ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⴽⵛⵎⵏ ⴳ ⵓⵙⵎⴰⵢⵏⵓ ⵏ ⵜⵖⵕⵎⵜ ⵜⴰⵇⵇⴱⵓⵕⵜ ⵏ ⴹⴹⴰⵕⵍⴱⵉⴹⴰ

20 ⵎⴰⵕⵚ 2015 Version Imprimable

ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ ⴳ ⴹⴹⴰⵕⵍⴱⵉⴹⴰ, ⵛⴰⵢⴳⴰⵏ ⵏ ⵉⵏⵙⵏⵜⵉⵜⵏ ⵉⴽⵛⵎⵏ ⴳ ⵓⵙⴰⵜⵉ ⵡⵉⵙⵙ ⵙⵙⵉⵏ ⵏ ⵓⵖⴰⵡⴰⵙ ⵏ ⵓⵙⵎⴰⵢⵏⵓ ⵉ ⵜⵖⵕⵎⵜ ⵜⴰⵇⵇⴱⵓⵔⵜ, ⵙ ⵢⴰⵏ ⵡⴰⵜⵉⴳ ⵏ 300 ⵏⵉⴷ ⵎⵍⵍⵢⵓⵏ ⵏ ⴷⵔⵔⵀⵎ.

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵉ ⵙⵉⵏ ⵉⵙⴰⵢⵔⴰⵔⵏ ⵏ ⵜⵏⵉⴹⵉ, ⴷ ⵜⵙⵖⵉⵢⵜ ⵏ ⵜⵎⵥⵥⴰⵍⵓⵜ ⵏ ⵡⵓⴷⴰⵢⵏ, ⴷ ⵓⵙⵎⴰⵢⵏⵓ ⵏ ⵓⴳⵔⵔⴰⵎ ⵏ « ⵙⵉⴷⵉ ⵄⵍⵍⴰⵍ ⵍⵇⵉⵕⴰⵡⴰⵏⵉ », ⴷ ⵜⵙⵖⵉⵢⵜ ⵏ « ⵜⵉⴳⵎⵎⵉ ⵉⵍ ⵉⵜⵜⵉⵃⴰⴷ », ⴷ ⵜⵓⵚⴽⴰ ⵏ ⵓⵏⴰⵎⵎⴰⵙ ⵏ ⵜⴷⵓⵙⵉ ⵏ « 9 ⵢⵓⵍⵢⵓⵣ ».

ⵉⵡⵉⵏⴷ ⵉⵙⵏⵜⵉⵜ ⴰⴷ ⵢⴰⵏ ⵓⵏⴰⵔⵓⵣ ⴰⵎⴰⵢⵏⵓ ⵉ ⵜⵎⴷⵉⵏⵜ ⵜⴰⵇⵇⴱⵓⵕⵜ, ⴳ ⵉⴼⵉⵍⵉ ⴷ ⵉⴳⴰⵏⵏⵉⵜⵏ ⵏ ⵉⵎⵣⴷⴰⵖ ⴳ ⵜⴰⵎⵜⵜⴰ ⵜⴰⴷⵍⵙⴰⵏⵜ ⴷ ⵜⵏⴰⵎⵓ-ⴷⵎⵙⴰⵏ ⴷ ⵓⵥⴽⴰⵡⴰⵏ, ⴰⴼⴰⴷ ⴰⴷ ⵉⵙⴱⵓⵖⵍⵓ ⵜⵉⵎⵙⵓⵜⴰⵍ ⵏ ⵉⵎⵣⴷⴰⵖ, ⴷ ⵓⵃⵟⵟⵓ ⵏ ⵓⵢⴷⴰ ⴰⵎⵣⵔⴰⵢ ⴷ ⵓⴷⵍⵙⴰⵏ.

ⵜⵎⵙⴰⵙⵉⵏ ⵉⵙⵏⵜⵉⵜⵏ ⴰⴷ ⴳ ⵓⵙⵖⵉⵡⵙ ⴰⴳⵍⴷⴰⵏ ⵏ ⵜⴳⵎⵉ ⵉ ⵜⵖⵕⵎⵜ ⵏ ⴹⴹⴰⵕⵍⴱⵉⴹⴰ ⴳ ⵉⵙⴳⴳⵯⴰⵙⵏ ⵏ2015-2020.

Dernière modification : 20 ⵎⴰⵕⵚ 2015

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9B%E2%B4%B0%E2%B5%A2%E2%B4%B3%E2%B4%B0%E2%B5%8F-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%89%E2%B4%BD%E2%B5%9B%E2%B5%8E%E2%B5%8F-%E2%B4%B3-%E2%B5%93%E2%B5%99%E2%B5%8E%E2%B4%B0%E2%B5%A2%E2%B5%8F%E2%B5%93-%E2%B5%8F-%E2%B5%9C%E2%B5%96%E2%B5%95%E2%B5%8E%E2%B5%9C-%E2%B5%9C%E2%B4%B0%E2%B5%87%E2%B5%87%E2%B4%B1%E2%B5%93%E2%B5%95%E2%B5%9C-%E2%B5%8F#comment-0