ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ ⴳ ⵕⵕⴱⴰⴹ ⵢⴰⵏ ⵓⵎⵓⵏⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵎⵔⵙⵍⵜ ⵏ ⵓⴼⵔⴰⴳ ⴷ ⵓⵊⵊⵉⵢ ⵏ ⵍⴽⵓⵏⵛⵉⵕ

18 ⵎⴰⵕⵚ 2015 Version Imprimable

ⵕⵕⴱⴰⴹ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵙⵍⵎⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵓⴼⵔⴰⴳ ⴷ ⵓⵊⵊⵉⵢ ⵏ ⵍⴽⵓⵏⵛⵉⵕ, ⴰⵙⵙ ⵏ ⵓⴽⵕⴰⵙ, ⵢⴰⵏ ⵓⵎⵓⵏⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵎⵔⵙⵍⵜ ⴰⴷ.

ⴷ ⵉⵙⴰⵡⴰⵍ ⵓⵙⵇⵇⵉⵎ ⵙ ⵓⵣⵎⵣⵣⵓ ⴰⴷ, ⵅⴼ ⵉⵙⵉⴹⵏ ⵏ ⵓⵙⴳⴳⵯⴰⵙ ⵏ 2014 ⴷ ⵜⴰⵏⴰⴹⵜⵉⵏ ⵍⵍⵉ ⵔⴰⴷ ⵉⵜⵜⵓⴼⴽ ⵉ ⵓⵎⵓⵏⵏ ⴰⵎⴰⵜⴰⵢ ⵏ ⵜⵎⵔⵙⵍⵜ ⴰⴷ. ⴷ ⵜⵜⵓⵢⴰⵙⵏ ⵜⴰⵎⴰⵖⵓⵏⵜ ⵏ ⵓⵙⴳⴳⵯⴰⵙ ⵏ 2014 ⵙ ⵓⴼⵓⴽⴽⵓ ⴷ ⵓⵕⵥⵥⵓⵎ ⵏ ⵓⵏⴰⵎⵎⴰⵙ ⴰⵏⴽⵓⵍⵓⵊⵉ ⵏ ⵎⴽⵏⴰⵙ, ⴷ ⵓⵕⵥⵥⵓⵎ ⵏ ⴽⵕⴰⴹ ⵉⵏⴰⵎⵎⴰⵙⵏ ⵉⵙⴰⵖⵓⵍⵏ ⴳ ⵓⵏⵙⴰ ⵍⵎⵓⵃⵎⵎⴰⴷⵉ ⴷ ⵟⵟⴰⵏⵊⴰ ⴹ ⵎⵕⵕⴰⴽⵛ. ⴷ ⵜⵜⵓⵙⴽⵔ ⵢⴰⵜ ⵜⴳⵎⵎⵉ ⵏ ⵜⵓⴷⵔⵜ ⴳ ⵎⵕⵕⴰⴽⵛ. ⴷ ⵉⵥⵕⴰ ⵓⵙⴳⴳⵯⴰⵙ ⴰⴷ ⴰⵣⵎⵎⴰⵎ ⴰⵅⴰⵜⴰⵕ ⵏ ⵓⴽⵛⵛⵓⵎ ⴳ ⵓⵊⵊⵓⵢ ⵉⵍⴽⵎ 27 ⵏ ⵢⵉⴼⴹ ⵏ ⵉⵎⴷⵢⴰ ⵉⵎⴰⵢⵏⵓⵜⵏ ⵏ ⵓⵊⵊⵓⵢ, ⴷ ⵉⵙⵙⴱⵖⵔ ⵓⴳⴳⵯⴰⵔ ⵏ 160 ⵏ ⵢⵉⴼⴹ ⵏ ⵓⵎⴰⴹⵓⵏ ⵉⴹⴼⵕⵏ ⴰⵎⵙⵏⵉⵊⵊⵉ ⴳ ⵎⵏⵏⴰⵡ ⵏ ⵉⵏⴰⵎⵎⴰⵙⵏ ⵉⵏⴽⵓⵍⵓⵊⵉⵜⵏ ⵏ ⵓⵡⵏⴽ. ⵜⵏⵏⴰ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ ⵎⴰⵙⵙⴰ ⵍⴰⵟⵉⴼⴰ ⴰⵍⵄⴰⴱⵉⴷ, ⴳ ⵢⴰⵜ ⵜⵙⴳⵓⵔⵉ ⵉ ⵜⵏⵖⵎⴰⵙⵜ ⵎⴰⵙⴷ ⴰⵙⴳⴳⵯⴰⵙ ⵏ 2014 ⵉⵙⵙⵏ ⵛⴰⵢⴳⴰⵏ ⵏ ⵜⵡⵓⵔⵉⵡⵉⵏ.

Dernière modification : 18 ⵎⴰⵕⵚ 2015

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%99%E2%B5%8D%E2%B5%8E%E2%B4%B0-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B4%B9-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B5%93%E2%B5%8F%E2%B5%8F-%E2%B5%8F-%E2%B5%93%E2%B5%99%E2%B5%87%E2%B5%87%E2%B5%89%E2%B5%8E#comment-0