Published on MAPNews (https://www.mapnews.ma/am)

Accueil > ⴱⴰⴱ ⵏ ⴰⵡⴷⴷⵓⵔ ⴰⴳⵍⵍⵉⴷ ⵉⵙⵏⵓⴱⴳ ⴳ ⴹⴹⴰⵕⵍⴱⵉⴹⴰ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙⴰ ⵏ ⵜⴽⵔⵣⴰ ⴷ ⵜⴳⵎⴰⵔⵜ ⵜⴰⵢⵍⴰⵏⵜ
  1. Accueil
  2. Activités royales

ⴱⴰⴱ ⵏ ⴰⵡⴷⴷⵓⵔ ⴰⴳⵍⵍⵉⴷ ⵉⵙⵏⵓⴱⴳ ⴳ ⴹⴹⴰⵕⵍⴱⵉⴹⴰ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙⴰ ⵏ ⵜⴽⵔⵣⴰ ⴷ ⵜⴳⵎⴰⵔⵜ ⵜⴰⵢⵍⴰⵏⵜ

28 ⵉⵏⵏⴰⵢⵔ 2016 Version Imprimable
ⴹⴹⴰⵕⵍⴱⵉⴹⴰ - ⵉⴷⴷⴰⴷ ⴳ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ, ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⵉⵙⵏⵓⴱⴳ ⴰⵙⵙ ⵏ ⵓⴽⵡⴰⵙ, ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⴹⴹⴰⵕⵍⴱⵉⴹⴰ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙ ⵏ ⵜⴽⵔⵣⴰ ⴷ ⵜⴳⵎⴰⵔⵜ ⵜⴰⵢⵍⴰⵏⵜ, ⵃⵎⴰ ⴰⴷ ⵙⴽⵔⵏ ⵜⵉⵡⵉⵔⵉⵡⵏ ⵉⵅⵚⵚⴰⵏ ⴳ ⵓⵎⴰⵟⵍ ⵏ ⵓⵏⵥⴰⵕ, ⴷ ⵓⵙⴱⵉⴷ ⵏ ⵉⴹⵉⵚ ⵅⴼ ⵓⵎⵓⵙⵙⵓ ⵏ ⵜⴼⵍⵍⴰⵃⵜ.

ⴷ ⵉⴷⴷⴰⴷ ⴳ ⵓⵙⵉⵡⴹ ⴰⴷ, ⵎⴰⵙ ⴷ ⴷⴼⴼⵉⵔ ⵏ ⵓⴼⵙⴰⵔ ⵉⴼⴽⴰ ⵓⵎⴰⵡⵙⴰⵙⴰ ⵏ ⵜⴽⵔⵣⴰ ⴷ ⵜⴳⵎⴰⵔⵜ ⵜⴰⵢⵍⴰⵏⵜ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵜⴰⵔⴰⵜⵉⵏ ⵏⵏⵙ ⵢⴰⵜⵜⵓⵢⵏ ⵃⵎⴰ ⴰⴷ ⵜⵜⵓⴼⴽⵜ ⵜⵡⵉⵣⵉ ⵉ ⵢⴼⵍⵍⴰⵃⵏ, ⵙⵍⴰⵡⵏ ⴰⴽⴽⵯ ⴳ ⵜⵎⵙⵓⵜⴰⵍ ⵏ ⵓⵙⴳⴳⵯⴰⵙ ⴰⴷ.


ⴷ ⵉⴼⴽⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⵜⴰⵔⴰⵜⵉⵏ ⵢⴰⵜⵜⵓⵢⵏ ⴰⴷ ⵜⵜⵓⵙⴽⵔⵏ ⵛⴰⵢⴳⴰⵏ ⵏ ⵜⵖⴰⵡⵙⵉⵡⵉⵏ ⵉⵜⴰⵡⵙⵏ ⵉⵎⵣⴷⴰⵖ ⵏ ⵉⵖⵕⵎⴰⵏ ⴷ ⵉⴷⵡⴰⵕⵏ ⵉⵄⵕⵇⴰⵏ ⴰⴼⴰ ⴷ ⵍⴽⵎⵏ ⵡⴰⵎⴰⵏ ⵏ ⵜⵉⵙⵙⵉ.


