ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵉⵎⵏⵙⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⵏ ⵜⵙⵓⵜⵍⵜ ⵜⵉⵙⵙ 81 ⵏ ⵉⵎⴰⵍ ⴰⵙⵙ ⴰⵣⴳⵣⴰ ⴰⵎⴰⴹⵍⴰⵏ ⴳ ⵜⵎⴷⵉⵏⵜ ⵏ ⴱⵉⵔⵍⵉⵏ

15 ⵉⵏⵏⴰⵢⵔ 2016 Version Imprimable

ⴱⵉⵔⵍⵉⵏ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ, ⴰⵙⵙ ⵏ ⵓⴽⵡⴰⵙ ⴳ ⴱⵉⵔⵍⵉⵏ, ⵉⵎⵏⵙⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵙ ⵓⵣⵎⵣⵣⵓ ⵏ ⵜⵙⵓⵜⵍⵜ ⵜⵉⵙⵙ 81 ⵏ ⵉⵎⴰⵍ ⴰⵙⵙ ⴰⵣⴳⵣⴰ ⴰⵎⴰⴹⵍⴰⵏ.

ⴷ ⵉⵍⵍⴰ ⴳ ⵜⴼⵓⴳⵍⴰ ⵏ ⵉⵎⵏⵙⵉ ⵓⵎⴰⵡⵙⴰⵙ ⵏ ⵜⴽⵔⵣⴰ ⴷ ⵜⴳⵎⴰⵔⵜ ⵜⴰⵢⵍⴰⵏⵜ ⵄⴰⵣⵉⵣ ⴰⵅⵏⵏⵓⵛ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⵏ ⴰⵍⵎⴰⵏⵢⴰ ⵉⵎⴰⵏ ⵙⵍⴰⵡⴰⵏ ⴰⴽⴽⵯ ⴰⵎⴰⵡⵙⴰⵙ ⵏ ⵢⵓⵜⵛⵉ ⴷ ⵜⴽⵔⵣⴰ ⵏ ⴰⵍⵎⵏⵢⴰ ⴽⵔⵉⵙⵜⵢⴰⵏ ⵛⵎⵉⵜ, ⴷ ⵛⴰⵢⴳⴰⵏ ⵏ ⵉⵎⴰⵡⵙⴰⵙⵏ ⵏ ⵜⴽⵔⵣⴰ ⴷ ⵉⴷⴷⴰⵏ ⴳ ⵜⵎⵉⵣⴰⵔ ⵢⴰⴹⵏⵉⵏ ⵉⴷⵔⴰⵏ ⴳ ⵓⵙⴼⵙⴰⵔ ⴰⴷ ⴰⵎⴰⴹⵍⴰⵏ. ⴷ ⵉⵍⵍⴰ ⵙⵓⵍ ⴳ ⵜⴼⵓⴳⵍⴰ ⴰⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴰⵍⵎⵏⵢⴰ ⵄⵓⵎⴰⵔ ⵣⵏⵉⴱⵔ ⴷ ⵓⵎⵄⴰⵔ ⵏ ⴱⵉⵔⵍⵉⵏ ⴷ ⵉⴷⵉⴱⵍⵓⵎⴰⵙⵉⵢⵏ ⵏ ⵜⴳⴷⵓⴷⴰⵏⵜ ⵏ ⴰⵍⵎⵏⵢⴰ ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵓⵖⵔⵉⵎⵏ ⴷ ⵉⵄⵙⴽⵔⵉⵢⵏ. ⴷ ⵉⴷⵔⴰ ⵍⵎⵖⵔⵉⴱ ⴳ ⵓⵙⴼⵙⴰⵔ ⴰⴷ ⵏ « ⵉⵎⴰⵍ ⴰⵙⵙ ⴰⵣⴳⵣⴰ », ⵍⵍⵉ ⵉⵜⵜⵓⵙⵏⵎⴰⵍⴰⵏ ⵙⴳ 15 ⴰⵔ 24 ⵉⵏⵏⴰⵢⵔ ⴷⵢⵛⴽⴰⵏ, ⴰⵎⴷⵔⴰⵡ, ⴰⵎⵣⵡⴰⵔⵓ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⴱⵕⵕⴰ ⵏ ⵜⴰⵎⵓⵏⵜ ⵏ ⵓⵕⵓⴱⴰ ⵉⴽⵛⴰⵎ ⴳ ⵜⵎⵉⵣⴰⵔ ⵉⴷⵔⴰⵏ ⴳ ⵓⵙⴼⵙⴰⵔ ⴰⴷ.

Dernière modification : 15 ⵉⵏⵏⴰⵢⵔ 2016

Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%8E%E2%B5%94%E2%B5%A2%E2%B4%B0%E2%B5%8E-%E2%B5%89%E2%B5%8E%E2%B5%8F%E2%B5%99%E2%B5%89-%E2%B5%89%E2%B5%99%E2%B4%BD%E2%B5%94-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%99#comment-0