Published on MAPNews (https://www.mapnews.ma/am)

Accueil > ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵜⵙⵓⵜⵍⵜ ⵜⵉⵙⵙ 21 ⵏ ⵓⵙⴳⵔⴰⵡ ⵏ ⵏ ⵉⴽⴰⴱⴰⵕⵏ ⵏ ⵜⴰⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⵏⴼⵍ ⵏ ⵓⵏⵣⵡⴰⵢ
  1. Accueil
  2. Activités royales

ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵜⵙⵓⵜⵍⵜ ⵜⵉⵙⵙ 21 ⵏ ⵓⵙⴳⵔⴰⵡ ⵏ ⵏ ⵉⴽⴰⴱⴰⵕⵏ ⵏ ⵜⴰⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⵏⴼⵍ ⵏ ⵓⵏⵣⵡⴰⵢ

30 ⵏⵓⵡⴰⵏⴱⵉⵔ 2015 Version Imprimable
ⴱⴰⵔⵉⵣ - ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⵏⴰⵡ ⵉ ⵜⵙⵓⵜⵍⵜ ⵜⵉⵙⵙ 21 ⵏ ⵓⵙⴳⵔⴰⵡ ⵏ ⵏ ⵉⴽⴰⴱⴰⵕⵏ ⵏ ⵜⴰⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⵏⴼⵍ ⵏ ⵓⵏⵣⵡⴰⵢ (ⴽⵓⴱ21), ⵎⵉ ⵏⵏⵓⵕⵥⵎⵏⵜ ⵜⵡⵓⵔⵉⵡⵉⵏ ⵏⵏⵙ ⵜⵉⴼⴰⵡⵜ ⵏ ⵡⴰⵙⵙ ⵏ ⵓⵢⵏⴰⵙ ⴳ ⴱⴰⵔⵉⵣ.
ⵉⵏⴰⵡ ⴰⴷ ⵉⵖⵔⴰⵜ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵙ ⵜⵉⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ. ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ ⵎⴰⵙ ⴷ ⴰⵙⴳⵔⴰⵡ ⵏ ⵏ ⵉⴽⴰⴱⴰⵕⵏ ⵏ ⵜⴰⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏ ⵏ ⵓⵙⵏⴼⵍ ⵏ ⵓⵏⵣⵡⵉ (ⴽⵓⴱ21) ⵉⴳⴰ ⵢⴰⵏ ⵓⵣⵎⵣⵣⵓ ⵍⵍⵉ ⵔⴰⴷ ⵉⵙⴱⵓⵖⵍⵓ ⴷ ⵉⵙⴽⵙⵍ ⴳ ⵉⵜⵔⵉ, ⴷ ⵉⵙⵖⴰⵎⴰ ⴰⴷⴷⴰⴷ ⵏ ⵓⵏⵣⵡⵉ ⵉⵣⴷⴰⵔ ⵏ 2 ⵜⴼⵙⵏⵉⵡⵉⵏ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵎⴰⵙ ⴷ ⵏⵙⵙⵉⵜⵎ ⵢⴰⵏ ⵉⵎⴰⵍ ⵉⵖⵓⴷⴰⵏ ⵉ ⵜⴰⵔⴰⵡ ⵏⵏⴰⵖ, ⴷ ⵏⵔⴰ ⵜⴰⵙⵓⵜⴰ ⵏ ⵉⵎⴰⵍ ⴰⴷ ⵥⵕⵏ ⵜⴰⴳⴰⵏⵉⵏ ⴷ ⵜⵖⴰⵔⵉⵏ, ⴷ ⵓⴳⴰⵎⴰ ⵎⴰⵛⴽⵓ ⵉⴳⴰ ⵙⴳ ⵎⴰⵢⵖⵓⴷⴰⵏ ⵜⵥⵕⴰ ⵜⵉⵟ ⵏ ⵓⴼⴳⴰⵏ, ⵖⵉⵍⴰⴷ ⴷⴰ ⵉⵜⵜⵓⵙⴷⵉⴷⴷⵉⵢ , ⵉⵅⵚⵚⴰ ⵡⴰⵎⵓⵏ ⴰⵎⴰⴹⵍⴰⵏ ⴰⴷ ⵉⵙⴽⵔ ⵜⵓⴳⴳⵯⴰⵣ ⵏⵏⵙ ⴷⴰⵜ ⴰⴷ ⵉⵥⵔⵉ ⵓⵣⵎⵣ. ⴷ ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵎⴹⴰⴽⴰⵕ ⵅⴼ ⵙⴰⵡⴰⵍⵏ ⵓⵔ ⴳⵉⵏ ⵉⴷⵢⵓⵍⵓⵊⵉⵢⵏ ⵓⵍⴰ ⵉⴷⵉⴱⵍⵓⵎⴰⵙⵉⵢⵏ ⵓⵍⴰ ⵉⴷⵎⵙⴰⵏ ⵍⵍⵉ ⵢⴰⴷ ⵏⵙⵙⵏ, ⵎⴰⵛ ⵉⵙⴷⴷⵉⴷⵜⵏ ⴳⴰⵏ ⵉⵎⴰⴹⵍⴰⵏ, ⵓⵔⴰⴷ ⴳⵉⵙ ⵜⴼⴰⵖ ⴰⵡⴷ ⵢⴰⵜ ⵜⵎⴰⵣⵉⵔⵜ. ⵜⵉⵎⵉⴷⵉ ⵓⵔ ⴷⴰ ⵜⴱⴷⴰⵍ : ⴰⵜⴼⴰⵍ ⴷⴰ ⵉⴼⵙⴰⵢ ⴷ ⵉⵍⵍ ⴷ ⵜⵖⴰⵔⵜⵉⵏ ⴷⴰ ⵉⵜⴰⵍⵉ ⵓⵙⵡⵉⵔ ⵏⵏⵙⵏ, ⴷ ⵜⵢⴰⴼⵓⵜⵉⵏ ⵏ ⵜⴼⵍⵍⴰⵃⵜ ⴷⴰ ⵜⵜⵓⵙⴷⴷⵉⴷⵉⵏⵜ ⴷ ⵉⵏⴳⵢⴰⵏ ⴳⵓⵜⵉⵏ ⴷⴰ ⵜⴰⵡⵉⵏ ⵉⵎⴰⵏ ⵏ ⵎⵉⴷⴷⵏ. ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴷ ⴳ ⵓⵙⴰⴳⵎ ⵏ ⵡⴰⵎⴰⵏ ⵜⵜⵓⵙⴽⵔ 140 ⵏ ⵍⴱⴰⵔⴰⵊ ⵉⵅⴰⵜⴰⵔⵏ, ⵙ ⵜⵙⵔⵜⵉⵜ ⴰⴷ ⵉⵥⴹⴰⵕ ⵍⵎⵖⵔⵉⴱ ⴰⴷ ⵢⴰⴼ ⴰⴼⵙⴰⵢ ⵉⵜⵎⵓⴽⵔⵉⵙⵜ ⵏ ⵜⴰⵖⴰⵔⵜ. ⴳ ⵢⵉⴳⵔ ⵏ ⵜⴳⵎⴰⵔⵜ ⵜⴰⵢⵍⴰⵏⵜ ⵉⵙⴽⵔ ⵍⵎⵖⵔⵉⴱ ⵢⴰⵜ ⵜⵙⵔⵜⵉⵜ ⵉⵃⵟⵟⵓⵏ ⵉⵙⵍⵎⴰⵏ. ⴷ ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⵏⵏⵙ ⵎⴰⵙ ⴷ, ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵙⴳ ⵓⵏⵎⵓⵇⴰⵕ ⵏ ⵔⵉⵢⵓ ⴷⵉ ⵊⴰⵏⵉⵕⵓ ⵏ ⵓⵙⴳⴳⵯⴰⵙ ⵏ 1992 ⵍⵍⵉ ⵉⵏⵏⴰ ⵎⴰⵙ ⵉⵍⵍⴰ ⵉⵎⵉⵣⵉ ⵏ ⵓⵏⵣⵡⵉ, ⵜⴽⵛⵎ ⴳ ⵜⵙⵔⵜⵉⵜ ⵏ ⴰⵍⵔⴰⴷⵢⵓ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⴼⵔⴰⴳ ⵏ ⵓⵡⵏⴰⴹ, ⴷ ⵜⵓⴳⴳⵯⴰⵣ ⵉⵙⴽⴰⵔ ⵡⴰⵎⵓⵏ ⴰⵎⴰⴹⵍⴰⵏ ⴳ ⵓⵙⴳⴷ ⵏ ⵓⴷⵓⵙⵜⵓⵕ ⴷ ⵛⵛⴰⵔⵉⵄⴰ ⴷ ⵜⵎⵔⵙⵍⵜⵉⵏ. ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵜⴰⵙⵙⴰⵙⵜ ⵏ ⵓⵏⵣⵡⵉ ⵜⴳⴰ ⴰⵔⴽⴽⵯⵉⴷ ⴰⵅⴰⵜⴰⵔ ⵉⵜⵜⵓⴳⵏ ⵅⴼ ⵜⵎⵉⵣⴰⵔ ⵏ ⵓⵥⵍⴰⴹ, ⵙⵍⴰⵡⵏ ⴰⴽⴽⵯ, ⵎⴰⵙ ⵉⴹⵉⵚ ⵏ ⵓⵙⵏⴼⵍ ⴰⵏⵣⵡⴰⵢ ⴷⴰ ⵜⴰⵙⵙⴰⵙⵏⵜ ⵅⴼ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⴰⵎⵔⵉⴽⴰ ⵍⴰⵜⵉⵏⵢⴰ. ⴷ ⵉⵙⴽⵜⵉⴷ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⴰⵡ ⴰⴷ, ⵉⵎⵉⵣⵉ ⵏ ⵜⵎⵓⴽⵔⵉⵙⵜ ⴰⴷ ⵉ ⵙⴷⵉⴷⴷⵉⵏ ⵙⵙⵍⴰⵎⵜ ⴷ ⵜⵏⴼⵔⵓⵜ ⵏ ⵓⵎⴰⴹⴰⵍ. ⴷ ⵉⵙⴰⵡⵍ ⵅⴼ ⵜⵓⴳⴳⵯⴰⵣ ⴷⴰ ⵜⴳⴳⵯⴰⵏⵜ ⵜⵎⵉⵣⴰⵔ ⵃⵎⴰ ⴰⴷ ⴰⴼⵉⵏⵜ ⵉⴼⵙⵙⴰⵢⵏ ⵉ ⵜⵎⵓⵔⴽⵉⵙ ⴰⴷ. ⴳ ⵓⵎⵏⴰⴹ ⴰⴷ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ, ⴼⴽⵉⵏⵜ ⵜⵎⵉⵣⴰⵔ ⵏ ⵓⵎⴰⴹⴰⵍ ⵉ ⵓⵎⵏⵥⴰⵡ ⵏ ⵉⴼⵔⵉⵇⵢⵢⴰ, ⵉⵙⵓⵍⵏ ⴷⴰ ⵜⴷⴷⵓ ⴳ ⵓⴱⵔⵉⴷ ⵏ ⵜⵉⴳⵎⵉ ⵉⵣⴷⵉⵏ, ⵙⵍⴰⵡⵏ ⴰⴽⴽⵯ, ⵎⴰⵙ ⵜⴳⴰ ⴰⵎⵏⵥⴰⵡ ⵏ ⵉⵎⴰⵍ, ⴷ ⵎⴰⵙ ⴰⴽⴰⵍ ⵏⵏⵙ ⴰⴷ ⵉⵔⴰⵏ ⴰⴷⴰⵖⴷ ⵉⴼⴽ ⵉⵎⴰⵍ ⵏ ⵉⵜⵔⵉ ⵏⵏⵖ. ⴳ ⵓⵙⴰⵜⵉ ⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ, ⵎⴰⵙ ⵉⵅⵚⵚⴰ ⴰⴷ ⵙⵙⵔⵇⴱⵏⵜ ⵜⵎⵉⵣⴰⵔ ⵏ ⵓⵎⴰⴹⴰⵍ ⴰⵙⵙⴰⵢ ⵏ ⵜⵉⴽⵏⵓⵍⵓⵊⵉⵜ, ⴷ ⵓⵎⵢⴰⵡⴰⵙ ⴳ ⵓⵙⴰⴳⵎ ⴰⵥⵕⴼⴰⵏ, ⵉ ⵜⵎⵉⵣⴰⵔ ⵉⵙⵙⵓⴷⴰⵏ ⴳ ⵓⴱⵔⵉⴷ ⵏ ⵜⵉⴳⵎⵉ, ⴷ ⵎⴰⵙ ⵉⵅⵚⵚⴰ ⴰⴷⵔⵓ ⵏⵙⵏⵜ ⴳ ⴰⵎⵜⵡⵉ ⵏ ⵓⵙⵏⴼⵍ ⴰⵏⵣⵡⴰⵢ ⴰⴷ ⵜⴰⵢⵙⵙⴰ ⵉⵏⴰⵡ ⵏ ⵜⵉⴳⵎⵉ ⵏⵏⵙⵏⵜ, ⴷ ⵜⴰⵎⵢⵓⵔⵜ ⵏ ⵓⴳⴷⵓⴷ ⵏⵏⵙⵏⵜ. ⴳ ⵜⵏⵉⵍⵍⴰ ⴰⴷ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵙⴰⵙⴰ ⵉⵏⴳⵔ ⵜⵎⵉⵣⴰⵔ ⵏ ⵓⵎⴰⴹⴰⵍ ⵅⴼ ⵓⵙⵏⴼⵍ ⴰⵏⵣⵡⴰⵢ, ⴷⴰⴳ ⵉⵅⵚⵚⴰ ⴰⴷ ⵓⵎⵓⵏⵜ ⵜⵎⵉⵣⴰⵔ ⵉⵙⵙⵓⴷⵓⵏ ⴳ ⵓⴱⵔⵉⴷ ⵏ ⵜⵉⴳⵎⵉ.
Dernière modification : 30 ⵏⵓⵡⴰⵏⴱⵉⵔ 2015
Source URL: https://www.mapnews.ma/am/activites-royales/%E2%B5%89%E2%B5%8F%E2%B4%B0%E2%B5%A1-%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C-%E2%B5%9C%E2%B5%89%E2%B5%99%E2%B5%99-21-%E2%B5%8F-%E2%B5%93%E2%B5%99%E2%B4%B3%E2%B5%94%E2%B4%B0%E2%B5%A1-%E2%B5%8F-%E2%B5%8F-%E2%B5%89%E2%B4%BD%E2%B4%B0%E2%B4%B1%E2%B4%B0%E2%B5%95%E2%B5%8F-%E2%B5%8F-%E2%B5%9C%E2%B4%B0%E2%B5%8E%E2%B5%A2%E2%B4%B0%E2%B5%87%E2%B5%87%E2%B4%B0%E2%B5%8F%E2%B5%9C-%E2%B5%8F-%E2%B5%9C%E2%B5%8E%E2%B5%9C%E2%B5%9C%E2%B4%B0#comment-0