ⵉⵥⵥⵓⵍ ⵍⴰⵎⵉⵔ ⵏ ⵉⵎⵓⵎⵎⵏ ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵖ ⵜⵎⵣⴳⵉⴷⴰ ⵏ ⵍⴰⵍⵍⴰ ⴰⵙⵎⴰ ⵖ ⵕⵕⴱⴰⴹ

31 ⵢⵓⵍⵢⵓⵣ 2015 Version Imprimable

ⵕⵕⴱⴰⴹ - ⵉⵥⵥⵓⵍ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵜⴰⵥⴰⵍⵍⵉⵜ ⵏ ⵓⵙⵉⵎⵡⴰⵙ ⵖ ⵜⵎⵣⴳⵉⴷⴰ ⵏ ⵍⴰⵍⵍⴰ ⴰⵙⵎⴰ ⵖ ⵜⵎⴷⵉⵏⵜ ⵏ ⵕⵕⴱⴰⴹ.

ⵉⵙⴰⵡⴰⵍ ⵍⵉⵎⴰⵎ ⴳ ⵜⵉⵏⴰⵡⵜ ⵏ ⵓⵙⵉⵎⵡⴰⵙ ⵅⴼ ⴰⵣⵎⵣⵣⵓ ⵏ ⵜⴼⵓⴳⵍⴰ ⵏ ⵓⴷⴰⴱⵓ ⵜⴳⴰ ⵢⴰⵜ ⵜⴼⵓⴳⵍⴰ ⵉⵙⴼⵓⴳⵍⵓ ⵓⴳⴷⵓⴷ ⴰⵎⵖⵔⴰⴱⵉⵢ ⴽⵓ ⴰⵙⴳⴳⵯⴰⵙ, ⵉⴳⴰ ⴰⴽⵜⵜⴰⵢ ⴳ ⵢⵓⵎⵥ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⴷⴰⴱⵓ, ⴷ ⵉⵙⴷⵉⴷ ⵎⴰⵙ ⴷ ⴰⴽⵜⵜⴰⵢ ⴰⴷ ⵉⴳⴰ ⴰⵣⵎⵣ ⵍⵍⵉⴳ ⵜⵜⵉⵏⵉⵏ ⵉⵏⴰⵎⵓⵔⵏ ⵜⴰⵢⵔⵉ ⵏⵏⵙ ⴷ ⵉⵎⵥ ⵏⵏⵙ ⴷ ⵓⵙⵓⴼⵓ ⵏⵏⵙ ⵉ ⵜⴰⵡⵊⴰ ⵜⴰⵄⴰⵍⴰⵡⵉⵢⵜ ⵜⴰⵛⵔⵉⴼⵜ. ⴷ ⵉⵙⴽⵜⵉ ⵍⵉⵎⴰⵎ ⵎⴰⵙ ⴷ 16 ⵏ ⵓⵙⴳⴳⵯⴰⵙ ⴽⵓⵍⵍⵓⵜ ⵜⴳⴰ ⵜⵉⵏ ⵜⵡⵓⵔⵉ, ⵜⵙⵙⵏ ⵜⵎⴰⵣⵉⵔⵜ ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⵅⴰⵜⴰⵔⵏ, ⵉⴱⵔⴷⴰⵏ ⴷ ⵜⵉⵏⵎⵍⵉⵏ ⴷ ⵉⵙⵉⵏⴰⴳⵏ ⴷ ⵉⵙⴳⵏⴰⴼⵏ ⴷ ⵡⴰⵎⴰⵏ ⴷ ⵓⵙⵉⴷ ⴳ ⴽⵓ ⴰⴽⴽⵯ ⵜⵎⴷⵉⵏⵉⵏ ⴷ ⵉⵖⵕⵎⴰⵏ, ⵎⴰⵢⴰⴷ ⵙ ⵜⵓⴳⴳⵯⴰⵣ ⵉⵙⴽⴰⵔ ⵍⴰⵎⵉⵔ ⵏ ⵉⵎⵓⵎⵏⵏ ⴰⴷⵜ ⵉⵃⴹⵓ ⵕⴱⴱⵉ. ⵖ ⵜⴳⴰⵔⴰ, ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ. ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⵓⵍⴰ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

Dernière modification : 31 ⵢⵓⵍⵢⵓⵣ 2015

Source URL: https://www.mapnews.ma/am/activites-royales/%E2%B5%89%E2%B5%A5%E2%B5%A5%E2%B5%93%E2%B5%8D-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%9C%E2%B4%B0%E2%B5%A5%E2%B4%B0%E2%B5%8D%E2%B5%8D%E2%B5%89%E2%B5%9C-%E2%B5%8F-%E2%B5%93%E2%B5%99%E2%B5%89%E2%B5%8E%E2%B5%A1%E2%B4%B0%E2%B5%99-%E2%B5%96-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8F-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B4%B0%E2%B5%99%E2%B5%8E%E2%B4%B0-%E2%B5%96-%E2%B5%95%E2%B5%95%E2%B4%B1%E2%B4%B0%E2%B4%B9#comment-0