ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵉⵏⴰⵡ ⵉ ⵜⵎⵜⵜⵉ ⵙ ⵓⵣⵎⵓⵣⵣⵓ ⵏ ⵓⵙⴽⵜⵉ ⵡⵉⵙⵙ 61 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ

20 ⵖⵓⵛⵜ 2014 Version Imprimable

ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵉⵏⴰⵡ ⵉ ⵜⵎⵜⵜⵉ ⴰⵙⵙ ⵏ ⵓⴽⵕⴰⵙ ⵙ ⵓⵣⵎⵓⵣⵣⵓ ⵏ ⵓⵙⴽⵜⵉ ⵡⵉⵙⵙ 61 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵉ ⵜⵉⵎⵜⵜⵉ ⵎⴰⵙ ⵜⴳⴰ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ ⵢⴰⵏ ⵓⵣⵎⵣⵣⵓ ⴰⵅⴰⵜⴰⵔ ⴳ ⵓⵎⵣⵔⵓⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵉⵔⵏⵓ ⵉⵏⵏⴰ ⵎⴰⵙ ⴷ ⵉⵇⵇⴰⵏ ⵅⴼ ⵉⵎⵖⵔⵉⴱⵢⵏ ⵉⴼⵔⵉⴷⵏ ⴷ ⵜⵔⴰⴱⴱⵓⵜⵉⵏ ⴰⴷ ⴽⵎⵍⵏ ⴰⵙⵉⴷⴼ ⵏⵏⵙⵏ ⴳ ⵓⵎⵣⴰⵖ ⵅⴼ ⵜⴰⵎⵓⵏⵜ ⵏ ⵜⵎⵓⵔⵜ ⵏⵏⵙⵏ ⴷ ⵜⵏⴽⵔⴰ ⵙ ⵜⴳⵎⵉ ⵏⵏⵙ.

ⵉⵙⴷⴷⵉⴷ ⵓⴳⵍⵍⵉⴷ ⵎⴰⵙ ⵢⵓⵎⵣ ⵍⵎⵖⵔⵉⴱ ⴰⴱⵔⵉⴷ ⵉⵖⵓⴷⴰⵏ ⴳ ⵛⵉⴳⴰⵏ ⵏ ⵉⴳⵔⴰⵏ ⵅⵓⵏⴷ ⴰⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ ⴷ ⵓⵖⴰⵡⴰⵙ ⴰⵍⵢⵓⵜⵉⵙ ⴷ ⵜⵉⴳⵍⵉ ⵜⴰⵏⴼⴳⴰⵏⵜ ⴷ ⴰⵖⴰⵡⴰⵙ ⵏ ⵉⵎⵉⵔⵊⴻⵏⵙ ⵏ ⵜⵎⴳⵓⵔⵉ ⴷ ⵜⴰⵥⴹⴰⵕⵜ ⵜⴰⵎⴰⵢⵏⵓⵜ.

ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⵍⵍⴰ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉⵎⵢⴰⵙⵙⵏ ⴷⵓⵙⵏⵉⵏ ⵖⵎⴽⵍⵍⵉ ⴷⴰⵔⵙ ⵜⵉⵎⵖⵓⵏⵉⵏ ⵏ ⵜⵎⴷⵔⴰⵡⵜ ⴷ ⵎⵏⵏⴰⵡ ⵏ ⵜⵎⵉⵣⴰⵔ ⴷ ⵓⵎⵣⵡⴰⵔⵓ ⵎⴰⵔⵉⴽⴰⵏ ⴷ ⵜⴰⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵉⵔⴰ ⵍⵎⵖⵔⵉⴱ ⴰⴷⴰⵙ ⵉⵙⴷⵓⴷ ⴷ ⵔⵓⵙⵢⴰ ⴷ ⵛⵛⵉⵏⵡⴰ ⴳ ⵎⴰⴷ ⵢⵓⵛⴽⴰⵏ.

ⵉⵙⴷⴷⵉⴷ ⵎⴰⵙ ⴷⴰⵔ ⵍⵎⵖⵔⵉⴱ ⵜⵉⵙⵓⴳⵔⵉⵏ ⵍⵍⵉ ⵔⴰⴷ ⵜ ⵢⴰⵊⵊ ⴰⴷ ⵉⴽⵎⵍ ⴰⴱⵔⵉⴷ ⵏ ⵜⴳⵎⵉ ⵖ ⵉ ⵉⴳⴰ ⵙⵍⴰⵡⴰⵏ ⴰⴽⴽⵯ ⵜⵉⵄⵄⵓⵔⵎⴰ ⵏⵏⵙ ⵍⵍⵉ ⴷⴰⵔ ⴰⴼⵔⴰⴽ ⴷ ⵜⴰⵎⵙⵜⴳⴳⴰⵔⵜ.

ⵉⵜⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 20 ⵖⵓⵛⵜ 2014

Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%89%E2%B5%8F%E2%B4%B0%E2%B5%A1-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B5%89-%E2%B5%99-%E2%B5%93%E2%B5%A3%E2%B5%8E%E2%B5%93%E2%B5%A3%E2%B5%A3%E2%B5%93-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-61-%E2%B5%8F-%E2%B5%9C%E2%B4%B3%E2%B5%94%E2%B4%B0%E2%B5%A1%E2%B5%8D%E2%B4%B0-%E2%B5%8F#comment-0