ⴳ ⵜⵙⴳⴰ ⵏ ⵓⵎⵓⵙⵙⵓ ⵏ ⵜⴼⵍⵍⴰⵃⵜ ⴳ ⵎⴰⵢⵥⵍⵉⵏ ⵙ ⵓⴼⵔⴰⴳ ⵏ ⵡⴰⵛⵜⴰⵍ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵅⵚⵚⴰ ⵓⴹⴼⵓⵕ ⵏ ⵡⴰⴷⴷⴰ ⵏ ⵜⴷⵓⵙⵉ ⵏⵏⵙ ⵃⵎⴰ ⴰⴷ ⵢⵉⵍⵉ ⴳ ⵜⵎⵙⵓⵜⴰⵍ ⵉⵖⵓⴷⴰⵏ.


ⵉⴷ ⴰⵙⴳⵓⵎ ⵡⵉⵙⵙ ⵙⵙⵉⵏ ⵉⴳⴰⵜ ⵓⴼⵔⴰⴳ ⵏ ⵉⵙⴰⴳⵎⵏ ⵏ ⵜⵓⴳⴰ, ⵙⵍⴰⵡⴰⵏ ⴰⴽⴽⵯ ⵃⵟⵟⵓ ⵏ ⵜⵢⴰⴼⵓⵜⵉⵏ ⵍⵍⵉ ⵉⵜⵜⵓⵙⴽⵔⵏ ⴳ ⵢⵉⴳⵔ ⵏ ⵜⴽⵔⵣⴰ ⴳ ⵓⵙⴰⵜⵉ ⵏ ⵜⴼⵍⵍⴰⵃⵜ ⵏ ⵜⵡⵉⵣⵉ, ⵍⵓⵎⴰⵏ ⴳ ⵜⵙⴳⴰ ⵏ ⵓⵎⵎⵓⵜⵉⵢ ⵏ ⵡⴰⴽⴰⵍ ⵏ ⵜⴽⵔⵣⴰ.


ⴷ ⵉⵙⵡⵓⴷⴷⵓⵜⵏ ⴰⴷ ⵥⵍⵉⵏ ⵙ ⴰⵙⴼⵍⵙ ⵏ ⵉⵙⵢⴰⴼⵓⵜⵏ ⵏ ⵓⵙⴳⴳⵯⴰⵙ ⴰⵏⴼⵍⴰⵃ ⴷⵢⵓⵛⴽⴰⵏ, ⴷ ⵓⵙⵔⵇⴱ ⵏ ⵓⵎⵎⵓⵜⵉⵢ ⵙⵔ ⵜⴽⵔⵣⴰ ⵏ ⵜⴼⵙⵓⵜ.


ⴷ ⵉⵏⵏⴰ ⵓⵙⵉⵡⴹ ⴰⴷ ⵎⴰⵙ ⴷ ⴳ ⵓⵣⴳⴳⵉⵔ ⵏ ⵜⴰⵔⴰⵜⵉⵏ ⵢⴰⵜⵜⵓⵢⵏ ⵜⵉⴳⵍⴷⴰⵏⵉⵏ, ⵉⴳⴰ ⵃⵟⵟⵓ ⵏ ⵓⵙⵉⴽⵙⴰⵍ ⴳ ⵓⴼⴰⵔⴰⵏ, ⵙⴳ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⵜⴰⵎⴰⵣⵡⴰⵔⵓⵜ. 

Dernière modification : 28 ⵉⵏⵏⴰⵢⵔ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B4%B0%E2%B5%A1%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%89%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B0%E2%B5%8F%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8F-%E2%B5%9C%E2%B5%8F%E2%B4%B1%E2%B4%B0%E2%B4%B9%E2%B5%9C-%E2%B4%B7-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B4%B0-%E2%B5%8F-%E2%B5%9C%E2%B4%BD%E2%B5%94%E2%B5%A3%E2%B4%B0-%E2%B4%B7#comment-0