ⴱⴰⴱ ⵏ ⵡⴰⴷⴷⵓⵔ.. ⵍⵎⵖⵔⵉⴱ ⵢⵓⴳⵉ ⵜⴰⵎⵙⴽⵙⴰⵍⵜ ⵓⵔ ⵉⴳⵉⵏ ⵜⴰⵎⵙⴳⴰⵔⵜ ⵖ ⵎⴰⵢⵥⵍⵉⵏ ⵙ ⵓⵎⵣⴰⵔⴰⵢ ⴰⵙⴳⴰⵡⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ

01 ⴽⵟⵓⴱⵕ 2015 Version Imprimable

ⵏⵢⵓⵢⵓⵔⴽ - ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷⵜ ⵉⵏⵚⵕ ⵕⴱⴱⵉ, ⵎⴰⵙ ⴷ ⵍⵎⵖⵔⵉⴱ ⵔⴰⴷ ⵢⴰⴳⵉ ⵜⴰⵎⵙⴽⵙⴰⵍⵜ ⵓⵔ ⵉⴳⵉⵏ ⵜⴰⵎⵙⴳⴰⵔⵜ ⵖ ⵎⴰⵢⵥⵍⵉⵏ ⵙ ⵓⵎⵣⴰⵔⴰⵢ ⴰⵙⴳⴰⵡⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ.

ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵍⵍⵉ ⵢⵓⵣⵏ, ⴰⵙⵙ ⵏ ⵓⴽⵕⴰⵙ, ⵉ ⵜⵙⵓⵜⵍⵜ ⵜⵉⵙⵙ 70 ⵏ ⵜⵎⵙⵎⵓⵏⵜ ⵏ ⵜⵎⵜⵜⴰ ⵉⵎⵓⵏ ⴳ ⵏⵢⵓⵢⵓⵔⴽ, ⴷ ⵉⵖⵕⴰⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ. ⴳ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵉⵏⵓⵔⵣ ⴰⴷ ⵙⴳⵓⵜⵉ ⵜⵎⵔⵙⵍⵜ ⵏ ⵜⵎⵜⵜⴰ ⵉⵎⵓⵏ ⵜⵓⴳⴳⵯⴰⵣ ⵏⵏⵙ ⴰⴼⴰ ⴷ ⴰⴼⵉⵏ ⴰⴼⵙⴰⵢ ⵏ ⵓⵎⵣⴰⵔⴰⵢ ⵙ ⵢⴰⵜ ⵜⵎⴰⵎⴽⵜ ⵏ ⵙⵙⵍⴰⵎⵜ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵎⴰⵙ ⴷ ⵜⵎⵔⵙⵍⵜ ⵏ ⵜⵎⵜⵜⴰ ⵉⵎⵓⵏ, ⴷⴰ ⵜⵙⴼⵓⴳⵍⴰ ⴰⴽⵜⴰⵢ ⵏⵏⵙ ⵡⵉⵙⵙ 70, ⵜⵍⴽⵎ ⵉⵎⵏⵣⴰⵢⵏ ⵉⵖⵓⴷⴰⵏ ⴷ ⵜⴰⵎⵙⵜⴳⴳⴰⵔⵜ, ⵉⵎⵏⵣⴰⵢⵏ ⴰⴷ ⵉⵅⵚⵚⴰ ⴰⴷ ⵉⵍⵉⵏ ⴳ ⵛⴰⵢⴳⴰⵏ ⵏ ⵜⵎⵉⵣⴰⵔ, ⴰⴼⴰ ⴷ ⴰⴼⵉⵏ ⴰⴼⵙⴰⵢ ⵉⵎⵣⴰⵔⴰⵢⵏ ⵉⵙⴳⴰⵡⴰⴱ.

Dernière modification : 01 ⴽⵟⵓⴱⵕ 2015

Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%A2%E2%B5%93%E2%B4%B3%E2%B5%89-%E2%B5%9C%E2%B4%B0%E2%B5%8E%E2%B5%99%E2%B4%BD%E2%B5%99%E2%B4%B0%E2%B5%8D%E2%B5%9C-%E2%B5%93%E2%B5%94-%E2%B5%89%E2%B4%B3%E2%B5%89%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B4%B3%E2%B4%B0%E2%B5%94%E2%B5%9C-%E2%B5%96-%E2%B5%8E%E2%B4%B0%E2%B5%A2%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%93%E2%B5%8E%E2%B5%A3%E2%B4%B0%E2%B5%94%E2%B4%B0%E2%B5%A2-%E2%B4%B0%E2%B5%99%E2%B4%B3%E2%B4%B0%E2%B5%A1%E2%B4%B0%E2%B5%8F-%E2%B5%8F#comment-0