Published on MAPNews (https://www.mapnews.ma/am)

Accueil > ⵍⵄⵢⵓⵏ ..ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⵙⵜⵔⴰⵜⵉⵊⵉⵢ ⵏ ⵓⵖⴰⵡⴰⵙ ⵏ ⵜⴳⵎⵉ ⴰⵎⴰⵢⵏⵓ ⵉ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ
  1. Accueil
  2. Activités royales

ⵍⵄⵢⵓⵏ ..ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵙⵉⵅⴼ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⵙⵜⵔⴰⵜⵉⵊⵉⵢ ⵏ ⵓⵖⴰⵡⴰⵙ ⵏ ⵜⴳⵎⵉ ⴰⵎⴰⵢⵏⵓ ⵉ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ

07 ⵏⵓⵡⴰⵏⴱⵉⵔ 2015 Version Imprimable
ⵍⵄⵢⵓⵏ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉⵎⴰⵏⵏ ⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴰⵙⵙ ⵏ ⵓⵙⵉⴹⵢⴰⵙ ⴳ ⵍⵖⵢⵓⵏ, ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⵙⵜⵔⴰⵜⵉⵊⵉⵢ ⵏ ⵓⵖⴰⵡⴰⵙ ⵏ ⵜⴳⵎⵉ ⴰⵎⴰⵢⵏⵓ ⵉ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ.

ⴳ ⵓⵣⵎⵣⵣⵓ ⴳ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⵙⴰⵢⵙ ⵏ ⵍⵎⵉⵛⵡⴰⵕ, ⵣⵡⴰⵔⵏ ⵙ ⵓⵣⵣⵓⵍ ⵙ ⵉⵣⵍⵉ ⴰⵏⴰⵎⵓⵔ, ⴷⴼⴼⵉⵔ ⵉⵣⵣⵓⵍ ⴷ ⴱⴰⴱ ⵏ ⵡⴰⴷⴷⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴱⴷ ⵍⵉⵍⴰⵀ ⴱⵏⴽⵉⵔⴰⵏ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵔⵉⵜⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⴰⵡⴰⵕⵏ ⵎⴰⵙⵙ ⵃⴰⴽⵉⵎ ⴱⵏ ⵛⵎⵎⴰⵙ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ ⵎⴰⵙⵙ ⵎⵓⵃⵎⵎⴷ ⵃⵚⵚⴰⴷ, ⴷ ⵓⵎⵡⴰⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⴰⵙⵜ ⵏ ⵓⴳⵏⵙⵓ ⵎⴰⵙⵙ ⵛⵕⵇⵉ ⴹⵕⵉⵚ, ⴷ ⵓⵏⵙⵙⵉⵅⴼ ⴰⴳⵍⴷⴰⵏ ⵏ ⵜⵖⴰⵡⵙⵉⵡⵉⵏ ⵏ ⵜⵏⵣⵔⵓⴼⵜ ⵎⴰⵙⵙ ⵅⵍⵍⵉⵀⵏⵏⴰ ⵡⵍⴷ ⵕⵛⵉⴷ, ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵢⴰⴹⵏⵉⵏ ⴳ ⵜⵎⵏⴰⴹⵟ ⵏ ⵉⴼⴼⵓⵙ.


ⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵎⴰⴷⴰⵢⵜⵉⵏ ⵉ ⵛⴰⵢⴳⴰⵏ ⵏ ⵉⵡⵔⵉⴽⵏ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ ⵙ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 40 ⵏ ⵜⵡⴰⴷⴰ ⵜⴰⵣⴳⵣⴰⵡⵜ.


ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⴰⴷ, ⵉⴼⴽⴰ ⵓⵎⵡⵙⴰⵙ ⵏ ⵓⴳⵏⵙⵓ, ⴷ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⵎⴰⵙⵙ ⵎⵓⵃⵎⵎⴷ ⵃⵚⵚⴰⴷ ⴷ ⵎⵓⵃⵎⵎⴷ ⴱⵓⵙⵄⵉⴷ, ⴷⴰⵜ ⵉⴼⴰⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⵖⴰⵡⴰⵙ ⴰⵙⵜⵕⴰⵜⵉⵊⵉⵢ ⵏ ⵜⴳⵎⵉ ⵏ ⵜⵙⴳⴳⵯⵉⵡⵏ ⵏ ⵉⴼⴼⵓⵙ.

