ⴰⵙⴱⴷⴷⵉ ⵏ ⵍⴱⵔⴰⵔⴽ : ⴱⴰⴱ ⵏ ⵡⴰⴷⴷⵓⵔ ⵉⵕⵥⵎ ⴳ ⵎⴷⵢⵓⵏⴰ ⵜⴰⵎⵀⵍⵜ ⵏ « ⵕⵉⵢⵢⴰⴹ

ⴰⵙⴱⴷⴷⵉ ⵏ ⵍⴱⵔⴰⵔⴽ : ⴱⴰⴱ ⵏ ⵡⴰⴷⴷⵓⵔ ⵉⵕⵥⵎ ⴳ ⵎⴷⵢⵓⵏⴰ ⵜⴰⵎⵀⵍⵜ ⵏ « ⵕⵉⵢⵢⴰⴹ » ⴰⴼⴰⴷ ⵓⵣⴷⴷⵓⵖ ⵏ 8400 ⵏ ⵜⴰⵡⵊⵉⵡⵉⵏ

24 ⵎⴰⵕⵚ 2015 Version Imprimable

ⵎⴰⴷⵢⵓⵏⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵢⵏⴰⵙ ⴳ ⵜⴳⵔⴰⵡⵜ ⵜⴰⴼⴰⵔⴰⵏⵜ ⵙⵉⴷⵉ ⵀⵊⵊⴰⵊ ⵄⴰⴷ ⵃⵚⵚⴰⵕ ⴳ ⵎⴷⵢⵓⵏⴰ ⵜⵉⵡⵓⵔⵉⵡⵉⵏ ⵏ ⵓⵙⵙⵓⴼⵖ ⵏ ⵜⴰⵎⵀⵍⵜ ⵏ « ⵕⵉⵢⵢⴰⴹ » ⴰⴼⴰⴷ ⵓⵣⴷⴷⵓⵖ ⵏ 8400 ⵏ ⵜⴰⵡⵊⵉⵡⵉⵏ ⴳ ⵜⴰⵙⴳⴰ ⵜⴰⵎⵇⵔⴰⵏⵜ ⵏ ⴹⴹⴰⵕⵍⴱⵉⴹⴰ.

ⵉⵜⵜⵓⴼⴽⴰ ⵉ ⵓⵙⵏⵜⵉ ⴰⴷ ⵢⴰⵏ ⵓⵙⵙⴰⵔⵓ ⵏ 1,1 ⵎⵍⵢⴰⵕ ⵏ ⴷⴷⵔⵀⵎ .ⵔⴰⴷ ⵉⴷⵔⵓ ⴳ ⵜⵎⵀⵍⵜ ⵏ ⵕⵉⵢⵢⴰⴹ ⵜⵉⵔⴰⴱⴱⵓⵜⵉⵏ ⵏ « ⵍⵄⵓⵎⵕⴰⵏ » ⴷ « ⵉⴷⵎⴰⵊ ⵙⴰⴽⴰⵏ ». ⴰⵙⵏⵜⵉ ⴰⴷ ⵍⵍⵉ ⵉⵍⵍⴰⵏ ⴳ 175 ⵏ ⵀⴰ ⵉⴽⵛⵎ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵓⵙⴱⴷⴷⵉ ⵏ ⵍⴱⵔⴰⵔⴽ ⴳ ⵜⵙⴳⴰ ⵜⴰⵎⵇⵔⴰⵏⵜ ⵏ ⴹⴹⴰⵕⵍⴱⵉⴹⴰ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⵙⵙ ⵏ 7 ⴰⴱⵔⵉⵍ 2011. ⵉⴽⴽⴰⵜⵜⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉⵕⵥⵎ ⴰⵙⵙ ⵏ ⵓⵙⵉⵎⵡⴰⵙ ⴳ ⴹⴹⴰⵕⵍⴱⵉⴹⴰ, ⵛⴰⵢⴳⴰⵏ ⵏ ⵉⵏⵙⵏⵜⵉⵜⵏ ⵉⴽⵛⵎⵏ ⴳ ⵓⵙⴰⵜⵉ ⵡⵉⵙⵙ ⵙⵙⵉⵏ ⵏ ⵓⵖⴰⵡⴰⵙ ⵏ ⵓⵙⵎⴰⵢⵏⵓ ⵉ ⵜⵖⵕⵎⵜ ⵜⴰⵇⵇⴱⵓⵔⵜ, ⵙ ⵢⴰⵏ ⵡⴰⵜⵉⴳ ⵏ 300 ⵏⵉⴷ ⵎⵍⵍⵢⵓⵏ ⵏ ⴷⵔⵔⵀⵎ. ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵉ ⵙⵉⵏ ⵉⵙⴰⵢⵔⴰⵔⵏ ⵏ ⵜⵏⵉⴹⵉ, ⴷ ⵜⵙⵖⵉⵢⵜ ⵏ ⵜⵎⵥⵥⴰⵍⵓⵜ ⵏ ⵡⵓⴷⴰⵢⵏ, ⴷ ⵓⵙⵎⴰⵢⵏⵓ ⵏ ⵓⴳⵔⵔⴰⵎ ⵏ « ⵙⵉⴷⵉ ⵄⵍⵍⴰⵍ ⵍⵇⵉⵕⴰⵡⴰⵏⵉ », ⴷ ⵜⵙⵖⵉⵢⵜ ⵏ « ⵜⵉⴳⵎⵎⵉ ⵉⵍ ⵉⵜⵜⵉⵃⴰⴷ », ⴷ ⵜⵓⵚⴽⴰ ⵏ ⵓⵏⴰⵎⵎⴰⵙ ⵏ ⵜⴷⵓⵙⵉ ⵏ « 9 ⵢⵓⵍⵢⵓⵣ ».

Dernière modification : 24 ⵎⴰⵕⵚ 2015

Source URL: https://www.mapnews.ma/am/activites-royales/%E2%B4%B0%E2%B5%99%E2%B4%B1%E2%B4%B7%E2%B4%B7%E2%B5%89-%E2%B5%8F-%E2%B5%8D%E2%B4%B1%E2%B5%94%E2%B4%B0%E2%B5%94%E2%B4%BD-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%95%E2%B5%A5%E2%B5%8E-%E2%B4%B3-%E2%B5%8E%E2%B4%B7%E2%B5%A2%E2%B5%93%E2%B5%8F%E2%B4%B0-%E2%B5%9C%E2%B4%B0%E2%B5%8E%E2%B5%80%E2%B5%8D%E2%B5%9C-%E2%B5%8F-%C2%AB-%E2%B5%95%E2%B5%89%E2%B5%A2%E2%B5%A2%E2%B4%B0%E2%B4%B9-%C2%BB-%E2%B4%B0%E2%B4%BC%E2%B4%B0%E2%B4%B7-%E2%B5%93%E2%B5%A3%E2%B4%B7%E2%B4%B7%E2%B5%93%E2%B5%96-%E2%B5%8F-8400#comment-0