ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⴰⵕⵥⵥⵓⵎ ⵏ ⵉⵙⵏⵜⵉⵜⵏ ⵏ ⵓⴼⵜⴰⵙ ⵉⴽⵛⵎⵏ ⴳ ⵓⵖⴰⵡⴰⵙ ⵏ

ⴱⴰⴱ ⵏ ⵡⴰⴷⴷⵓⵔ ⵉⴼⴽⴰ ⴰⵕⵥⵥⵓⵎ ⵏ ⵉⵙⵏⵜⵉⵜⵏ ⵏ ⵓⴼⵜⴰⵙ ⵉⴽⵛⵎⵏ ⴳ ⵓⵖⴰⵡⴰⵙ ⵏ « ⵡⵉⵚⴰⵍ ⴽⴰⵣⴰ- ⴰⴼⵜⴰⵙ »

14 ⵎⴰⵕⵚ 2015 Version Imprimable

ⴹⴹⴰⵕⵍⴱⵉⴹⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⴰⵕⵥⵥⵓⵎ ⵏ ⵉⵙⵏⵜⵉⵜⵏ ⴳ ⵓⵖⴰⵡⴰⵙ ⵏ « ⵡⵉⵚⴰⵍ ⴽⴰⵣⴰ- ⴰⴼⵜⴰⵙ », ⵍⵍⵉⴷ ⵢⵓⵛⴽⴰⵏ ⴳ ⵓⴹⵕⵕⴰⵃ ⴰⴷⵎⵙⴰⵏ ⴷ ⵜⵎⴰⵍⵍⴰⵢⵜ ⴳ ⵜⵎⴰⵥⵓⵏⵜ ⵜⴰⴷⵎⵙⴰⵏⵜ.

ⵜⵜⵓⵎⴰⵡⴰⵏ ⵉⵙⵏⵜⵉⵜⵏ ⴰⴷ ⵙ ⵢⴰⵏ ⵡⴰⵜⵉⴳ ⵏ 4 ⵏⵉⴷ ⵎⵍⵢⴰⵕ ⵏⵉⴷ ⴷⴷⵔⵀⵎ, ⴰⵙⵏⵜⵉ ⵏ ⵓⵜⵜⵓⵚⴽⴰ ⵏ ⵜⵙⴰⵡⵔⵜⵉⵏ ⵜⵉⵎⴰⵢⵏⵓⵜⵉⵏ ⵃⵎⴰ ⴰⴷ ⵙⵎⴰⵢⵏⵓⵏ ⵉⵖⵔⵔⵓⴱⴰ ⴷ ⴰⵙⵙⴽⵔ ⵏ ⵓⴼⵜⴰⵙ ⵏ ⵜⴳⵎⵔⵜ, ⴷ ⵓⵙⴽⵔ ⵏ ⵢⴰⵏ ⵓⵏⵙⴰ ⵏ ⵉⵎⵓⴷⴷⵓⵜⵏ ⵏ ⵉⵍⵍ, ⴷ ⵉⵜⵜⵓⴼⴽⴰ ⵢⴰⵏ ⵡⴰⴷⴷⵓⵔ ⵉ ⵓⵏⵙⴰ ⴰⵎⵣⵔⴰⵢ ⵉⴳⴰⵜ ⵓⴼⵜⴰⵙ ⵏ ⴹⴹⴰⵕⵍⴱⵉⴹⴰ ⴷ ⵓⵙⵎⴰⵢⵏⵓ ⵉ ⵜⵙⴳⴰ ⵏ ⵓⴼⵜⴰⵙ ⵏ ⵜⵎⴰⵥⵓⵏⵜ ⵜⴰⴷⵎⵙⴰⵏⵜ.

ⴽⵕⴰⴹ ⵉⵙⵏⵜⵉⵜⵏ ⴰⴷ, ⵍⵍⵉ ⵜⵙⴽⵔ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⴼⵜⴰⵙⵏ, ⵙ ⵜⵉⵔⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⵎⴰ ⵜⴰⵎⴰⵥⵓⵏⵜ ⵜⴰⴷⵎⵙⴰⵏⵜ ⵏ ⵜⴳⵍⴷⵉⵜ ⴰⴷ ⴷⴰⵔⵙ ⵉⵍⵉⵏⵜ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵜⵉⵜⵔⴰⵔⵉⵏ.

ⵉⵙⵏⵜⵉⵜⵏ ⴰⴷ ⴳⴰⵏ ⵢⴰⵏ ⵓⴳⵣⵣⵓⵎ ⵏ ⵓⵖⴰⵡⴰⵙ ⵏ « ⵡⵉⵙⴰⵍ ⴽⴰⵣⴰ - ⴰⴼⵜⴰⵙ » ⵍⵍⵉ ⵎⵉ ⵜⵜⵓⴼⴽⴰⵏⵜ ⵎⵏⵏⴰⵡ ⵏ ⵜⵉⵏⴰⵡⵉⵏ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷⵜ ⵉⵏⵚⵕ ⵕⴱⴱⵉ, ⴳ ⵉⴱⵕⵉⵕ 2014, ⵎⴰⵢⴰⴷ ⴰⵔ ⵢⴰⴽⴽⴰ ⵉ ⵜⵎⴰⵥⵓⵏⵜ ⵜⴰⴷⵎⵙⴰⵏⵜ ⵏ ⵜⴳⵍⴷⵉⵜ ⵢⴰⵜ ⵜⵙⴳⴰ ⴷ ⵉⵜⵜⴰⵡⵉⵏ ⵉⵎⴰⵍⵍⴰⵢⵏ, ⴷ ⵓⵙⵖⵓⴷⵓ ⵏ ⵉⵎⴰⵙⵏ ⵏⵏⵙ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⵏ ⵜⵡⵓⵔⵉⵡⵉⵏ ⴷ ⵉⵎⵓⴷⴷⵓⵜⵏ ⵏ ⵉⵍⵍ, ⴷ ⵜⴰⵎⵓⵏⵜ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵖⵔⵎⴰⵏⵜ ⴷ ⴰⴷⵉⵎⵓⵖⵕⴰⴼⵉ ⵉ ⴽⵓ ⴰⴽⴽⵯ ⵜⵉⵙⴳⴳⵯⵉⵡⵉⵏ.

Dernière modification : 14 ⵎⴰⵕⵚ 2015

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B4%BC%E2%B4%BD%E2%B4%B0-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%8F-%E2%B5%93%E2%B4%BC%E2%B5%9C%E2%B4%B0%E2%B5%99-%E2%B5%89%E2%B4%BD%E2%B5%9B%E2%B5%8E%E2%B5%8F-%E2%B4%B3-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%C2%AB-%E2%B5%A1%E2%B5%89%E2%B5%9A%E2%B4%B0%E2%B5%8D-%E2%B4%BD%E2%B4%B0%E2%B5%A3%E2%B4%B0-%E2%B4%B0%E2%B4%BC%E2%B5%9C%E2%B4%B0%E2%B5%99-%C2%BB#comment-0