ⵉⵏⵏⴰ ⵎⴰⵙⵙ ⵃⵚⵚⴰⴷ ⵎⴰⵙ ⴷ ⴰⵖⴰⵡⴰⵙ ⵏ ⵜⴳⵎⵉ ⴰⵎⴰⵢⵏⵓ, ⴰⵡⵜⵜⴰⵙ ⵏⵏⵙ ⴰⴷ ⵢⴰⵡⵡⵙ ⴰⵏⴰⵎⵓⵔ ⴳ ⵛⴰⵢⴳⴰⵏ ⵏ ⵉⵙⴽⴽⵯⵏ ⵣⵓⵏⴷ ⵉⵣⵎⴰⵣ ⵏ ⵜⵡⵓⵔⵉ.


ⴳ ⵜⵙⴳⴰ ⵢⴰⴹⵏⵉⵏ ⵉⵏⵏⴰ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⵎⴰⵙ ⴷ ⴰⵖⴰⵡⴰⵙ ⴰⴷ ⵏ ⵜⴳⵎⵉ ⴰⵎⴰⵢⵏⵓ ⴳ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ ⵉⵔⴰ ⴰⴷ ⵉⵙⵙⴰⵔⵓ 77 ⵏⵉⴷ ⵎⵍⵓⴰⵕ ⵏ ⴷⴷⵔⵀⵎ, ⴰⴼⴰ ⴷ ⵜⵜⵓⵙⴽⵔⵏ ⵛⴰⵢⴳⴰⵏ ⵏ ⵉⵙⵏⵜⵉⵜⵏ ⵉⵙⵎⵛⵜⴰⴳⵏ ⵜⵉⴳⵎⵉ ⵉ ⵜⵎⵙⵙⵏⵜⵉⵜⵏ ⵜⵉⵎⵥⵥⴰⵏⵉⵏ ⴷ ⵜⵏⴰⵎⵎⴰⵙⵉⵏ, ⴷ ⵓⵙⴷⵓⵙ ⵏ ⵜⴷⵍⵙⴰ ⵜⴰⵃⵙⵙⴰⵏⵉⵢⵜ ⴷ ⵓⵃⵟⵟⵓ ⵏ ⵓⵡⵏⴰⴹ.


ⴷ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷⵜ ⵉⵏⵚⵕ ⵕⴱⴱⵉ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵅⴼ ⵙⵎⵎⵓⵙ ⵏ ⵜⴰⵎⵢⴰⵇⵇⴰⵏⵉⵏ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵜⴳⵎⵉ ⵉ ⵜⵙⴳⴳⵯⵉⵡⵉⵏ ⵏ ⵉⴼⴼⵓⵙ.


ⴷ ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵓⴳⴳⵯⴰⵔ ⵏ 4000 ⵏ ⵓⵡⵔⵉⴽ, ⴳ ⵉⵍⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⵎⵙⵜⴰⵢⵏ ⴷ ⵛⵢⵓⵅ ⵏ ⵜⵇⴱⵉⵍⵉⵏ ⵏ ⵜⵙⴳⴰ ⵏ ⵉⴼⴼⵓⵙ.


ⴳ ⵜⴳⵉⵔⴰ ⵏ ⵜⴼⵓⴳⵍⴰ ⴰⴷ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵉⵎⴽⵍⵉ ⵉ ⵡⵔⵉⴽⵏ ⵉⵍⵍⴰⵏ, ⴷ ⵉⵙⵙⵉⵅⴼⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.

Dernière modification : 07 ⵏⵓⵡⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B5%8D%E2%B5%84%E2%B5%A2%E2%B5%93%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B4%B0%E2%B5%99%E2%B5%9C%E2%B5%94%E2%B4%B0%E2%B5%9C%E2%B5%89%E2%B5%8A%E2%B5%89%E2%B5%A2-%E2%B5%8F-%E2%B5%93%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B4%B3%E2%B5%8E%E2%B5%89-0#comment-0