Published on MAPNews (https://www.mapnews.ma/am)

Accueil > ⵜⴰⵙⴳⴰ ⵏ ⴹⴹⴰⵕⵍⴱⵉⴹⴰ - ⵙⵟⵟⴰⵜ.. ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵓⵥⵟⵟⴰ ⴷ ⵓⵙⵉⴷⴼ ⵉⵖⵔⵎⴰⵏ ⵏ ⵜⵓⴷⴷⵓⵔⵜ «ⵍⵀⵔⴰⵡⵢⵢⵉⵏ ⵉⵥⵥⵍⵎⴹ» ⴷ « ⵙⵉⴷⵉ ⴰⵃⵎⴰⴷ ⴱⵍⵍⴰⵃⵙⵏ ».
  1. Accueil
  2. Activités royales

ⵜⴰⵙⴳⴰ ⵏ ⴹⴹⴰⵕⵍⴱⵉⴹⴰ - ⵙⵟⵟⴰⵜ.. ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵓⵥⵟⵟⴰ ⴷ ⵓⵙⵉⴷⴼ ⵉⵖⵔⵎⴰⵏ ⵏ ⵜⵓⴷⴷⵓⵔⵜ «ⵍⵀⵔⴰⵡⵢⵢⵉⵏ ⵉⵥⵥⵍⵎⴹ» ⴷ « ⵙⵉⴷⵉ ⴰⵃⵎⴰⴷ ⴱⵍⵍⴰⵃⵙⵏ ».

11 ⴱⵕⴰⵢⵕ 2016 Version Imprimable
ⴹⴹⴰⵕⵍⴱⵉⴹⴰ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⵏⴱⴰⴹⵜ ⵏ ⵜⵙⵓⵏⴹⵜ ⵏ ⵎⵓⵍⴰⵢ ⵕⵛⵉⴷ ⵎⵏⵏⴰⵡ ⵏ ⵉⵙⵏⵜⵉⵜⵏ ⵉⵥⵍⵉⵏ ⵙ ⵓⵥⵟⵟⴰ ⴷ ⵓⵙⵉⴷⴼ ⵉⵖⵔⵎⴰⵏ ⵏ ⵜⵓⴷⴷⵓⵔⵜ «ⵍⵀⵔⴰⵡⵢⵢⵉⵏ ⵉⵥⵥⵍⵎⴹ» ⴷ «ⵙⵉⴷⵉ ⴰⵃⵎⴰⴷ ⴱⵍⵍⴰⵃⵙⵏ».
ⴰⵢⴰⴷ ⵏ ⵉⵙⵏⵜⵉⵜⵏ ⵏ ⵓⴳⴰⵎⴰ ⴰⵏⴰⵎⵓⵏ, ⴷ ⵍⵍⵉ ⵔⴰⴷ ⵢⴰⵡⵙ ⵄⵍⴰⵢⵏ ⵏ 12.200 ⵏ ⵜⴰⵡⵊⵉⵡⵉⵏ, ⴰⵏⵀⵍⵍⴰ ⴰⵎⴰⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⴳⴷⵓⴷ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⴰⵏ, ⴷ ⵉⵙⴷⴷⵉⴷ ⵜⵉⵔⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⵃⵎⴰ ⴰⴷ ⴰⵙⵏ ⵜⵉⵍⵉ ⵜⵓⴷⵔⵜ ⵉⵖⵓⴷⴰⵏ ⴷ ⵓⵙⵙⴱⵖⵔ ⴳ ⵉⵊⵎⵉⵍⵏ ⵉⴷⵙⵍⴰⵏ ⴷ ⵜⵓⵚⴽⵉⵡⵜ ⵜⵉⵏⴰⵎⵓⵏⵉ ⵏ ⵓⵍⵎⴰⵍⴰ ⴳ ⵡⴰⴷⴷⴰⴷ ⵉⵖⵓⴷⴰⵏ. ⴰⵢⴰⴷ ⵏ ⵉⵙⵏⵜⵉⵜⵏ ⵍⵍⵉ ⵔⴰⴷ ⵓⵜⵜⵓⵙⴽⵔ ⵙ ⵡⴰⵜⵉⴳ ⵏ 321,4 ⵎⵍⵢⵓⵏ ⵏ ⴷⴷⵔⵀⴰⵎ ⴳ ⵜⵉⵣⵉ ⵏ 24 ⵏ ⵡⴰⵢⵢⵓⵔ ⴳ ⵓⵙⵏⵜⵉ ⵏ ⵜⵓⵛⵔⴽⴰ ⴳⵔ ⵜⴰⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵉⴳⵎⵉ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵜⴰⴷⵖⴰⵔⴰⵏⵜ ⵉⴹⴼⴰⵔⵏ ⵉ ⵜⵎⴰⵡⵙⴰⵙⵜ ⵏ ⵓⴳⵏⵙⵓ, ⴷ ⵜⵎⴰⵡⵙⴰⵙⵜ ⵏ ⵓⵣⴷⵓⵖ ⴷ ⵓⵙⵎⵙⴰⵙⴰ ⴰⵖⵔⵎⴰⵏ, ⴷ ⵜⵙⴳⴰ ⵏ ⴹⴹⴰⵕⵍⴱⵉⴹⴰ- ⵙⵟⵟⴰⵜ, ⴷ ⵓⵙⵇⵇⵉⵎ ⵏ ⵜⵎⵏⴱⴰⴹⵜ ⴷ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵏ ⴹⴹⴰⵕⵍⴱⵉⴹⴰ. ⴰⵡⵜⵜⴰⵙ ⵏ ⵓⵙⵏⵜⵉ ⴰⴷ ⵉⴳⴰⵜ ⵓⵙⵉⵡⴹ ⵏ ⵓⵣⴷⴰⵢ ⵏ ⵉⴱⵔⴷⴰⵏ ⴳ ⵜⵎⵏⴰⴹⵜ ⴰⴷ, ⴷ ⵓⵙⴷⵓⵙ ⵏ ⵓⵥⵟⵟⴰ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵓⵙⵙⵉⴷ ⴷ ⵓⵙⵉⵣⴷⴳ ⴷ ⵡⴰⵙⵙⵉⴷ ⴰⴳⴷⵓⴷⴰⵏ, ⴷ ⵜⵓⵣⵣⵓⵜ ⵏ ⵉⵙⴽⵍⴰ ⴷ ⵉⵎⵖⵉ, ⴷ ⵜⵓⵙⴽⵔⴰ ⵏ ⵛⴰⵢⴳⴰⵏ ⵏ ⵉⵎⴰⵡⴰⵏ ⵉⴳⴷⵓⴷⴰⵏ ⵏ ⵓⵍⵎⴰⵍⴰ (ⵜⵉⵎⵣⴳⵉⴷⴰ, ⴰⵎⵎⴰⵙ ⴰⵏⴰⵎⵓⵏ, ⴰⵎⵎⴰⵙ ⵏ ⵜⵎⵖⴰⵔⵉⵏ, ⴷ ⵡⴰⵎⵎⴰⵙ ⵏ ⵓⵙⵎⵓⵜⴳ, ⴷ ⵡⴰⵎⵎⴰⵙ ⵏ ⵜⴷⵓⵙⵉ, ⴷ ⵉⴱⴰⵔⴰⵣⵏ ⵏ ⵜⵓⵏⵏⵓⵏⵜ…). ⴳ ⵓⵎⵏⴰⴹ ⴰⴷ, ⵔⴰⴷ ⴰⵡⵙⴰⵏ ⵉⵡⵜⵜⴰⵙⵏ ⴰⴷ ⴰⵙⵖⵓⴷⵓ ⵏ ⵡⴰⴷⴷⴰⴷ ⵉⵣⵍⵉⵏ ⵙ ⵙⵍⴰⵎⵜ ⵏ ⵜⴷⵓⵙⵉ ⵏ ⵉⵎⵣⴷⴰⵖ, ⴷ ⵓⵙⴱⵓⵖⵍⵓ ⵏ ⵜⵖⵔⵎⴰ ⵏ ⵜⵎⴷⵉⵏⵜ ⴰⴷ, ⴷ ⵓⴼⵔⴰⴳ ⵏ ⵓⵡⵏⴰⴹ, ⴷ ⵜⵏⴼⵔⵓⵜ ⵏ ⵜⵉⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰ ⵜⴰⵙⵓⵍⴰⵏⵜ ⴳ ⵜⵙⴳⴰ ⴰⴷ. ⵉⵙⵏⵜⵉⵜⵏ ⴰⴷ ⵉⵥⵍⵉⵏ ⵙ ⵓⵥⵟⵟⴰ ⴷ ⵓⵙⵉⴷⴼ ⵉⵖⵔⵎⴰⵏ ⵏ ⵜⵓⴷⴷⵓⵔⵜ «ⵍⵀⵔⴰⵡⵢⵢⵉⵏ ⵉⵥⵥⵍⵎⴹ» ⴷ « ⵙⵉⴷⵉ ⴰⵃⵎⴰⴷ ⴱⵍⵍⴰⵃⵙⵏ » ⵢⴰⵎⵓ ⴳ ⵓⵙⵏⵜⵉ ⵏ « ⵓⵥⵟⵟⴰ ⴷ ⵓⵙⵉⴷⴼ ⵉⵖⵔⵎⴰ ⵏ ⵜⵓⴷⴷⵓⵔⵜ ⴳ ⵉⴷⵔⵓⵙ ⵓⵎⴰⵡⴰ », ⵉⴽⵛⵎⴰⵏ ⴳ ⵓⵖⴰⵡⴰⵙ ⵏ ⵓⵙⵖⵓⴷⵓ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⵜⴰⵅⴰⵜⴰⵔⵜ ⵍⵍⵉ ⵉⵕⵥⴰⵎ ⴱⴰⴱ ⵏ ⵡⴰⴷⴷⵓⵔ ⴳ ⵡⴰⵢⵢⵓⵔ ⵏ 27 ⴽⵟⵓⴱⵕ 2014. ⴰⵙⵏⵜⵉ ⵏ « ⵓⵥⵟⵟⴰ ⴷ ⵓⵙⵉⴷⴼ ⵉⵖⵔⵎⴰ ⵏ ⵜⵓⴷⴷⵓⵔⵜ ⴳ ⵉⴷⵔⵓⵙ ⵓⵎⴰⵡⴰ» 90 ⵏ ⵜⵓⴷⴷⵓⵔⵜ ⴳ ⵜⵎⴷⵉⵏⵜ ⵏ ⴹⴹⴰⵕⵍⴱⵉⴹⴰ, ⴷ ⵜⵎⵏⴱⴰⴹⵜ ⵏ ⵍⵎⵓⵃⵎⵎⴰⴷⵢⴰ, ⴷ ⵜⵎⵏⴱⴰⴹⵜ ⵏ ⵏⵡⴰⵚⵕ ⴷ ⵎⴷⵢⵓⵏⴰ. ⴷ ⴽⵛⵎⴰⵏ ⵉⵙⵏⵜⵉⵜⵏ ⴰⴷ ⴳ ⵓⵙⵏⵜⵉ ⵏ ⵓⵙⵙⵉⴼⴹ ⵏ ⵜⴷⵉⵏⴰⵎⵉⵢⵜ ⵜⴰⵎⴰⵢⵏⵓⵜ ⴳ ⵜⵙⵉⵍⴰ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⵙⴳⴰ ⵏ ⴹⴹⴰⵕⵍⴱⵉⴹⴰ ⵚⵟⵟⴰⵜ, ⴷ ⵓⵙⴷⵓⵙ ⵏ ⵓⴹⵖⴰⵔ ⵏⵏⵙ, ⴷ ⵓⵙⵖⵓⴷⵓ ⵏ ⵜⵓⴷⵔⵜ ⵏ ⵉⵎⵣⴷⴰⵖ, ⴷ ⵓⴼⵔⴰⴳ ⵏ ⵓⵡⵏⴰⴹ ⵏⵏⵙ.
Dernière modification : 11 ⴱⵕⴰⵢⵕ 2016
Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%99%E2%B4%B3%E2%B4%B0-%E2%B5%8F-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%99%E2%B5%9F%E2%B5%9F%E2%B4%B0%E2%B5%9C-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%9C%E2%B5%8F-%E2%B5%89%E2%B5%A5%E2%B5%8D%E2%B5%89%E2%B5%8F-%E2%B5%99-%E2%B5%93%E2%B5%A5%E2%B5%9F%E2%B5%9F%E2%B4%B0-%E2%B4%B7#comment-0