Published on MAPNews (https://www.mapnews.ma/am)

Accueil > ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵢⴰⵜⵜⵓⵢⵏ ⵉ ⵎⴷⵔⴰⵡⵏ ⴳ ⵓⵙⴳⵔⴰⵡ ⴰⵏⵙⵍⵎ ⵡⵉⵙⵙ ⵚⴹⵉⵚ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ
  1. Accueil
  2. Activités royales

ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵢⴰⵜⵜⵓⵢⵏ ⵉ ⵎⴷⵔⴰⵡⵏ ⴳ ⵓⵙⴳⵔⴰⵡ ⴰⵏⵙⵍⵎ ⵡⵉⵙⵙ ⵚⴹⵉⵚ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ

08 ⴽⵟⵓⴱⵕ 2015 Version Imprimable
ⵕⵕⴱⴰⴹ - ⵢⵓⵛⴽⴰⴷ ⴳ ⵜⴱⵔⴰⵜ ⴰⴷ ⵢⴰⵜⵜⵓⵢⵏ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉ ⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵏⵙⵍⵎ ⵡⵉⵙⵙ ⵚⴹⵉⵚ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ, ⵜⵖⵔⴰⵜ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵎⴰⵡⵙⴰⵙ ⵏ ⵜⵥⴹⴰⵕⵜ ⴷ ⵓⵣⴰⵖⵓⵣ ⴷ ⵡⴰⵎⴰⵏ ⴷ ⵓⵡⵏⴰⴹ ⵉⵎⴳⵍⵏ ⵙ ⵓⵡⵏⴰⴹ, ⵎⴰⵙⵙⴰ ⵃⴰⴽⵉⵎⴰ ⵍⵃⵉⵟⵉ.
ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴳ ⵜⴱⵔⴰⵜ ⵏⵏⵙ ⵢⴰⵜⵜⵓⵢⵏ ⵢⵓⵣⵏ ⵉ ⵎⴷⵔⴰⵡⵏ ⴳ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵏⵙⵍⵎ ⵡⵉⵙⵙ ⵚⴹⵉⵚ ⵏ ⵉⵎⴰⵡⵙⴰⵙⵏ ⵏ ⵓⵡⵏⴰⴹ, ⵎⵉ ⴱⴷⴰⵏⵜ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⵏ ⵓⴽⵡⴰⵙ ⴳⵕⵕⴱⴰⴹ, ⵙ ⵜⵏⵙⵙⵉⵅⴼⵜ ⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰⵙ ⴷ ⵉⵙⵙⵓⵖⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⴱⵉⴷ ⵏ ⴰⵙⵏⴼⵍ ⵏ ⵓⵏⵣⵡⵉ, ⵙⵡⴰⵍⴰⵏ ⴰⴽⴽⵯ ⵢⵓⵛⴽⴰⴷ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011 ⵓⵣⵔⴼ ⵏ ⵓⵡⵏⴰⴹ ⵉⵖⵓⴷⴰⵏ, ⴷ ⵎⴰⵙⵙ ⵉⵅⵚⵚⴰ ⴰⴷ ⵢⵉⵍⵉ ⵓⵙⵉⴽⵙⵍ ⴳⵔ ⵜⴳⵎⵉ ⴷ ⵃⵟⵟⵓ ⵏ ⵜⵖⴰⵔⴰ ⵏ ⵜⵓⴷⵔⵜ ⴷ ⵓⵡⵏⴰⴹ. ⴷ ⵉⵙⴰⵡⵍ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⴰⴷ ⵢⴰⵜⵜⵓⵢⵏ ⵎⴰⵙ ⴷ ⵜⵙⵔⵙ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵣⵔⴼ ⵉⴳⴰⵏ ⵜⴰⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴰⵡⵜⵜⴰⵙ ⵏⵏⵙ ⴰⴷ ⵉⴽⵛⵎ ⴳ ⵢⵉⴳⵔ ⵏ ⵓⵡⵏⴰⴹ ⵏ ⵉⵖⴰⵡⴰⵙⵏ ⴷ ⵜⵙⵔⵜⵉⵜⵉⵏ ⵜⵉⵏⴳⵎⴰⵡⵉⵏ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⵜⵓⵙⴽⵔ ⵢⴰⵏ ⵓⵖⴰⵡⴰⵙ ⵏ ⵜⵥⴹⴰⵕⵜⵉⵏ ⵜⵉⵎⴰⵢⵏⵓⵜⵉⵏ ⵉⵣⴷⵉⴳⵏ, ⵏ ⵜⴰⴼⵓⴽⵜ ⴷ ⵡⴰⴹⵓ, ⴷ ⵜⵜⵓⵙⴽⵔ ⵙⵓⵍ ⵢⴰⵏ ⵓⵏⴰⵎⵎⴰⵙ ⵏ ⵜⵖⵔⵜⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ, ⴰⴼⴰ ⴷ ⵉⵙⴷⵓⵙ ⵜⴰⵥⴹⴰⵔⵜ ⴳ ⵢⵉⴳⵔ ⵏ ⵓⵙⴱⵉⴷ ⵏ ⵓⵙⵏⴼⵍ ⵏ ⵓⵡⵏⴰⴹ ⴳ ⵓⵙⵡⵉⵔ ⴰⵏⴰⵎⵓⵔ. ⴷ ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵅⵚⵚⴰ ⵓⵏⵖⴱⵓ ⴷ ⵜⵜⵓⵙⴽⵔⵏⵜ ⵛⴰⵢⴳⴰⵏ ⵏ ⵜⵓⴳⴳⵯⴰⵣ ⴰⴼⴰ ⴷ ⵉⵣⵓⴳⵣ ⵓⵙⵏⵜⵉ ⵏ ⵜⴽⴰⴷⵉⵎⵉⵢⵜ ⵜⴰⵏⵙⵍⵎⵜ ⵏ ⵓⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⵎⴰⴹⴰⵍ ⴰⵏⵙⵍⵎ. ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴷ ⵜⵉⵎⵉⵣⴰⵔ ⵜⵉⵏⵙⵍⵎⵉⵏ ⵉⵅⵚⵚⴰⵜⵏⵜ ⴰⴷ ⴽⵛⵎⵏⵜ ⴳ ⵜⵡⵓⵔⵉ ⴰⴷ ⴰⴼⴰ ⴷ ⵍⴽⵎⵏ ⵜⴳⵎⵉ ⵜⴰⵙⵓⵍⴰⵏⵜ, ⴰⵡⵜⵜⴰⵙ ⵏⵏⵙ ⵉⴳⴰⵜ ⵃⵟⵟⵓ ⵏ ⵓⴼⴳⴰⵏ, ⴷ ⵃⵟⵟⵓ ⵏ ⵡⴰⴽⴰⵍ. ⴷ ⵉⵔⵏⴰ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⵉⵎⵉⵣⴰⵔ ⵜⵉⵏⵙⵍⵎⵉⵏ ⴳⵔ ⴳⵔⴱⵔⴷⴰⵏ, ⵉⴷⵖ ⵍⵍⴰⵏⵜ ⵜⴰⵏⵥⵕⵜⵉⵏ ⵜⵉⵏⴳⵎⴰⵡⵉⵏ ⴷ ⵜⵉⵏ ⵍⴰⵎⴰⵏ, ⴷ ⴷ ⵓⴳⴳⵯⴰⵔ ⵏ ⵉⵣⵔⴼⴰⵏ ⴷ ⵜⵍⵓⵍⵍⵉ , ⴷ ⵜⵉⵣⵉ ⵜⴰⵏⴼⴳⴰⵏⵜ, ⴷ ⵜⵏⵣⵣⴰⵔⴼⵓⵜ ⵜⴰⵏⴰⵎⵓⵏⵜ, ⵎⴰⵢⴰⴷ ⵓⵔ ⵔⴰⴷ ⵢⵉⵍⵉ ⵅⵙⵙ ⵎⴽ ⵉⵍⵍⴰ ⴱⵟⵟⵓ ⵏ ⵜⵉⵔⵎⵉⵡⵉⵏ ⵉⵖⵓⴷⴰⵏ ⴳ ⵎⵏⵏⴰⵡ ⵏ ⵉⴳⵔⴰⵏ ⵣⵓⵏⴷ ⵃⵟⵟⵓ ⵏ ⵓⵡⵏⴰⴹ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴳ ⵜⴱⵔⴰⵜ ⵏⵏⵙ ⵢⴰⵜⵜⵓⵢⵏ ⵎⴰⵙ ⴷ ⴰⵙⵏⴼⵍ ⵏ ⵓⵏⵣⵡⵉ ⵉⴳⴰ ⵜⴰⵎⴽⵔⵉⵙⵜ ⵜⴰⵅⴰⵜⴰⵔⵜ ⵍⵍⵉ ⵉⵙⵙⵏ ⵓⴼⴳⴰⵏ ⵖⴰⵙⵙⴰ, ⴷ ⵉⴳⴰ ⵉⵎⵉⵣⵉ ⵉⵅⵛⵛⵏ ⵉⵡⵏⴰⴹ, ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⴷ ⵍⴰⵎⴰⵏ ⴳ ⵓⵔⴳⴳⵉⴳ ⵏ ⵓⵎⴰⴹⴰⵍ.
Dernière modification : 08 ⴽⵟⵓⴱⵕ 2015
Source URL: https://www.mapnews.ma/am/activites-royales/%E2%B5%A2%E2%B5%93%E2%B5%A3%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%9C%E2%B4%B0%E2%B4%B1%E2%B5%94%E2%B4%B0%E2%B5%9C-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%89-%E2%B5%8E%E2%B4%B7%E2%B5%94%E2%B4%B0%E2%B5%A1%E2%B5%8F-%E2%B4%B3-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%8F%E2%B5%99%E2%B5%8D%E2%B5%8E-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%8F#comment-0