Published on MAPNews (https://www.mapnews.ma/am)

Accueil > ⵉⵏⴰⵡ ⵢⴰⵜⵜⵓⵢⵏ ⵍⵍⵉ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴳ ⵓⵕⵥⵥⵓⵎ ⵏ ⵜⵡⵉⵍⴰ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⵙⵎⵎⵓⵙ ⵏ ⵜⵏⴱⴰⴹⵟ ⵜⵓⵣⵔⵉⴼⵜ ⵜⵉⵙⵙ ⵜⵥⴰ ⴳ ⵓⴱⵔⵍⴰⵎⴰⵏ
  1. Accueil
  2. Activités royales

ⵉⵏⴰⵡ ⵢⴰⵜⵜⵓⵢⵏ ⵍⵍⵉ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴳ ⵓⵕⵥⵥⵓⵎ ⵏ ⵜⵡⵉⵍⴰ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⵙⵎⵎⵓⵙ ⵏ ⵜⵏⴱⴰⴹⵟ ⵜⵓⵣⵔⵉⴼⵜ ⵜⵉⵙⵙ ⵜⵥⴰ ⴳ ⵓⴱⵔⵍⴰⵎⴰⵏ

09 ⴽⵟⵓⴱⵕ 2015 Version Imprimable
ⵕⵕⴱⴰⴹ - ⵢⵓⵛⴽⴰⴷ ⴳ ⵉⵏⴰⵡ ⵢⴰⵜⵜⵓⵢⵏ, ⵍⵍⵉ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵙⵉⵎⵡⴰⵙ ⴳ ⵓⵕⵥⵥⵓⵎ ⵏ ⵜⵡⵉⵍⴰ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⵙⵎⵎⵓⵙ ⵏ ⵜⵏⴱⴰⴹⵟ ⵜⵓⵣⵔⵉⴼⵜ ⵜⵉⵙⵙ ⵜⵥⴰ ⴳ ⵓⴱⵔⵍⴰⵎⴰⵏ :
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵎⴰⵙ ⴷ ⵎⴷⵔⴰⵡⵏ ⵛⴰⵢⴳⴰⵏ ⵏ ⵎⵉⴷⵏ ⵉⵣⴷⵖⵏ ⴳ ⵜⵎⵏⴰⴹⵉⵏ ⵏ ⵜⵏⵣⵔⵓⴼⵜ, ⴳ ⵉⵙⵜⴰⵢⵏ ⵉⵣⵔⵉⵏ, ⵎⴰⵢⴰⴷ ⴰⵔ ⵉⵎⵎⴰⵍ ⵎⴰⵙ ⴷ ⵟⴼⴰⵏ ⵛⴰⵢⴳⴰⵏ ⵜⴰⵔⵡⴰ ⵏ ⵜⴰⵏⵣⵔⵓⴼⵜ ⵙ ⵡⴰⴽⴰⵍ ⴰⵏⴰⵎⵓⵔ ⴷ ⵓⵖⴰⵡⴰⵙ ⴰⵙⵔⵜⴰⵏ ⵏ ⵜⵎⴰⵣⵉⵔⵜ ⵏⵏⵙⵏ. ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵜⴰⵎⴷⵔⴰⵡⵜ ⵏ ⵛⴰⵢⴳⴰⵏ ⵏ ⵎⵉⴷⵏ ⵉⵣⴷⵖⵏ ⴳ ⵜⵎⵏⴰⴹⵉⵏ ⵏ ⵜⵏⵣⵔⵓⴼⵜ ⵉⵎⵍⴰ ⵎⴰⵙ ⴷ ⴽⵛⵎⵏ ⴳ ⵜⵎⵔⵙⵍⵜⵉⵏ ⵜⵉⵏⴰⵎⵓⵔⵉⵏ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵎⴰⵙ ⴷ ⵜⵎⵔⵙⵍⵜⵉⵏ ⴳⴰⵏⵜ ⵜⴰⵏⴼⵔⵓⵜ ⵏ ⵜⵎⵉⴷⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵏⴰⴼⵓⵜⵉⵏ ⵍⵍⵉⵜⵏ ⵉⵅⵚⵚⴰⵏ. ⴷ ⵉⵔⵏⴰ ⵉⵏⵏⴰ ⵙⵓⵍ ⵅⴼ ⵜⵓⴷⵔⵜ ⵜⴰⵙⵔⵜⴰⵏⵜ, ⵎⴰⵙ ⴷ ⴰⵙⵎⴷⵢⴰ ⵏ ⵉⵏⴰⵎⵓⵔⵏ ⵉⴳⴰ ⵢⴰⵜ ⵍⴰⵎⴰⵏⴰ ⵉⵎⵇⵓⵕⵏ ⵉⵅⵚⵚⴰ ⵉⵎⵙⵜⴰⵢⵏ ⴷ ⵉⴽⴰⴱⴰⵔⵏ ⵉⵙⵔⵜⴰⵏ, ⴰⴷⵙⵜ ⵙⴽⵔⵏ ⵉⵎⴽⵉⵏⵏⴰ ⵉⵅⵚⵚⴰ, ⵙ ⵜⵡⵓⵔⵉ ⴷ ⵓⵎⵔⴰⵔⴰ ⵉⵜⵎⵓⴽⵔⵉⵙⵉⵏ ⵏ ⵉⵏⴰⵎⵓⵔⵏ , ⵎⴰⵢⴰⴷ ⵉⴳⴰ ⵢⴰⵜ ⵜⵎⵙⵜⴳⴰⵔⵜ ⵜⴰⵏⴰⵎⵓⵔⵜ. ⴷ ⵉⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵎⴰⵙ ⴷ ⴰⵙⴳⴳⵯⴰⵙ ⵓⵣⵔⵉⴼ ⴷⴰⵔⵙ ⵢⴰⵏ ⵡⴰⴷⴷⵓⵔ ⵉⴷⵖ ⵉⴳⴰ ⴰⵙⴳⴳⵯⴰⵙ ⴰⵎⴳⴰⵔⵓ ⵏ ⵜⵏⴱⴰⴹⵟ ⵉⵍⵍⴰⵏ ⵖⵉⵍⴰⴷ, ⵓⵛⵛⵉⵍ ⴰⴷ ⵜⴽⵎⴰⵍ ⴰⵙⴽⵔ ⵏ ⵜⵎⵔⵙⵍⵜⵉⵏ ⵜⵉⴷⵓⵙⵜⵓⵔⵉⵏ, ⴷ ⵜⵓⵛⴽⴰⴷ ⴷⴼⴼⵉⵔ ⵏ ⵉⵙⵜⴰⵢⵏ ⵉⵎⵣⵡⵓⵔⴰ ⵉⴷⵖⵕⴰⵏ ⴷ ⵉⵙⴳⴰⵡⴰⵏ, ⴳ ⵓⴷⵓⵙⵜⵓⵔ ⴰⵎⴰⵢⵏⵓ, ⴷⴼⴼⵉⵔ ⵏ ⵓⵙⴽⵔ ⵏ ⵓⵙⵇⵇⵉⵎ ⵏ ⵉⵎⵛⴰⵡⴰⵕⵏ ⴳ ⵜⵡⵉⵍⴰ ⵏⵏⵙ ⵜⴰⵎⴰⵢⵏⵓⵜ. ⴷ ⵉⵙⴱⴰⵔⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵣⵣⵓ ⴰⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵛⴰⵡⴰⵕⵏ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵙⴳⴰⵡⴰⵏ ⴷ ⵉⴷⵖⵔⴰⵏ ⴷ ⴽⵓ ⴰⴽⴽⵯ ⵉⵎⵙⵜⴰⵢⵏ, ⵅⴼ ⵜⴰⵖⵍⵉⴼⵜ ⵍⵍⵉ ⵢⴰⵙⵏ ⵉⵜⵜⵓⴼⴽⴰⵏ, ⴷ ⵉⵜⵔ ⵉⵕⴱⴱⵉ ⴰⴷ ⵖⵉⴼⵏ ⵉⴽⵎⴰⵍ ⵙ ⵍⵅⵉⵔ ⴳ ⵜⵡⵓⵔⵉ ⵏⵏⵙⵏ. ⴷ ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵖ ⵎⴰⵢⵥⵍⵉⵏ ⵙ ⵉⴹⵕⵉⵚⵏ ⵏ ⵉⵜⵜⵓⴼⴽⴰⵏ ⵉ ⵍⴱⵕⵍⴰⵎⴰⵏ, ⵎⴰⵙ ⴷ ⴰⵔ ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⴼⴰⵖ ⵓⵎⵙⴰⵙ ⵅⴼ ⵉⵙⵏⵜⵉⵜⵏ ⵏ ⵉⵙⵍⴳⵏ ⵏ ⵓⵙⵏⵎⴰⵍⴰ ⵉⵥⵍⵉⵏ ⵙ ⵜⵏⴱⴰⴹⵜ ⵜⴰⵏⴱⴹⴰⵢ, ⴷ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⴳⵔⴰⵡ ⵏ ⵓⵙⵉⴽⵙⵍ ⴷ ⵓⵙⴱⵉⴷ ⵏ ⴱⵟⵟⵓ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵢⴰⵜⵜⵓⵢⵏ ⵎⴰⵙ ⴷ ⵉⵅⵚⵚⴰ ⵜⴰⵏⴱⴰⴹⵜ ⴷ ⵓⴱⵕⵍⴰⵏ ⵓⵙⵓⵖⵏ ⴳ ⵓⵎⵏⵏⵉ ⵡⵉⵙⵙ86 ⵏ ⵓⴷⵓⵙⵜⵓⵔ, ⵍⵍⵉ ⵉⵎⴰⵍⵏ ⵜⵉⵏⵢⵉⵔⴰ ⵏ ⵜⵏⴱⴰⴹⵟ ⵜⵓⵣⵔⵉⴼⵜ ⴰⴷ ⵉⴳ ⵜⵉⵢⵉⵔⴰ ⵏ ⵓⵙⵙⵓⴼⵖ ⵏ ⵉⵙⵍⴳⵏ ⵏ ⵓⵙⵏⵎⴰⵍⴰ ⴷ ⵓⵎⵙⴰⵙ ⵏ ⵓⴱⵕⵍⴰⵎⴰⵏ. ⵣⵓⵏⴷ ⵉⵙⵍⴳⵏ ⵏ ⵓⵙⵏⵎⴰⵍⴰ ⵉⵥⵍⵉⵏ ⵙ ⵓⵣⵓⴳⵣ ⵓⵏⵚⵉⴱ ⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⴰⴱⵉⵢⵜ, ⴷ ⵉⵙⵍⴳⵏ ⵏ ⵓⵙⵏⵎⴰⵍⴰ ⵏ ⴰⵙⵍⴰⴳ. ⵖ ⵎⴰⵢⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⴰⴱⵉⵢⵜ, ⵎⴰⵢⴰⴷ ⵉⵥⵍⵉ ⴰⵙⴽⵔ ⵏ ⵢⴰⵏ ⵓⵙⵇⵇⵉⵎ ⴳ ⵍⵍⴰⵏⵜ ⵜⵎⵔⵙⵍⵜⵉⵏ ⵎⵉ ⴷⴰⵔ ⵜⴰⵏⵏⴰⵢⵜ ⴼ ⵢⵉⴳⵔⴰⵏ ⴰⴷ.
Dernière modification : 09 ⴽⵟⵓⴱⵕ 2015
Source URL: https://www.mapnews.ma/am/activites-royales/%E2%B5%89%E2%B5%8F%E2%B4%B0%E2%B5%A1-%E2%B5%A2%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%8F-%E2%B5%8D%E2%B5%8D%E2%B5%89-%E2%B5%89%E2%B5%96%E2%B5%94%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B3-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%A1%E2%B5%89%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B5%93%E2%B5%A3%E2%B5%94%E2%B5%89%E2%B4%BC-%E2%B5%A1%E2%B5%89%E2%B5%99%E2%B5%99#comment-0