ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ, ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴳ ⵎⴽⵏⴰⵙ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 10 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ

28 ⵉⴱⵔⵉⵔ 2015 Version Imprimable

ⵎⴽⵏⴰⵙ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ, ⴰⴳⵍⴷⵓⵏ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴳ ⵚⵚⵀⵔⵉⵊ ⵏ ⵙⵙⵡⴰⵏⵉ ⴳ ⵎⴽⵏⴰⵙ ⴰⵙⵙ ⵏ ⵓⵙⵉⵏⴰⵙ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 10 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⴼⵍⵍⴰⵃⵜ ⵏ ⵍⵎⵖⵔⵉⴱ

ⴳ ⵍⴱⴷⵓ ⵏ ⵜⴼⵓⴳⵍⴰ ⴰⴷ ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵉⴷⵉⴱⵍⵓⵎⵏ ⵉⵎⵏⵏⴰⵡ ⵉⴼⵍⵍⴰⵃⵏ ⴷ ⵉⵎⵙⵢⴰⴼⵓⵜⵏ ⵉⵅⴰⵜⴰⵔⵏ

ⵉⴷⵔⴰ ⴳ ⵜⵙⵓⵜⵍⵜ ⴰⴷ ⵍⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⵙⴳ 28 ⵉⴱⵔⵉⵔ ⴰⵔ 3 ⵎⴰⵢⵢⵓ ⵃⵍⴰⵢⵏ 1200 ⵏ ⵉⵎⵙⴼⵙⵔⵏ ⵙⴳ 50 ⵏ ⵜⵎⵓⵔⵉⵏ ⴳ 172 000 ⵏ ⵎ2 ⴳⵉⵙ 90000 ⵉⴷⵍⵏ.

ⵏⵏⵓⵕⵥⵎⵏⵜ ⴰⵙⵙ ⵏ ⵓⵢⵏⴰⵙ ⴳ ⵎⴽⵏⴰⵙ, ⵜⵡⵓⵔⵉⵡⵉⵏ ⵜⵉⵙⵙ ⵜⴰⵎ ⵏ ⵓⴷⵡⴰⵍ ⴰⵏⴰⵎⵓⵔ ⵏ ⵜⴼⵍⵍⴰⵃⵜ ⵉⵜⵜⵓⵙⵏⵎⴰⵍⴰⵏ ⵙ ⵜⵎⴰⵜⴰⵔⵜ ⵏ « ⵓⵙⵏⴼⵍⵓⵍ ⵏ ⵜⴼⵍⵍⴰⵃⵜ ⵏ ⵉⵎⴰⵍ, ⴰⵙⵏⵜⵉ ⵏ ⴽⵓ ⴰⴽⴽⵯ », ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵙⵙⵉⵏⵉⴳⴰⵍ ⵎⴰⵙⵙ ⵎⴰⴽⵉ ⵙⴰⵍ.

ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ ⴰⴷ ⵙ ⵜⵡⵉⵣⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴼⴰⴷ ⵉⴳ ⵢⴰⵏ ⵓⵙⴰⵢⵙ ⵏ ⵓⵎⵙⴰⴳⴰⵔ ⴳ ⵓⵙⵡⵉⵔ ⴰⵅⴰⵜⴰⵔ ⵉ ⵎⵙⴽⵔⵏ ⵏ ⵓⵖⵟⴰⵙ ⴳ ⵢⵉⴳⵔ ⵏ ⵜⴼⵍⵍⴰⵃⵜ ⵜⴰⴷⵖⵔⴰⵏⵜ ⴷ ⵜⵎⴰⴹⵍⴰⵏⵜ, ⴷ ⴰⴼⴰⴷ ⵉⵙⵏⴼⵍ ⵜⴰⵏⵏⴰⵢⵜⵉⵏ ⵅⴼ ⵉⵎⴰⵍ ⵏ ⵜⴼⵍⵍⴰⵃⵜ ⴷ ⵎⴰⵢⴷ ⵜⵙⵙⵏ ⵏ ⵜⴰⵏⵥⵕⵜⵉⵏ ⵜⵉⵅⴰⵜⴰⵔⵉⵏ ⵉⵣⴷⵉⵏ ⵙ ⵓⴼⵔⴰⴳ ⵏ ⵉⵎⵣⴷⴰⵖ.

Dernière modification : 28 ⵉⴱⵔⵉⵔ 2015

Source URL: https://www.mapnews.ma/am/activites-princieres/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B1%E2%B4%B0%E2%B4%B1-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F-%E2%B5%8E%E2%B5%93%E2%B5%8D%E2%B4%B0%E2%B5%A2-%E2%B5%8D%E2%B5%83%E2%B4%B0%E2%B5%99%E2%B4%B0%E2%B5%8F-%E2%B4%B3-%E2%B5%8E%E2%B4%BD%E2%B5%8F%E2%B4%B0%E2%B5%99-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F#comment-0