Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵕⴰⵏⵙⴰ ⵕⵕⵥⵎⵏ ⴳ ⵟⴰⵏⵊⴰ ⵓⵙⵏⵜⵉ ⵏ ⵓⵙⴳⴷ ⵏ ⵉⵍⴰⵡⴰⵢⵏ ⵉⵜⴰⵣⵍⴰⵏ
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵕⴰⵏⵙⴰ ⵕⵕⵥⵎⵏ ⴳ ⵟⴰⵏⵊⴰ ⵓⵙⵏⵜⵉ ⵏ ⵓⵙⴳⴷ ⵏ ⵉⵍⴰⵡⴰⵢⵏ ⵉⵜⴰⵣⵍⴰⵏ

19 ⵛⵓⵜⴰⵏⴱⵉⵔ 2015 Version Imprimable
ⵟⴰⵏⵊⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉⵎⴰⵏ ⴷ ⵓⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵕⵛⵉⴷ, ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵙⴰ, ⵎⴰⵙⵙ ⴼⵕⵓⵏⵙⵡⴰ ⵀⵓⵍⵓⵏⴹ, ⴰⵙⵙ ⵏ ⵓⵙⵉⴹⵢⴰⵙ, ⴳ ⵜⵣⴷⴷⵓⵖⵜ ⵏ ⵎⵖⵓⵖⴰ ⴳ ⵟⴰⵏⵊⴰ, ⴰⵕⵥⵥⵓⵎ ⵏ ⵢⴰⵏ ⵓⵙⵏⵜⵉ ⵏ ⵓⵙⴳⴷ ⵏ ⵉⵍⴰⵡⴰⵢⵏ ⵉⵜⴰⵣⵍⴰⵏ, ⴰⵙⵏⵜⵉ ⴰⴷ ⵉⴽⵛⵎ ⴳ ⵜⵓⵚⴽⵉⵡⵜ ⵉⵙⵙⵓⵀⴰⵏ ⴰⵙⵙⵡⵓⴷⵓ ⵏ ⵜⵉⴽⵏⵓⵍⵓⵊⵢⴰ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ.
ⵉⵜⵜⵓⵙⴽⵔ ⵓⵙⵏⵜⵉ ⴰⴷ ⵙ ⵢⴰⵏ ⵓⵙⵙⴰⵔⵓ ⵉⵍⴽⵎ ⵡⴰⵜⵉⴳ ⵏⵏⵙ 640 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ, ⴰⴳⵣⵣⵓⵎ ⵏ ⵓⵙⵏⵜⵉ ⴰⴷ ⴰⵙⴽⵔ ⵏ ⵓⴱⵔⵉⴷ ⵓⵣⵣⴰⵍ ⵏ ⵓⵍⴰⵡⴰⵢ ⵉⵜⴰⵣⵍⴰⵏ ⵟⴰⵏⵊⴰ - ⴹⴹⴰⵕⴱⵉⴹⴰ, ⴷ ⵓⵙⴽⵔ ⵏ ⵢⴰⵏ ⴰⴱⵔⵉⴷ ⵏ ⵓⵣⵣⴰⵍ ⴰⵎⴰⵢⵏⵓ ⴳⵔ ⵟⴰⵏⵊⴰ - ⵍⵇⵏⵉⵟⵕⴰ ⵙ ⵜⴰⵖⵣⵉ ⵏ 200 ⴽⵉⵍⵓⵎⵉⵜⵔ. ⴳ ⵜⵉⵣⵡⵉⵔⵉ ⵔⴰⴷ ⵉⵙⵡⵓⵔⵉ ⵓⵏⴰⵎⵎⴰⵙ ⴰⵎⴰⵢⵏⵓ ⵏ ⵓⵙⴳⴷ, ⴳ ⵓⵙⵏⴰⵢ ⵏ ⵉⴼⵔⴷⵉⵙⵏ ⵏ ⵓⵍⴰⵡⴰⵢ ⵏ ⵜⴰⵣⵍⴰ ⴷⵢⵓⵛⴽⴰⵏ ⴳ ⵓⵙⵓⴳⴰⵔ ⵏ ⴰⵍⵙⵜⵓⵎ ⴱⵍⴰⵕⵓⵛⵉⵍ ⴳ ⴼⵕⴰⵏⵙⴰ, ⴳ ⵓⴼⵜⵉⵙ ⵏ ⵟⴰⵏⵊⴰ ⴰⵏⴰⵎⵎⴰⵙ. ⴷⴼⴼⵉⵔ ⵔⴰⴷ ⵉⴳ ⵡⵉⵏ ⵓⵙⴱⵖⵔ ⴷ ⵓⵃⵟⵟⵓ ⴷ ⵓⵙⴳⴷ ⵏ ⵉⵍⴰⵡⴰⵢⵏ ⵏ ⵜⴰⵣⵍⴰ. ⴷ ⵉⵙⵏⵓⴱⴳ ⵓⵙⴰⵏⴼⵓ ⵏ ⵎⵖⵓⵖⴰ ⵙⵉⵏ ⵉⵍⴰⵡⴰⵢⵏ ⵉⵜⴰⵣⵍⴰⵏ, ⴰⵎⵣⵡⴰⵔⵓ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵉⵣⵔⵉⵏ ⴷ ⵡⵉⵙⵙ ⵙⵙⵉⵏ ⵜⵉⵣⵡⵉⵔⵉ ⵏ ⵡⴰⵢⵢⵓⵔ ⴰⴷ, ⵙⵍⴰⵡⴰⵏ ⴰⴽⴽⵯ ⵉⴱⴷⴰ ⴰⵙⵏⴰⵢ ⵏ ⵉⴼⵔⴷⵉⵙⵏ ⵏ ⵉⵍⴰⵡⵢⵏ ⴰⴷ. ⴷ ⵉⵜⵜⵓⵎⴰⵡⴰ ⵓⵙⵏⵜⵉ ⴰⴷ ⵙ ⵢⵉⵜⵙⵏ ⵜⴼⴰⴷⴰⵡⵉⵏ ⵜⵉⵎⴰⴹⵍⴰⵏⵉⵏ ⴳ ⵡⴰⵎⵓⵏ ⵏ ⵜⵎⵙⵙⵏⵜⵉⵜⵏ ⵜⵉⵏⴰⵎⵓⵔⵉⵏ, ⵙ ⵢⵉⵜⵙⵏ ⵉⵎⴰⵙⵏ ⴷ ⵉⵎⴰⵡⴰⵜⵏ ⵏ ⵓⵙⴱⵓⵖⵍⵓ, ⴰⴼⴰ ⴷ ⵜⵜⵓⵙⴽⵔⵏ ⵎⵏⵏⴰⵡ ⵏ ⵜⵡⵓⵔⵉⵡⵉⵏ ⵏ ⵓⵙⴳⴷ ⴷ ⵓⵃⵟⵟⵓ ⵏ ⵉⵣⵔⴰⵢⵏ ⵉⵎⵉⴽⴰⵏⵉⵏⵉⴽⵉⵢ. ⴷ ⵜⵍⴽⵎ ⵜⵊⵓⵎⵎⴰ ⵏ ⵓⵙⵏⵜⵉ ⴰⴷ 14 ⵏ ⵍⵀⵉⴽⵜⴰⵕⴰⵜ, ⵉⵥⴹⵕⵏ ⴰⵜⵜⴰⵙⵉ 30 ⵏ ⵉⵍⴰⵡⴰⵢⵏ, ⵙⵍⴰⵡⴰⵏ ⴰⴽⴽⵯ ⵜⵓⵚⴽⵉⵡⵉⵏ ⵜⵉⵜⵉⵇⵏⵉⵢⵉⵏ ⴷ ⵜⵎⵙⵙⴰⴳⵓⵔⵜⵉ ⵜⵍⴽⵎ ⵜⵊⵓⵎⵎⴰ ⵏⵏⵙ 20 ⵏⵉⴷ ⵢⵉⴼⴹ ⵏ ⵍⵎⵉⵜⵔ ⵎⵓⵔⴱⴱⴰⵄ. ⴰⵡⵜⵜⴰⵙ ⵏ ⵓⴱⵔⵉⴷ ⵏ ⵓⵍⴰⵡⴰⵢ ⵏ ⵜⴰⵣⵍⴰ ⵟⴰⵏⵊⴰ - ⴹⴰⵕⴱⵉⴹⴰ, ⴰⴼⴰ ⴷ ⵉⵣⵉⴳⵣⵍ ⴰⵣⵎⵣ ⵏ ⵓⵎⵓⴷⴷⵓ ⴳⵔ ⵟⴰⵏⵊⴰ - ⵕⵕⴱⴰⴹ ⵙ ⵢⴰⵏ ⵓⵣⵎⵣ ⵏ ⵢⴰⵜ ⵜⵙⵔⴰⴳⵜ ⴳ 20 ⵏ ⵜⵙⵓⴷⵉⴷⵜ, ⴷ ⴳⵔ ⵟⴰⵏⵊⴰ - ⴹⴰⵕⴱⵉⴹⴰ ⵙⵏⴰⵜ ⵜⵙⴰⵔⴰⴳⵉⵏ ⴷ 10 ⵜⵓⵙⴷⵉⴷⵜ, ⵎⴰⵢⴰⴷ ⴰⴷ ⵉⴼⴽ ⵜⵓⴳⵜ ⵏ ⵉⵏⵎⴰⴷⴷⵓⵜⵏ, ⴷ ⵔⴰⴷ ⵢⴰⵡⵡⵙ ⴳ ⵓⵙⴱⵓⵖⵍⵓ ⵏ ⵜⴷⵎⵙⴰ ⵜⴰⵎⵖⵔⴰⴱⵉⵢⵜ.
Dernière modification : 19 ⵛⵓⵜⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B7-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BC%E2%B5%95%E2%B4%B0%E2%B5%8F%E2%B5%99%E2%B4%B0-%E2%B5%95%E2%B5%95%E2%B5%A5%E2%B5%8E%E2%B5%8F-%E2%B4%B3-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%93%E2%B5%99%E2%B5%8F%E2%B5%9C%E2%B5%89-%E2%B5%8F-%E2%B5%93%E2%B5%99%E2%B4%B3%E2%B4%B7-%E2%B5%8F-%E2%B5%89%E2%B5%8D%E2%B4%B0%E2%B5%A1%E2%B4%B0%E2%B5%A2%E2%B5%8F-%E2%B5%89%E2%B5%9C%E2%B4%B0%E2%B5%A3%E2%B5%8D%E2%B4%B0%E2%B5%8F#comment-0