ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⴼⵕⵓⵏⵙⵡⴰ ⵀⵓⵍⵓⵏⴷ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⴳⴰⴷⵉⵔⵜ ⵏ ⵍⵉⵍⵉⵣⵉ

20 ⵏⵓⵡⴰⵏⴱⵉⵔ 2015 Version Imprimable

ⴱⴰⵔⵉⵙ - ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⴼⵕⵓⵏⵙⵡⴰ ⵀⵓⵍⵓⵏⴷ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵎⵡⴰⵙ, ⴳ ⵜⴳⴰⴷⵉⵔⵜ ⵏ ⵍⵉⵍⵉⵣⵉ.

ⵉⴼⵔⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ, ⵎⴰⵙ ⵉⵏⵙⵙⵉⵅⴼⵏ ⵏ ⵍⵎⵖⵔⵉⴱ ⴷ ⴼⵕⴰⵏⵚ, ⵏⵏⴰⵏ ⴳ ⵓⵎⵙⴰⴳⴰⵔ ⴰⴷ ⵎⴰⵙ ⴷⴷⴰⵏ ⴰⴷ ⵙⵎⵓⵏ ⵜⵉⵎⵙⵙⵓⵎⴰⵏ ⴰⵏⵎⴳⴰⵍ ⵏ ⵓⴱⵔⵙⵉⵡⴷ, ⵙⵡⵓⵔⵉⵏ ⴰⴼⴰ ⴷ ⴰⴼⵉⵏ ⵉⴼⵙⵙⴰⵢⵏ ⵉ ⵢⵎⵏⵣⴰⵖ ⵉⵍⵍⴰⵏ ⴳ ⵓⵙⴳⴰⵡⴰⵏ ⴷ ⵓⵎⴰⴹⵍⴰⵏ.

ⴷ ⵉⵙⵏⵉⵎⵔ ⵛⵉⴳⴰⵏ ⵓⵏⵙⵙⵉⵅⴼ ⵏ ⴼⵔⴰⵏⵚⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵜⵉⵡⵉⵙⵉ ⵉⵖⵓⴷⴰⵏ ⵉⴳⴰ ⵍⵎⵖⵔⵉⴱ ⵉ ⴼⵕⴰⵏⵚⴰ ⵎⴹⴼⵕ ⵜⴰⴷⵓⵜ ⵏ ⵓⴱⵔⵙⵉⵡⴷ ⵏ ⵡⴰⵙⵙ ⵏ ⵓⵙⵉⵎⵡⴰⵙ ⵉⵣⵔⵉⵏ.

ⴳ ⵓⵙⴰⵜⵉ ⴰⴷ, ⴷ ⴷⴼⵉⵔ ⵙⵉⵏ ⵉⴷ ⵡⴰⵢⵢⵓⵔ ⵅⴼ ⵓⵖⵓⵔⵉ ⵏ ⵟⴰⵏⵊⴰ, ⵏⴰ ⵉⵜⵜⵓⵙⴳⵎⴹⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⴷ ⵜⵉⴷⴷⵓⴽⵍⴰ ⵉⴳⴰ ⵓⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵏ ⴼⵔⴰⵏⵚⴰ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⴼⵔⵓⵏⵙⵡⴰ ⵀⵓⵍⵓⵏⴷ, ⵎⴰⵙ ⵙⵓⵊⴷⵏ ⵛⵉⴳⴰⵏ ⴰⴼⴰ ⴷ ⵃⵟⵓⵏ ⴰⴽⴰⵍ, ⵙⵎⵓⵔⵙⵏ ⴰⴳⵔⴰⵡ ⵏ ⵓⵏⵣⵡⵉ (ⴽⵓⴱ21) ⴳ ⴱⴰⵔⵉⵙ, ⴷ (ⴽⵓⴱ 22) ⴳ ⵎⵕⵕⴰⴽⵛ ⵉⴷⴷⴰ ⵍⵎⵖⵔⵉⴱ ⴰⴷ ⵉⵙⵏⵓⴱⴳ ⴳ ⵓⵙⴳⴳⵯⴰⵙ ⵏ 2016.

ⴷ ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⴰⴳⴷⵓⴷⴰⵏⵜ ⵏ ⴼⵕⴰⵏⵚ ⴷ ⴱⴰⴱ ⵏ ⵡⴰⴷⴷⵓⵔ, ⴳ ⵜⵉⴳⵉⵔⴰ ⵏ ⵓⴳⵔⴰⵡ ⴰⴷ, ⵙ ⵜⴰⵎⴷⵔⴰⵡⵜ ⴰⵙⵍⵉⴷⴰⵏ ⵉⵍⵍⴰⵏ ⵉⵏⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ.

Dernière modification : 20 ⵏⵓⵡⴰⵏⴱⵉⵔ 2015

Source URL: https://www.mapnews.ma/am/activites-royales/%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B5%93%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B4%B0-%E2%B4%BC%E2%B5%95%E2%B5%93%E2%B5%8F%E2%B5%99%E2%B5%A1%E2%B4%B0-%E2%B5%80%E2%B5%93%E2%B5%8D%E2%B5%93%E2%B5%8F%E2%B4%B7-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B3#comment-0