Published on MAPNews (https://www.mapnews.ma/am)

Accueil > ⴰⵖⴰⵡⴰⵙ « ⵟⴰⵏⵊⴰ ⵜⴰⵅⴰⵜⴰⵔⵜ ».. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵕⵥⵥⵎ ⵎⵏⵏⴰⵡ ⵏ ⵉⵙⵏⵜⵉⵜⵏ ⵉⵥⵍⵉⵏ ⵏ ⵜⵎⵖⴰⵔⵉⵏ ⴷ ⵡⴰⵔⵔⵓ
  1. Accueil
  2. Activités royales

ⴰⵖⴰⵡⴰⵙ « ⵟⴰⵏⵊⴰ ⵜⴰⵅⴰⵜⴰⵔⵜ ».. ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵕⵥⵥⵎ ⵎⵏⵏⴰⵡ ⵏ ⵉⵙⵏⵜⵉⵜⵏ ⵉⵥⵍⵉⵏ ⵏ ⵜⵎⵖⴰⵔⵉⵏ ⴷ ⵡⴰⵔⵔⵓ

12 ⴽⵟⵓⴱⵕ 2015 Version Imprimable
ⵟⴰⵏⵊⴰ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ ⴰⵙⵙ ⵏ ⵓⵢⵏⴰⵙ ⴳ ⵟⴰⵏⵊⴰ, ⴰⵕⵥⵥⵓⵎ ⵏ ⵎⵏⵏⴰⵡ ⵏ ⵉⵙⵏⵜⵉⵜⵏ ⵉⴽⵛⵎⵏ ⴳ ⵓⵖⴰⵡⴰⵙ « ⵟⴰⵏⵊⴰ ⵜⴰⵅⴰⵜⴰⵔⵜ », ⵉⵔⴰⵏ ⴰⴷ ⵉⵙⴱⵓⵖⵍⵓ ⵉⵙⵓⵔⵙⵏ ⵉⵏⴰⵎⵓ-ⴷⵎⵙⴰⵏ ⵏ ⵜⵎⵖⴰⵔⵉⵏ ⴷ ⵓⴼⵔⴰⴳ ⵏ ⵜⴰⵔⵡⴰ ⵏ ⵜⴰⵡⵊⵉⵡⵉⵏ ⵉⵥⵍⴹⵏ.

ⴷ ⵉⵕⵥⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⴰⵎⵎⴰⵙ ⵏ ⵜⴳⵎⵉ ⴷ ⵓⵙⵎⵎⵓⵜⴳ ⵏ ⵜⵎⵖⴰⵔⵜ ⴳ ⵜⵣⴷⴷⵓⵖⵜ ⵏ ⵎⵖⵓⵖⴰ ⵜⴰⵅⴰⵜⴰⵔⵜ, ⴷ ⵉⴼⴽⴰ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏ ⵜⴳⵎⵎⵉ ⵏ ⵜⵎⵖⴰⵔⵜ ⴳ ⵜⵣⴷⴷⵓⵖⵜ ⵏ ⴱⵉⵔ ⵛⵛⵉⴼⴰ ⴱⵏⵉⵎⴽⴰⴷⴰ, ⴷ ⵜⴳⵎⵎⵉ ⵏ ⵡⴰⵔⵔⵓ ⴳ ⵜⵣⴷⴷⵓⵖⵜ ⵏ ⵍⵎⵏⴹⵕ ⵍⵊⴰⵎⵉⵍ ⴳ ⵎⵖⵓⵖⴰ, ⴷ ⵓⵏⴰⵎⵎⴰⵙ ⵏ ⵓⴼⵔⴰⴳ ⵏ ⵜⵎⵖⴰⵔⵉⵏ ⵉⵥⵍⴹⵏ ⴳ ⵜⵣⴷⴷⵓⵖⵜ ⵏ ⵍⴱⵔⴰⵏⵙ, ⴷ ⵜⴳⵎⵎⵉ ⵏ ⵜⵎⵍⵎⴰⴷⵉⵏ ⴳ ⵜⵣⴷⴷⵓⵖⵜ ⵏ ⵎⵖⵓⵖⴰ ⵜⴰⵅⴰⵜⴰⵔⵜ.

