Published on MAPNews (https://www.mapnews.ma/am)

Accueil > ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⵜⵎⴷⵉⵏⵜ ⵏ ⵍⵄⵢⵓⵏ ⴰⵙⵇⵇⵉⵎ ⵏ ⵉⵎⴰⵡⵙⴰⵙⵏ (ⴰⵙⵉⵡⴹ)
  1. Accueil
  2. Activités royales

ⴱⴰⴱ ⵏ ⵡⴰⴷⴷⵓⵔ ⵉⵙⵙⵉⵅⴼ ⴳ ⵜⵎⴷⵉⵏⵜ ⵏ ⵍⵄⵢⵓⵏ ⴰⵙⵇⵇⵉⵎ ⵏ ⵉⵎⴰⵡⵙⴰⵙⵏ (ⴰⵙⵉⵡⴹ)

06 ⴱⵕⴰⵢⵕ 2016 Version Imprimable
ⵍⵄⵢⵓⵏ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⵎⴷⵉⵏⵜ ⵏ ⵍⵄⵢⵓⵏ, ⴰⵙⵇⵇⵉⵎ ⵏ ⵉⵎⴰⵡⵙⴰⵙⵏ.
ⵉⴷⴷⴰⴷ ⴳ ⵓⵙⵉⵡⴹ ⵉⵖⵔⴰ ⵓⵎⵙⵉⵡⵍ ⵙ ⵢⵉⵙⵎ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⵎⴰⵙⵙ ⵄⴱⴷ ⵍⵃⴰⵇ ⵍⵎⵔⵉⵏⵉ : ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ 6 ⴱⵕⴰⵢⵕ 2016, ⴳ ⵜⵎⴷⵉⵏⵜ ⵏ ⵍⵄⵢⵓⵏ, ⴰⵙⵇⵇⵉⵎ ⵏ ⵉⵎⴰⵡⵙⴰⵙⵏ, ⴳ ⵉⵎⵙⴰⵙⴰ ⵅⴼ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ, ⴷ ⵓⵙⵏⵜⵉ ⵏ ⵓⵙⵍⴳⵏ, ⴷ ⵙⵉⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵍⵄⵙⴽⵕ, ⴷ ⵉⵙⵓⵔⵙⵏ ⵉⵅⴰⵜⴰⵔⵏ, ⴷ ⵛⴰⵢⴳⴰⵏ ⵏ ⵜⵎⵢⴰⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ. ⴳ ⵜⵣⵡⵉⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵉⵙⵎⵏⵉⴷ ⵓⵎⴰⵡⵙⴰⵙ ⵏ ⵜⴳⵎⵉ ⵜⴰⵏⴰⵎⵓⵔⵜ ⴷ ⵓⵙⵎⵎⵓⵜⴳ ⴰⵣⵓⵍⴰⵏ, ⴰⴼⵙⴰⵔ ⴷⴰⵜ ⴱⴰⴱ ⵏ ⵡⴰⴷⴷⵓⵔ, ⵅⴼ ⵓⵖⴰⵡⴰⵙ ⵏ ⵜⵙⵜⵔⴰⵜⵉⵊⵉⵢⵜ ⵏ ⵜⵙⵔⵜⵉⵜ ⵏ ⵓⵡⵏⴽ, ⴳ ⵎⴰⵢⵥⵍⵉⵏ ⵙ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵢⵜ ⵏ ⵓⵙⴳⴷ ⵏ ⵜⴳⵎⵉ ⴷ ⵓⵙⵎⵎⵓⵜⴳ ⴷ ⵓⵙⵉⴳⴳⵯⵍ ⴰⵎⴰⵙⵙⴰⵏ 2015-2030. ⴳ ⵓⵙⴳⵓⵎ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ, ⵍⴰⵎⵉⵔ ⵏ ⵉⵎⵓⵎⵏⵏ, ⵜⴰⵔⴰⵜⵉⵏ ⵢⴰⵜⵜⵓⵢⵏ ⵉ ⵡⵎⴰⵡⵙⴰⵙⵏ ⴳ ⵜⴳⵎⵉ ⵜⴰⵏⴰⵎⵓⵔⵜ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵎⴰⵙ ⴷ ⵉⵅⵚⵚⴰ ⵓⵙⴳⴷ ⵏ ⵉⵖⴰⵡⴰⵙⵏ ⵓⵙⵍⵎⴰⴷ ⴷ ⵓⵙⴳⵎⵉ ⴰⵙⴳⴷⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵉⵏⵎⴰⵍ ⵜⴰⴳⴷⵓⴷⴰⵏⵜ ⵏⵖⴷ ⴰⵙⵍⵎⴰⴷ ⵓⵙⵍⵉⴳ, ⵏⵖⴷ ⵜⵉⵎⵔⵙⴰⵍ ⵏ ⵓⵙⵍⵎⴰⴷ ⴰⵇⴱⵓⵕ, ⴰⴼⴰ ⴷ ⵜⵜⵓⴼⴽ ⵡⴰⴷⴷⵓⵔ ⵉ ⵜⴳⵎⵉ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ. ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⵉⵅⵚⵚⴰ ⵉⵖⴰⵡⴰⵙ ⵏ ⵓⵙⵍⵎⴰⴷ ⴰⴷ ⵟⴼⴰⵏ ⵙ ⵜⵖⴰⵡⵙⵉⵡⵉⵏ ⵏ ⵓⴳⴷⵓⴷ ⴰⵎⵖⵔⴰⴱⵉⵢ ⴰⵇⴱⵓⵕ, ⵙ ⵜⵎⴰⴳⵉⵜ ⴷ ⵜⵎⵢⵓⵔⵜ ⵜⴰⵇⴱⵓⵕⵜ, ⴰⴼⴰ ⴷ ⵉⵍⵉ ⵉⵙⴽⴽⵉⵏ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵉⵎⴰⵏⵏ, ⴳ ⵓⵏⵏⵓⵕⵥⴰⴼ ⵏ ⵡⴰⵎⵓⵏ ⵅⴼ ⵜⵉⵔⵎⵉⵡⵉⵏ ⵏ ⵜⵓⵙⵙⵏⴰ. ⴷⴼⴼⵉⵔ, ⵉⵙⵎⵏⵉⴷ ⵓⵎⴰⵡⵙⴰⵙ ⵏ ⵓⴳⵏⵙⵓ ⴷⴰⵜ ⴱⴰⴱ ⵏ ⵡⴰⴷⴷⵓⵔ, ⵜⴰⵙⵖⵓⵏⵜ ⵅⴼ ⵜⵙⵜⵔⴰⵜⵉⵊⵉⵢⵜ ⵏ ⵓⵣⴳⴳⵉⵔ ⵏ ⵓⵖⴰⵡⴰⵙ ⴰⵏⴳⵎⵓ ⴰⵎⴰⵢⵏⵓ ⵏ ⵜⵎⵏⴰⴹⵉⵏ ⵏ ⵉⴼⴼⵓⵙ ⴳ ⵜⴳⵍⴷⵉⵜ, ⴳ ⵉⵏⵏⴰ ⵎⴰⵙ ⴷ ⴰⵖⴰⵡⴰⵙ ⴰⴷ, ⵉⵜⵜⵓⵙⴽⵔⵏ ⵙ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵙⴳ ⵉⵎⴰⵙⵏ ⵏ ⵜⵉⵙⵏⵙⵉ ⵏ ⵜⴰⵏⵎⵏⴰⴹⵜ ⵜⴰⵎⵉⵔⵉⵡⵜ. ⴷ ⵉⵎⵙⴰⵙⴰ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵅⴼ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ, ⴷⵢⵓⵛⴽⴰⵏ ⴳ ⵓⵎⵏⵏⵉ ⵡⵉⵙⵙ 44 ⵏ ⵓⴷⵓⵙⵜⵓⵔ, ⵉⵥⵍⵉⵏ ⵙ ⵓⵙⵇⵇⵉⵎ ⵏ ⵜⵖⵍⴰⴼⵜ. ⵉⴳⴰⵜ ⵓⵙⵡⵓⴷⴷⵓ ⵏ ⵓⵙⵇⵇⵉⵎ, ⵉⴳ ⵓⵔ ⵉⵍⴽⵉⵎ ⵓⴳⵍⵍⵉⴷ ⴰⵜⵔⴰⴳ, ⵜⴰⵥⵍⴰⵢⵜⵉⵏ ⵏ ⵓⴷⴰⴱⵓ ⴷ ⵉⵣⵔⴼⴰⵏ ⵏⵏⵙ ⵉⴷⵓⵙⵜⵓⵔⵉⵢⵏ, ⴳ ⵓⵙⵍⵉⴳ ⵏ ⵎⴰⵢⵥⵍⵉⵏ ⵙ ⵓⵣⵣⵔⴰⵢ ⵏ ⵓⴷⵓⵙⵜⵓⵔ. ⴳ ⵎⴰⵢⵥⵍⵉⵏ ⵙ ⵢⵉⴳⵔ ⵏ ⵍⵄⵚⴽⴰⵕ, ⵍⵍⵉ ⵉⵙⵙⵏ ⴰⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ, ⴰⵅⴰⵜⴰⵔ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⴰⵔⴽⴰⵏ ⵍⵃⴰⵔⴱ ⵏ ⵜⴳⴰⵍⵍⵉⵜ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵉⵎⵙⴰⵙⴰ ⵓⵙⵇⵇⵉⵎ ⴰⵎⴰⵡⵙⴰⵙ ⵅⴼ ⵓⵙⵏⵜⵉ ⵏ ⵓⵙⵍⴳⵏ ⴰⵙⵏⴼⵍ ⵏ ⵓⵙⵍⴳⵏ ⵏ ⵜⵏⴰⴼⵜ ⵏ ⵉⵄⵚⴽⵔⵉⵢⵏ. ⴰⵡⵜⵜⴰⵙ ⵏ ⵓⵙⵏⵜⵉ ⴰⴷ, ⵉⵥⵍⵉ ⵙ ⵓⵙⴰⵍⵉⵢ ⵜⴰⵏⴰⴼⵜ ⵏ ⵉⵄⵚⴽⵕⵉⵢⵏ. ⵖ ⵎⴽⵍⵍⵉⴷ ⵉⴷⴷⴰⵏ ⴳ ⵓⵎⵏⵏⵉ ⵡⵉⵙⵙ 49 ⵏ ⵓⴷⵓⵙⵜⵓⵔ, ⴷ ⵜⴰⵏⵏⴰⵢⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵛⴰⵢⴰⴳⵏ ⵏ ⵍⵡⵓⵍⴰⵜ ⴷ ⵉⵏⴱⴱⴰⴹⵏ. ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵛⴰⵢⴳⴰⵏ ⵏ ⵉⵎⵙⵇⴰⴷⵏ. ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⴰⴷⴰⵎⵙⴰ ⴷ ⵓⵥⵕⴼ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ, ⵎⴰⵙⵙⴰ ⵏⵣⵀⴰ ⵃⴰⵢⴰⵜ, ⵜⴰⵏⵙⵙⵉⵅⴼⵜ ⵏ ⵜⴳⵔⴰⵡⵜ ⵜⴰⵎⵖⵔⵉⴱⵉⵢⵜ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ, ⴷ ⵎⴰⵙⵙ ⵃⴰⵙⴰⵏ ⴱⵓⴱⵔⵉⴽ ⴰⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵉⵙⴼⵍⵙⵏ ⴷ ⵓⵖⴹⴰⴼ ⴰⵏⴰⵎⵓⵏ. ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⴽⵔⵣⴰ ⴷ ⵜⴳⵎⴰⵔⵜ ⵜⴰⵢⵍⴰⵏⵜ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⴽⴰⵔⵉⵎ ⵜⵊⵎⵓⵄⵜⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵃⵟⵟⵓ ⵏ ⵜⵓⵚⴽⴰⵡⵉⵏ. ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⵙⵙⴰⵢ ⴰⵍⵓⵊⵉⵙⵜⵉⴽⵉⵢ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵄⴱⴷ ⵍⵃⴰⵎⵉⴷ ⵄⴷⴷⵓ, ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵉⵣⵔⵉⴳⵏ ⵉⴳⵍⴷⴰⵏⵏ ⵏ ⵍⵎⵖⵔⵉⴱ. ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵥⴹⴰⵕⵜ ⴷ ⵓⵣⴰⵖⵓⵣ ⴷ ⵡⴰⵎⴰⵏ ⴷ ⵓⵡⵏⴰⴹ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵅⵎⴰⵔ ⵎⵔⴰⴱⵟ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵍⴰⵎⴰⵏ ⴷ ⵙⵍⴰⵎⵜ ⴳ ⵢⵉⴳⵔ ⴰⵎⵖⵢⴰⵢ. ⴳ ⵓⵙⴰⵜⵉ ⵏ ⵓⵙⵓⴼⵓ ⵏ ⵍⵎⵖⵔⵉⴱ ⵉⵙⵓⵖⵏ ⵉⴳⵔⴰⵖⵍⴰⵏ, ⵉⵎⵙⴰⵙⴰ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵅⴼ ⴽⵓⵥ ⵏ ⵜⵎⵢⴰⵇⵇⴰⵏⵉⵏ ⵉⵥⵍⵉⵏ ⵙ ⵓⵙⴳⴷ ⵏ ⵜⵎⵢⴰⵇⴰⵏⵜ ⵏ ⵎⵕⵕⴰⴽⵛ ⴰⴼⴰ ⴷ ⵜⵜⵓⵙⴽⵔ ⵜⵏⵎⴰⵍⴰⵢⵜ ⵏ ⵜⵙⴱⴱⴰⴱⵜ ⵜⴰⵎⴰⴹⵍⴰⵏⵜ, ⴷ ⵓⵖⴰⵡⴰⵙ ⵏ ⵜⵏⵎⴰⵍⴰⵢⵜ ⵏ ⵜⴳⵎⵉ ⵏ ⵜⵎⵖⴰⵔⵜ ⴳ ⵜⵎⵉⵣⴰⵔ ⵏ ⵓⵎⵢⴰⵡⴰⵙ ⴰⵏⵙⵍⴰⵎ, ⴷ ⵓⵖⴰⵡⴰⵙ ⵏ ⵜⵏⵎⴰⵍⴰⵢⵜ ⵏ ⵜⵡⵓⵔⵉ ⵜⴰⵏⵙⵍⴰⵎⵜ ⵜⴰⴳⵔⴰⵖⵍⴰⵏⵜ, ⴷ ⵜⵎⵢⴰⵇⴰⵏⵜ ⵏ ⵉⵎⵙⵡⵓⵔⵉⵜⵏ ⵉⵎⵣⵣⵉⵜⵏ.
Dernière modification : 06 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B4%B3-%E2%B5%9C%E2%B5%8E%E2%B4%B7%E2%B5%89%E2%B5%8F%E2%B5%9C-%E2%B5%8F-%E2%B5%8D%E2%B5%84%E2%B5%A2%E2%B5%93%E2%B5%8F-%E2%B4%B0%E2%B5%99%E2%B5%87%E2%B5%87%E2%B5%89%E2%B5%8E-%E2%B5%8F-%E2%B5%89%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%8F-%E2%B4%B0%E2%B5%99%E2%B5%89%E2%B5%A1%E2%B4%B9#comment-0