Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵕⵕⴱⴰⵟ ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 17 ⵉ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵕⵕⴱⴰⵟ ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 17 ⵉ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ

20 ⵉⵏⵏⴰⵢⵔ 2016 Version Imprimable
ⵕⵕⴱⴰⵟ - ⵉⵏⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵙ ⵜⴰⵎⵓⵏⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⵜⴰⴷⴳⴳⵯⴰⵜ ⵏ ⵡⴰⵙⵙⴰ ⵏ ⵓⴽⵔⴰⵙ ⴷⴼⴼⵉⵔ ⵏ ⵜⵥⴰⵍⵍⵉⵜ ⵏ ⵍⵎⵖⵔⴱ ⴳ ⵉⵙⵎⴹⴰⵍ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⵏ ⵓⵙⴽⵜⵉ ⵡⵉⵙⵙ 17 ⵉ ⵜⵎⵜⵜⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵍⵃⴰⵙⴰⵏ ⵡⵉⵙⵙ ⵙⵙⵉⵏ ⴰⴷⵜ ⵉⵕⵃⵎ ⵕⴱⴱⵉ.

ⵜⴰⴼⵓⴳⵍⴰ ⵜⴰⵙⴳⴷⴰⵏⵜ ⴰⴷ ⵜⵥⵍⵉ ⵙ ⵜⵖⵔⵉ ⵏ ⵍⴰⵢⴰⵜ ⵏ ⵍⵇⵕⴰⵏ ⴷ ⵉⵣⵍⴰⵏ ⵏ ⵍⴰⵎⴷⴰⵃ ⵏⴰⴱⴰⵡⵉⵢⴰ.

ⵙ ⵓⵣⵎⵣⵣⵓ ⴰⴷ, ⵉⴷⴷⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⴷ ⵉⴽⴽⵉⵏ ⵉⵙⵎⴹⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⵍⵎⵖⴼⵓⵕ ⵍⵃⴰⵙⴰⵏ ⵡⵉⵙⵙ ⵙⵙⵉⵏ, ⴷ ⴱⴰⴱ ⵏ ⵡⴰⴷⴷⵓⵔ ⵉⴳⵍⵍⵉⵏ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ, ⵍⵍⵉⴳ ⵉⵕⵃⵎ ⵉⵎⴰⵏ ⵏⵏⵙⵏ ⵉⵚⴼⴰⵏ.

ⴷ ⵉⵕⵃⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵖⵉⴼ ⵉⵎⴰⵏ ⵏ ⵍⵎⵖⴼⵓⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵖⴱⴷⵍⵍⴰ.

ⴷ ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵜⴰⵙⴳⴷⴰⵏⵜ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵓⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵛⴰⵡⵕⵏ, ⴷ ⵉⵎⵛⴰⵡⴰⵕⵏ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵉⵏⵙⵙⵉⵅⴼⵏ ⵉⵏⴳⵎⴰⵎⵏ ⵏ ⵜⵎⵏⴹⴰⵡⵜ, ⴷ ⵉⵙⵎⴷⵢⴰⵜⵏ ⵏ ⵓⴽⴰⴱⴰⵔ ⴰⴷⵉⴱⵍⵓⵎⴰⵙⵉ ⴰⵏⵙⵍⵎ ⵉⵍⵍⴰ ⴳ ⵕⵕⴱⴰⵟ, ⴷ ⵉⵡⵔⵉⴽⵏ ⵢⴰⴹⵏⵉⵏ.

ⴷ ⴳ ⵓⵣⵎⵣⵣⵓ ⴰⴷ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵎⵣⵡⴰⵔ ⵏ ⵜⵙⵏⴱⴹⴰⵢⵜ ⵏ ⵏⵏⴰⵇⴹ ⴳ ⵜⴳⴷⵓⴷⴰⵏⵜ ⵏ ⵜⵓⵔⴽⵢⴰ ⵎⴰⵙⵙ ⵉⵙⵎⴰⵄⵉⵍ ⵔⵉⵛⵜⵉ ⵊⵉⵔⵉⵜ ⴷ ⵉⵎⵓⵏ ⴳ ⵓⵎⵙⵇⴰⴷ ⵏ ⵜⵎⴰⵣⵉⵔⵜ ⵏⵏⵙ ⵉⵍⵍⴰⵏ ⴳ ⵕⵕⴱⴰⵟ ⵎⴰⵙⵙ ⵉⵜⵉⵎ ⴱⵔⴽⴰⵏ ⵓⵥⵥ.
 

Dernière modification : 20 ⵉⵏⵏⴰⵢⵔ 2016
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%99%E2%B4%B3%E2%B4%B7%E2%B4%B0%E2%B5%8F%E2%B5%9C-%E2%B5%8F-%E2%B5%93%E2%B5%99%E2%B4%BD%E2%B5%9C%E2%B5%89-%E2%B5%A1%E2%B5%89%E2%B5%99%E2%B5%99-17-%E2%B5%89-%E2%B5%9C%E2%B5%8E%E2%B5%9C%E2%B5%9C%E2%B4%B0%E2%B5%8F%E2%B5%9C-%E2%B5%8F-%E2%B4%B1%E2%B4%B0%E2%B4%B1-%E2%B5%8F#comment-0