ⵜⵜⵓⵙⴰⵔⵓⵏ ⵉⵙⵏⵜⵉⵜⵏ ⴰⴷ ⵙ ⵢⴰⵏ ⵡⴰⵜⵉⴳ ⵏ 27,5 ⵏⵉⴷ ⵎⵍⵢⵓⵏ ⵏ ⴷⴷⵔⵀⵎ, ⵎⴰⵢⴰⴷ ⴰⵔ ⵉⵎⵎⴰⵍ ⴰⴷⴷⵓⵔ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⴳⵎⵉ ⵜⴰⵏⴼⴳⴰⵏⵜ, ⵙⵍⴰⵡⴰⵏ ⴰⴽⴽⵯ ⵜⵉⵎⵖⴰⵔⵉⵏ ⴷ ⵉⵄⵔⵔⵉⵎⵏ, ⴷ ⵜⵉⵔⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵥⴹⴰⵕⵏ ⴽⵓ ⴰⴽⴽⵯ ⵎⵉⴷⵏ ⴰⴷ ⴽⵛⵎⵏ ⴳ ⵉⵎⴰⵙⵏ ⵏ ⵓⵏⴰⵎⵓ-ⴷⵎⵙⴰⵏ, ⴰⴼⴰ ⴷ ⵎⴷⵔⴰⵡⵏ ⴳ ⵜⴳⵎⵉ ⵏ ⵜⵎⴰⵣⵉⵔⵜ ⵏⵏⵙⵏ.

ⴰⵡⵜⵜⴰⵙ ⵏ ⵓⵏⴰⵎⵎⴰⵙ ⴰⴷ ⵏ ⵜⴳⵎⵉ ⴷ ⵓⵙⵎⵎⵓⵜⴳ ⵏ ⵜⵎⵖⴰⵔⵜ ⴳ ⵜⵣⴷⴷⵓⵖⵜ ⵏ ⵎⵖⵓⵖⴰ ⵜⴰⵅⴰⵜⴰⵔⵜ, ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ ⴳ 22 ⵎⴰⵕⵚ2014, ⴰⴼⴰ ⴷ ⵢⴰⵡⵡⵙ ⵜⵉⵎⵖⴰⵔⵉⵏ ⵉⵥⵍⴹⵏ.

ⵔⴰⴷ ⵙⵙⵖⵓⴷⵓⵏ ⵉⵙⵏⵜⵉⵜⵏ ⴰⴷ ⴰⵙⵡⵉⵔ ⴰⵏⴰⵎⵓⵏ ⴳ ⵜⵎⴷⵉⵏⵜ ⵏ ⵟⴰⵏⵊⴰ, ⴷ ⵔⴰⴷ ⵥⴹⴰⵕⵏ ⵉⵎⵣⴷⴰⵖ ⵏⵏⵙ ⴰⴷ ⴽⵛⵎⵏ ⴳ ⴷⵉⵏⴰⵎⵉⵢⴰ ⵏ ⵜⴳⵎⵉ ⴳ ⵍⵍⴰⵏⵜ ⵛⴰⵢⴳⴰⵏ ⵏ ⵉⵙⴽⴽⵉⵏ.

Dernière modification : 12 ⴽⵟⵓⴱⵕ 2015
Source URL: https://www.mapnews.ma/am/activites-royales/%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%C2%AB-%E2%B5%9F%E2%B4%B0%E2%B5%8F%E2%B5%8A%E2%B4%B0-%E2%B5%9C%E2%B4%B0%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%9C-%C2%BB-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%95%E2%B5%A5%E2%B5%A5%E2%B5%8E-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%8F#comment-0