵎⴰⵣⵉⵏ, ⵅⴼ ⴰⵙⵓⵔⵙ ⵉⵛⵇⵇⴰⵏ ⴳ ⵖⵣⵣⴰ, ⵍⵍⵉ ⵢⴹⴼⴰⵕⵏ ⵜⴰⴷⵓⵜ ⵜⵉⵚⵕⴰⵢⵍⵉⵜ ⵜⴰⵔⵎⵢⴰⵔⵜ ⵉ ⵡⴳⴷⵓⴷ ⴰⴼⵉⵍⵉⵚⵟⵉⵏⵉ ⵓⵔ ⵉⵟⵟⵉⴼⵏ ⴽⵔⴰ ⵢⴳⴰⵜ ⵓⵍⴰⴼⵉ, ⵎⴰⵢⴰⴷ ⵉⵏⵏⴰ, ⴰⵙⵙ ⵏ ⵉⵢⵏⴰⵙ, ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵉⵎⵙⴰⵔⵉⵏ ⴷ ⵏ ⵓⵎⵢⴰⵡⴰⵙ.

ⵉⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴼⵛⴰⴷⵏ ⵉⵖⴱⵉⵏ ⵏⵏⵙ ⵉ ⵜⵉⵡⴰⵛⵓⵏⵉⵏ ⵏ ⵉⵎⵙⴳⴳⴰⵢⵜⵓⵏ ⴰⴼⵉⵍⵉⵚⵟⵉⵏⵉⵏ, ⵢⴰⴳⵉ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, ⵜⵉⴷⵓⵜⵉⵏ ⵜⵉⵚⵕⴰⵢⵍⵉⵏ ⵉ ⵡⴳⴷⵓⴷ ⴰⴼⵉⵍⵉⵚⵟⵉⵏⵉ ⴷ ⴰⴽⴰⵍ ⵏⵏⵙ ⴷ ⴽⵓⵍⵍⵓ ⵎⴰⴷ ⵉⵟⵟⴰⴼ. ⵉⵍⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⵏⵏⴰⵍ ⵏ ⵍⵎⵖⵔⵉⴱ, ⴰⴳⵍⵍⵉⴷ ⴷ ⵜⵏⴱⴰⴹⵜ ⴷ ⵓⴳⴷⵓⴷ, ⵉ ⵢⴼⵉⵍⵉⵚⵟⵉⵏⵉⵏ, ⵎⴰⵢⴰⴷ ⵉⵏⵏⴰ ⵡⵙⴰⴳⵎ ⴰⴷ.

ⵉⵎⵍⴰ ⵡⵏⵙⵙⵉⵅⴼ ⴰⴼⵉⵍⵉⵚⵟⵉⵏⵉ ⴰⴼⵉⵍⵉⵚⵟⵉⵏⵉ ⵉⵙⵏⵉⵎⵎⵔⵏ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⴳⴷⵓⴷ ⴰⵎⵖⵔⵉⴱⵉ ⵅⴼ ⴰⵏⵏⴰⵍ ⵍⵍⵉ ⴼⴽⴰⵏ ⵉ ⵡⴳⴷⵓⴷ ⴰⴼⵉⵍⵉⵚⵟⵉⵏⵉ, ⴷ ⵉⵎⵍⴰ ⵉ ⴱⴰⴱ ⵏ ⵡⴰⴷⴷⵓⵔ ⵜⵓⴳⴳⴰⵣ ⵉⵜⵜⵓⵙⴽⴰⵔⵏ ⴰⴼⴰⴷ ⴰⴷ ⵜⴱⵉⴷⴷ ⵜⴰⴷⵓⵜ ⵜⵉⵚⵕⴰⵢⵍⵉⵜ ⴳ ⵖⵣⵣⴰ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⵏⵙⵙⵉⵅⴼ ⴰⴼⵉⵍⵉⵚⵟⵉⵏⵉ ⵉⵙ ⵉⴼⴽⴰ ⵉⵏⴹⵏ ⵏⵏⵙ ⴰⴼⴰⴷ ⴰⴷ ⵜⵜⵓⴼⴽⴰⵏ ⵜⵉⵡⵉⵙⵉⵏ ⵉⴹⴼⴰⵕⵏ ⵡⵉⵏⵏ ⵏ 11 ⵢⵓⵍⵢⵓⵣ ⴰⴷ.

ⵉⵙⴷⴷⵉⴷ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵜⴰⵎⵙⴷⴷⵓⵔⵜ ⴰⴷ ⵃⵟⵟⵓⵏ ⵜⵓⴷⵔⵜⵉⵏ ⵏ ⵉⴼⵉⵍⵉⵚⵟⵉⵏⵉⵏ, ⴷ ⴰⴷ ⵉⵏⵏⵔⵓ ⴰⴱⵖⵓⵔ ⴰⵏⴰⵎⵓⵔ ⴰⴼⵉⵍⵉⵚⵟⵉⵏⵉ .

ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵎⵓⵏⵏ ⵉⴷⵔⴰⵙⵏ ⵉⵖⵕⴰⴱⵏ ⴰⴼⴰⴷ ⴰⴷ ⵏⵏⴰⵍⵏ ⴰⴳⴷⵓⴷ ⴰⴼⵉⵍⵉⵚⵟⵉⵏⵉ ⴳ ⴰⵙⵡⵉⵔ ⵉⴳⵔⴰⵖⵍⴰⵏ, ⴰⴼⴰⴷ ⴰⴷ ⴷⴰⵖ ⵓⵔ ⵍⵍⴰⵙⵏ ⵉⵙⵓⴳⵉⵏ ⵢⵓⵜⵏ ⵉⴼⵉⵍⵉⵚⵟⵉⵏⵉⵏ.

Dernière modification : 21 ⵢⵓⵍⵢⵓⵣ 2014
Source URL: https://www.mapnews.ma/am/activites-royales/%E2%B5%89%E2%B5%8E%E2%B5%99%E2%B5%8F%E2%B4%B0%E2%B5%8D%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B3-%E2%B5%9C%E2%B5%9C%E2%B5%89%E2%B5%8D%E2%B5%89%E2%B4%BC%E2%B5%93%E2%B5%8F-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B0%E2%B4%BC%E2%B5%89%E2%B5%8D%E2%B5%89%E2%B5%9A%E2%B5%9F%E2%B5%89%E2%B5%8F%E2%B5%89-%E2%B5%85%E2%B4%BC#comment-0