ⵍⴰⵎⵉⵔ ⵏ ⵉⵎⵓⵎⵏⵏ ⵉⵏⵙⵙⵉⵅⴼ ⴳ ⵕⵕⴱⴰⴹ ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 16 ⵉ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵍⵎⵖⴼⵓⵕ ⵍⵃⴰⵙⴰⵏ ⵡⵉⵙⵙ ⵙⵙⵉⵏ

30 ⵉⵏⵏⴰⵢⵔ 2015 Version Imprimable

ⵕⵕⴱⴰⴹ - ⵉⵏⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵙ ⵜⴰⵎⵓⵏⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⵜⴰⴷⴳⴳⵯⴰⵜ ⵏ ⵡⴰⵙⵙⴰ ⵏ ⵓⵙⵉⵎⵡⴰⵙ ⴳ ⵉⵙⵎⴹⴰⵍ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⴹ, ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 16 ⵉ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵍⵎⵖⴼⵓⵕ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⴷⵜ ⵉⵕⵃⵎ ⵕⴱⴱⵉ.

ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⴰⴷ ⵜⵥⵍⵉ ⵙ ⵜⵖⵔⵉ ⵏ ⵍⴰⵢⴰⵜ ⵏ ⵍⵇⵔⴰⵏ ⴷ ⵉⵣⵍⴰⵏ ⵏ ⵍⴰⵎⴷⴰⵃ ⵏⴰⴱⴰⵡⵉⵢⴰ.

ⵙ ⵓⵣⵎⵣⵣⵓ ⴰⴷ, ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⴷ ⵉⴽⴽⵉⵏ ⵉⵙⵎⴹⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⵍⵎⵖⴼⵓⵕ ⵍⵃⴰⵙⴰⵏ ⵡⵉⵙⵙ ⵙⵙⵉⵏ, ⴷ ⴱⴰⴱ ⵏ ⵡⴰⴷⴷⵓⵔ ⵍⵎⵖⴼⵓⵕ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵍⵍⵉⴳ ⵉⵕⵃⵎ ⵉⵎⴰⵏ ⵏⵏⵙⵏ ⵉⵚⴼⴰⵏ. ⴷ ⵉⵕⵃⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖⵉⴼ ⵉⵎⴰⵏ ⵏ ⵍⵎⵖⴼⵓⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵖⴱⴷⵍⵍⴰ.

ⴷ ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵜⴰⵙⴳⴷⴰⵏⵜ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⴱⵔⵍⴰⵎⴰⵏⵉⵢⵏ, ⴷ ⵉⵎⵛⴰⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵉⵏⴳⵎⴰⵎⵏ ⵏ ⵜⵎⵏⴹⴰⵡⵜ, ⴷ ⵉⵙⵎⴷⵢⴰⵜⵏ ⵏ ⵓⴽⴰⴱⴰⵔ ⴰⴷⵉⴱⵍⵓⵎⴰⵙⵉ ⴰⵏⵙⵍⵎ ⵉⵍⵍⴰ ⴳ ⵕⵕⴱⴰⴹ, ⴷ ⵉⵡⵔⵉⴽⵏ ⵢⴰⴹⵏⵉⵏ.

Dernière modification : 30 ⵉⵏⵏⴰⵢⵔ 2015

Source URL: https://www.mapnews.ma/am/activites-royales/%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B5%89%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B4%B9-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%99%E2%B4%B3%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-16-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F#comment-0